ഇത്തിയോസിസ്
ഇത് ഇത്തിയോസിസ് (ichthyosis)എന്ന് വിളിയ്ക്കുന്ന പാരമ്പര്യ രോഗമാണ്. അതായത് ജീനുകളിലൂടെ വരുന്ന അവസ്ഥ. ചെറിയ തോതിലാണ് ഇതെങ്കില് വരണ്ട ചര്മം കാരണമാണെന്ന് തോന്നും. ചിലര്ക്ക് ഇത് മീന് ചെതുമ്പല് പോലെയുണ്ടാകും. അതായത് കൂടുതലുണ്ടാകും. ചൊറിച്ചിലുണ്ടാകും, മഞ്ഞു കാലമാകുമ്പോള് ചൊറിഞ്ഞ് പൊട്ടാം. ഇത് 20ളം തരമുണ്ട്. ഇതിന്റെ വളരെ കുറഞ്ഞ രൂപമാണ് പൊതുവേ കണ്ടു വരുന്നത്. പത്ത് വയസില് ഇതു വന്നു തുടങ്ങാം. കാലുകളില് കൂടുതല് ഇത് കണ്ടു വരുന്നു. കൈകളിലും നിതംബ ഭാഗത്തുമെല്ലാം ഇതുണ്ടാകാം.
മോയിസ്ചറൈസര്
ഇതിന് വരണ്ട ചര്മം എന്നു കരുതി കണ്ട ക്രീമുകള് വാരിത്തേയ്ക്കുന്നത് നല്ലതല്ല. ഇതിനായി നമുക്ക് ചെയ്യാവുന്ന ഒന്നാണ്. ഇത്തരം അസുഖമുള്ളവര്ക്ക് ചര്മത്തില് ഈര്പ്പം കുറവാകും. ഇതിനാല് വരണ്ട ചര്മം കൂടുന്നതിന് ഇടയാക്കുന്ന യാതൊരു കാര്യങ്ങളും ചെയ്യരുത്. അതായത് സോപ്പ് പോലുള്ളവ കൂടുതല് ഉപയോഗിയ്ക്കരുത്. കുറേ വെള്ളം, കൂടുതല് ചൂടുള്ള വെള്ളം ഒഴിച്ച് കുളിയ്ക്കരുത്. ഇത്തരക്കാര് വളരെ വീര്യം കുറഞ്ഞ സോപ്പോ ലോഷനോ മാത്രം ഉപയോഗിയ്ക്കുക. കടലമാവ്, പയര് പൊടി, ഇഞ്ച, സ്ക്രബര് ഒന്നും ഉപയോഗിയ്ക്കരുത്. ഇതിനായി ചെയ്യാവുന്നത് കുളി കഴിഞ്ഞ ഉടന് തുടച്ച് മുഴുവന് ഈര്പ്പം പോകുന്നതിന് മുന്പായി മോയിസ്ചറൈസര് പുരട്ടാം.
എള്ളെണ്ണ
ഇതിനായി വെളിച്ചെണ്ണ പരിഹാരമാണെന്ന ചിന്ത പലര്ക്കുമുണ്ട്. ഇത് ശരിയല്ല. ഇതിന് വെളിച്ചണ്ണ ഗുണകരമല്ല. എന്നാല് ഉരുക്ക് വെളിച്ചെണ്ണ നല്ലതാണ്. ഇതിനായി എള്ളെണ്ണ നല്ലതാണ്. ഇതില് വൈറ്റമിന് ഇ അടങ്ങിയിട്ടുണ്ട്. ഇതു പോലെ വെണ്ണ ഉപയോഗിയ്ക്കാം. ഇത് മൊരിച്ചില് കുറയാന് സഹായിക്കും. വാസ്ലീന് അഥവാ പെട്രോളിയം ജെല്ലി ഉപയോഗിയ്ക്കാം. ഈ പ്രശ്നമുള്ളവര് കഴിവതും സോപ്പുപൊടി, പാത്രം കഴുകുന്ന ലോഷനുകള്, ബാത്റൂം ക്ലീനര് എന്നിവ കഴിവതും ഈ ഭാഗങ്ങളില് ഉപയോഗിയ്ക്കാതിരിയ്ക്കുക. ഇത്തരം കാര്യങ്ങള് മൊരിച്ചില് കൂടും. അല്പനേരം കഴിഞ്ഞാല് മോയിസ്ചറൈസര് പുരട്ടിയാലും ഇതിന്റെ ഗുണം പോകും, അപ്പോള് വീണ്ടും പുരട്ടുക. ഇത്തരം പ്രശ്നമുള്ളവര് അമിതമായി പൊടിയും മറ്റുമുള്ളിടത്ത് പോകാതിരിയ്ക്കുക.
വൈറ്റമിന് എ
ഇവര് വൈറ്റമിന് എ അടങ്ങിയ ഭക്ഷണങ്ങള് കഴിയ്ക്കാം. ക്യാരറ്റ്, ബീറ്റ്റൂട്ട്, മുട്ട, ഇലക്കറികള്, കടല് മത്സ്യങ്ങളായ ചാള, ചൂര പോലുള്ളവ കഴിയ്ക്കാം. നട്സ്, ഇതില് തന്നെ വാള്നട്സ്, ബദാം പോലുള്ളവ കഴിയ്ക്കാം. ധാരാളം വെള്ളം കുടിയ്ക്കാം. അതായത് 3 ലിറ്റര് വെള്ളം കുടിയ്ക്കാം. ഇതിനായി അലോപ്പതി, ഹോമിയോപ്പതി എന്നിവയ്ക്ക് ചികിത്സാ രീതികള് ലഭ്യവുമാണ്. കൂടുതല് പ്രശ്നമുള്ളവര്ക്ക് ഇത്തരം രീതികള് പരീക്ഷിയ്ക്കാം.