പ്രമേഹം ഉള്ളവര്‍ ഈ പഴങ്ങള്‍ കഴിക്കാനേ പാടില്ല

പ്രമേഹ രോഗികള്‍ക്ക് കഴിക്കാന്‍പാടുള്ളതും പാടില്ലാത്തതുമായ ചില ആഹാരങ്ങള്‍ ഉണ്ട്. ചില പഴങ്ങള്‍ കഴിച്ചാല്‍ വളരെ വേഗത്തില്‍ രക്തത്തിലെ പഞ്ചസ്സാരയുടെ അളവ് വളരെ വേഗത്തില്‍ ഉയര്‍ത്തുന്നതിന് ഇത് ഒരു കാരണമാണ്. അത്തരത്തില്‍ പ്രമേഹം കൂട്ടുന്ന ചില പഴങ്ങളാണ് ഇന്ന് പരിചയപ്പെടുത്തുന്നത്. അവ ഏതെല്ലാമെന്ന് നോക്കാം.

മാമ്പഴം

മാങ്ങ കഴിക്കാന്‍ ഒട്ടുമിക്ക ആളുകള്‍ക്കും ഇഷ്ടമാണ്. പ്രത്യേകിച്ച് ഈ വേനല്‍ക്കാലത്ത് സുലഭമായി ലഭിക്കുന്ന ഒന്നാണ് മാമ്പഴം. പലരുചിയില്‍ തലതരത്തില്‍ മാമ്പഴം ഇന്ന് ലഭ്യമാണ്. എന്നാല്‍, പ്രമേഹ രോഗികള്‍ കഴിക്കാന്‍ പാടില്ലാത്ത ഒറു പഴമാണ് മാമ്പഴം.

മാമ്പഴത്തില്‍ അടങ്ങിയിരിക്കുന്ന മധുരത്തിന് പ്രമേഹത്തെ ഒറ്റയടിക്ക് കൂട്ടാനുള്ള ശേഷിയുണ്ട്. നിങ്ങള്‍ കൃത്യമായി വ്യായാമവും ഡയറ്റും എടുത്ത് പ്രമേഹത്തെ നിയന്ത്രിക്കുന്നവരാണെങ്കില്‍ മാത്രം അര കപ്പ് മാമ്പഴം കഴിക്കാവുന്നതാണ്.

മാമ്പഴം കഴിക്കുന്നതിനും ഒരു സമയം ഉണ്ട്. പ്രത്യേകിച്ച് രാവിലെ വ്യായാമം കഴിഞ്ഞ് വരുമ്പോള്‍ പ്രഭാത ഭക്ഷണത്തിനും ഇടയിലായി വേണം മാമ്പഴം കഴിക്കാന്‍ അതുപോലെ, മാമ്പഴം ഒരിക്കലും ജ്യൂസ് അടിച്ച് കുടിക്കരുത്. ഇത് തൊലിയോട് കൂടി കഴിക്കുന്നതാണ് എല്ലായ്‌പ്പോഴും നല്ലത്.

വാഴപ്പഴം

പ്രമേഹരോഗികള്‍ വാഴപ്പഴം കഴിക്കുന്നത് അവരുടെ രക്തത്തിലെ പഞ്ചസ്സാരയുടെ അളവ് വര്‍ദ്ധിപ്പിക്കുന്നതിന് പ്രധാന കാരണമാണ്. കാരണം, ഇതില്‍ കാര്‍ബോഹാഡ്രേറ്റ് അടങ്ങിയിരിക്കുന്നു. കൂടാതെ, ഗ്ലൈസമിക് ഇന്‍ഡക്‌സും കുറവാണ്. ഇതെല്ലാം രക്തത്തിലെ പഞ്ചസ്സാരയുടെ അളവ് വര്‍ദ്ധിപ്പിക്കുന്നതിന് കാരണമാണ്.

അതിനാല്‍ ഡോക്ടറുടെ നിര്‍ദ്ദേശം ഇല്ലാതെ ഒരിക്കലും പ്രമേഹരോഗികള്‍ വാഴപ്പഴം കഴിക്കാന്‍ പാടുള്ളതല്ല. നിങ്ങള്‍ക്ക് പ്രമേഹം കുറവാണെങ്കില്‍ മാത്രം ഇടയ്ക്ക് വല്ലപ്പോഴും പഴം കഴിക്കുന്നത് നല്ലതാണ്. എന്നാല്‍, ആഹാരത്തിന് മുന്‍പ് കഴിക്കുന്നതാണ് കുറച്ചും കൂടെ നല്ലത്.

സീതപ്പഴം

നിരവധി ആരോഗ്യ ഗുണങ്ങളുള്ള ഒരു പഴമാണ് സീതപ്പഴം. കുട്ടികള്‍ക്കും മുതിര്‍ന്നവര്‍ക്കുമെല്ലാം ഒരുപോലെ ഇത് കഴിക്കാന്‍ താല്‍പര്യം ഉണ്ട്. എന്നാല്‍, പ്രമേഹരോഗികള്‍ ഈ പഴത്തില്‍ നിന്നും അകലം പാലിക്കുന്നത് നല്ലതാണ്. ഇത് പ്രമേഹം കൂട്ടാന്‍ കാരണമാണ്.

ഈ പഴത്തിലെ മധുരം ഗ്ലൂക്കോസ് ലെവല്‍ കൂട്ടുന്നതിലേയ്ക്കും അതുവഴി പ്രമേഹം കൂടാനും സാധ്യത കൂടാനും സാധ്യത വളരെ കൂടുതലാണ്. പ്രമേഹം നിയന്ത്രിച്ച് നിര്‍ത്തുന്നവര്‍ക്ക് കുറഞ്ഞ അളവില്‍ മാത്രം ഇത് കഴിക്കാന്‍ സാധിക്കുന്നതാണ്. അതും കൂടാതെ ശ്രദ്ധിക്കേണ്ടത് അനിവാര്യമാണ്.

സപ്പോട്ട

പലര്‍ക്കും സപ്പോട്ട കഴിക്കാന്‍ അല്ലെങ്കില്‍ ചിക്കു ജ്യൂസ് കഴിക്കാന്‍ ഇഷ്ടമുണ്ടായിരിക്കും. എന്നാല്‍, ഇത് പ്രമേഹരോഗികള്‍ക്ക് ആരോഗ്യത്തിന് ഒട്ടും നല്ലതല്ല. വളരെ പെട്ടെന്ന് തന്നെ രക്തത്തിലെ പഞ്ചസ്സാരയുടെ അളവ് വര്‍ദ്ധിപ്പിക്കുന്നതിനും ഇത് പ്രമേഹം കൂടുന്നതിനും കാരണമാകുന്നു.

പ്രമേഹം പെട്ടെന്ന് കൂടുന്നവരാണെങ്കില്‍ ഒരിക്കലും സപ്പോട്ട കഴിക്കരുത്. പ്രമേഹത്തെ നിയന്ത്രിക്കുന്നവരാണെങ്കില്‍ ഡോക്ടറുടെ അഭിപ്രായം തേടി ഒരു നിശ്ചിത അളവില്‍ മാത്രം കഴിക്കുവാന്‍ ശ്രദ്ധിക്കുക.