സവാള
വയര്‍ കുറയ്ക്കാന്‍ സഹായിക്കുന്ന ഒന്നാണ് സവാള. അടുക്കളയിലെ പ്രധാന കറിക്കൂട്ടുകളില്‍ ഒന്നാണ് ഇത്. മുടി നര മാറ്റുന്നതിനും മുടി വളര്‍ച്ചയ്ക്കുമെല്ലാം ഉപയോഗിയ്ക്കുന്ന ഒന്നും കൂടിയാണിത്. സവാളയിലെ ആന്റി ഓക്‌സിഡന്റ് ഗുണങ്ങള്‍ തടി കുറയ്ക്കാന്‍ സഹായിക്കുന്ന പ്രധാനപ്പെട്ട ഒന്നാണ്. പല രീതിയിലും സവാള തടിയും വയറും കുറയ്ക്കാന്‍ ഉപയോഗിയ്ക്കാം.കാല്‍സ്യം, സോഡിയം, പൊട്ടാസ്യം, സെലെനിയം, ഫോസ്ഫറസ് തുടങ്ങിയ മൂലകങ്ങള്‍ സവാളയില്‍ അടങ്ങിയിട്ടുണ്ട്. അണുബാധക്കെതിരെ പ്രവര്‍ത്തിക്കാനുള്ള സവാളയുടെ കഴിവ് പ്രാധാന്യമര്‍ഹിയ്ക്കുന്ന ഒന്നുമാണ്.
ഇഞ്ചിയും തേനും ചെറുനാരങ്ങയും
സവാളയ്‌ക്കൊപ്പം ഇതില്‍ ഇഞ്ചിയും തേനും ചെറുനാരങ്ങയും കൂടി ഉപയോഗിയ്ക്കും. ഇതിനായി ആദ്യം ഒരു ഗ്ലാസ് വെള്ളം തിളപ്പിയ്ക്കുക. ഇതിലേയ്ക്ക് സവാള അരിഞ്ഞിടണം. തൊലി കളഞ്ഞു വേണം, ഇടാന്‍. ഇത് നല്ലതു പോലെ തിളപ്പിച്ച ശേഷം മിക്‌സിയില്‍ ഇടുക. ഇതില്‍ ഇഞ്ചി ഒരു കഷ്ണം കൂടി ഇടാം. ഇത് നല്ലതു പോലെ അടിച്ച് ജ്യൂസാക്കാം. ഈ ജ്യൂസിലേയ്ക്ക് നാരങ്ങാനീരും തേനും ചേര്‍ത്തിളക്കി കുടിയ്ക്കാം. രാവിലെ വെറും വയറ്റില്‍ കുടിയ്ക്കുന്നതാണ് കൂടുതല്‍ നല്ലത്.
ഇഞ്ചിയും തേനും ചെറുനാരങ്ങയുമെല്ലാം
ഇതില്‍ ചേര്‍ക്കുന്ന ഇഞ്ചിയും തേനും ചെറുനാരങ്ങയുമെല്ലാം തന്നെ തടി കുറയ്ക്കാന്‍ സഹായിക്കുന്നവയാണ്. ശരീരത്തിലെ കൊഴുപ്പു കളയുന്ന ഘടകങ്ങളാണിത്. ആന്റി ഓക്‌സിഡന്റുകള്‍, വൈറ്റമിന്‍ സി, ജിഞ്ചറോള്‍ തുടങ്ങിയ ഘടകങ്ങള്‍ തടിയും കൊഴുപ്പും കളയാന്‍ സഹായിക്കുന്നു. ദഹനം മെച്ചപ്പെടുത്തിയും അപചയ പ്രക്രിയ ശക്തിപ്പെടുത്തിയുമാണ് ഇവയെല്ലാം ഈ ഗുണം നല്‍കുന്നത്. നല്ല ശോധന നല്‍കുന്ന പാനീയം കൂടിയാണിത്.
സവാള കൊണ്ട് സൂപ്പുണ്ടാക്കി കുടിയ്ക്കുന്നത്
സവാള കൊണ്ട് സൂപ്പുണ്ടാക്കി കുടിയ്ക്കുന്നത് തടി കുറയ്ക്കാന്‍ സഹായിക്കുന്ന ഒന്നാണ്. ഇതു തയ്യാറാക്കാനും എളുപ്പമാണ്. സവാള അരിഞ്ഞത് ഒരു പാത്രത്തില്‍ ഇടുക. തക്കാളി അരിഞ്ഞത്, കുരുമുളക്, വെളുത്തുള്ളി, ഇഞ്ചി എന്നിവ ചതച്ചത് എന്നിവ ഇതിലേയ്ക്ക് ഇടുക. വേണമെങ്കില്‍ മറ്റു പച്ചക്കറികളും ചേര്‍ക്കാം. ഇതെല്ലാം കൂടി നല്ലതു പോലെ തിളപ്പിയ്ക്കുക. സൂപ്പ് പരുവമായാല്‍ വാങ്ങി വയ്ക്കാം. ഇതിലേയ്ക്ക് ഇളം ചൂടാകുമ്പോള്‍ അല്‍പം ഒലീവ് ഓയില്‍, കുരുമുളക് പൊടി എന്നിവ ചേര്‍ത്തിളക്കി മല്ലിയിലയും ഇട്ട് കുടിയ്ക്കാം. തടി കുറയ്ക്കാനും ആരോഗ്യത്തിനും ചേര്‍ന്ന സൂപ്പാണിത്. വിവാഹശേഷം ആര്‍ത്തവ വ്യത്യാസമോ??