കപ്പലണ്ടി
തണുപ്പുകാലത്ത് പൊതുവേ വിശപ്പു കൂടുകയെന്ന ഒന്നുണ്ട്. ഇത് അമിത ഭക്ഷണത്തിലേയ്ക്കും തടി വര്‍ദ്ധിയ്ക്കുവാനും ഇടയാക്കുന്ന ഒന്നു കൂടിയാണ്. ശൈത്യകാലത്ത് കപ്പലണ്ടിയും ശർക്കരയും ചേർത്ത് കഴിക്കുന്നത് വിശപ്പ് അകറ്റുന്നതിനും നിയന്ത്രിക്കുന്നതിനും സഹായിക്കും. അനാരോഗ്യകരമായ ഭക്ഷണങ്ങളോടുള്ള ആസക്തി കുറയ്ക്കാനും ഇത് ഉപകരിക്കും.ബയോട്ടിൻ, ചെമ്പ്, നിയാസിൻ, ഫോളേറ്റ്, മാംഗനീസ്, വിറ്റാമിൻ ഇ, തയാമിൻ, ഫോസ്ഫറസ്, മഗ്നീഷ്യം എന്നിവയുടെ സമ്പുഷ്ടമായ ഉറവിടമാണ് കപ്പലണ്ടി.
ഉലുവ ശർക്കരയുമായി ചേർത്ത്
ശരീരത്തിന് മാത്രമല്ല, ചര്‍മത്തിനും മുടിയ്ക്കുമെല്ലാം ശര്‍ക്കര നല്ലതാണ്. തണുത്ത കാലാവസ്ഥ മുടിയിലെ ഈർപ്പവും തിളക്കവും മുഴുവൻ നീക്കം ചെയ്യുന്നു. ഈ കാലാവസ്ഥയിൽ, മുടി മങ്ങിയതായി കാണപ്പെടുകയും മുടി കൊഴിച്ചിൽ പ്രശ്നം വർദ്ധിക്കുകയും ചെയ്യുന്നു. എല്ലാ ദിവസവും ഉലുവ ശർക്കരയുമായി ചേർത്ത് കഴിക്കുക. ഇത് രക്തപ്രവാഹം വര്‍ദ്ധിപ്പിയ്ക്കുന്നു. ഇതു വഴി ചര്‍മത്തിനും ആരോഗ്യകരമാണ്. ചുക്കും ശര്‍ക്കരയും ചേര്‍ത്ത് കഴിയ്ക്കുന്നത് പനിയും ജലദോഷവുമെല്ലാം മാറാനും സഹായിക്കും.
മഞ്ഞളും
വിന്റര്‍കാല രോഗങ്ങളില്‍ ചുമയും കഫക്കെട്ടുമെല്ലാം സാധാരണയാണ്. ഇതിന് പരിഹാരം കൂടിയാണ് ശര്‍ക്കര. ശര്‍ക്കര മഞ്ഞള്‍ ചേര്‍ത്ത് ഉപയോഗിയ്ക്കാം. മഞ്ഞളിൽ അടങ്ങിയിട്ടുള്ള കുർക്കുമിൻ ഇവയുടെ ആരോഗ്യപരമായ ഗുണങ്ങൾക്ക് കാരണമാകുന്നു. നിങ്ങളുടെ പാലിൽ ഒരു നുള്ള് മഞ്ഞളും കുറച്ച് ശർക്കരയും ചേർത്ത് രാത്രിയിൽ ചൂടോടെ കുടിക്കുന്നത് നിങ്ങളുടെ പ്രതിരോധശേഷി വർദ്ധിപ്പിക്കുവാൻ സഹായിക്കും.
നെയ്യും ശര്‍ക്കരയും
ശരീരത്തിന് കൂടുതല്‍ ഡിഹൈഡ്രേഷന്‍ വരുന്ന സമയമാണ് മഞ്ഞുകാലം അഥവാ വിന്റര്‍ എന്നത്. ഇത് ശരീരത്തിനും മുടിയ്ക്കും ചര്‍മത്തിനുമെല്ലാം ദോഷകരമാണ്. ശരീരത്തെ നിര്‍ജ്ജലിനീകരണം ചെയ്യുന്ന ഈ കാലം ഇതിനാല്‍ തന്നെ മലബന്ധം പോലുള്ള ്ര്രപശ്‌നങ്ങള്‍ക്കും പലര്‍ക്കും വഴിയൊരുക്കും. പ്രത്യേകിച്ചും വെള്ളം ആവശ്യത്തിന് കുടിച്ചില്ലെങ്കില്‍. ഇതിനുളള നല്ല പരിഹാരമാണ് ശര്‍ക്കര. നെയ്യും ശര്‍ക്കരയും ഒരുമിച്ച് ചേര്‍ത്ത് കഴിയ്ക്കുന്നത് നല്ലതാണ്.