ഭക്ഷണത്തിനൊപ്പം വെള്ളം കുടിയ്ക്കാമോ, ഐസ് വാട്ടര്‍ കുടിച്ചാലോ?

ഭക്ഷണത്തിനൊപ്പം വെള്ളം കുടിയ്ക്കണോ വേണ്ടയോ എന്നത് ഏറെ ചര്‍ച്ചയ്ക്കു വരുന്ന ഒന്നാണ്. പലരും പറയും, ഭക്ഷണത്തിനൊപ്പം വെള്ളം കുടിച്ചാല്‍ ദഹനാഗ്നി കെട്ടു പോകും, ദഹനം നടക്കില്ല അസിഡിറ്റി ഉണ്ടാകും എന്നെല്ലാം പലരും പറഞ്ഞു കേള്‍ക്കും. ഇതിനാല്‍ തന്നെ പലരും ഭക്ഷണത്തോടൊപ്പം വെള്ളം കുടി ഒഴിവാക്കുന്നവരാണ്. ഇതു പോലെ തന്നെ തണുത്ത വെള്ളം കുടിയ്ക്കുന്നതും ഇത്തരം പ്രശ്‌നങ്ങളുണ്ടാക്കുമെന്നും നാം പൊതുവേ പറഞ്ഞു കേള്‍ക്കാറുണ്ട്. എന്നാല്‍ ഇത്തരം കാര്യങ്ങളില്‍ എന്താണ് വാസ്തവം എന്നറിയൂ. വാസ്തവത്തില്‍ ഭക്ഷണത്തിനിടയില്‍ വെള്ളം കുടിയ്ക്കുന്നത് അസിഡിറ്റി പ്രശ്‌നങ്ങള്‍ ഉണ്ടാക്കുന്നുണ്ടോ, ദഹനം മെല്ലെയാക്കുന്നുണ്ടോ.

ഭക്ഷണത്തിനൊപ്പം വെള്ളം കുടിയ്ക്കാതിരുന്നാല്‍ ഇത് അസിഡിറ്റിക്കുള്ള കാരണമാണ്. നാം കഴിയ്ക്കുന്ന ഭക്ഷണത്തിലെ ഘടകം ആമാശത്തിലെത്തുമ്പോള്‍ ഇത് ദഹിപ്പിയ്ക്കാന്‍ ആവശ്യമായ ഹൈഡ്രോക്ലോറിക് ആസിഡ് അവിടെ ഉല്‍പാദിപ്പിയ്ക്കപ്പെടുന്നു. ഭക്ഷണം ദഹിയ്ക്കുന്നു. ആമാശയത്തിലെ ഭക്ഷണത്തെ ദഹിപ്പിയ്ക്കാന്‍ ആവശ്യമായത്ര ആസിഡ് ശരീരം തനിയെ ഉല്‍പാദിപ്പിയ്ക്കുന്നു. ഇതിനാല്‍ തന്നെ ഭക്ഷണത്തിന് ഇടയില്‍ വെള്ളം കുടിച്ചാല്‍ ദഹനാഗ്നി കെട്ടു പോകും, ദഹനം ശരിയായി നടക്കില്ല തുടങ്ങിയ രീതിയിലെ വാദങ്ങളില്‍ കഴമ്പില്ല. ഉദാഹരണമായി നമ്മുടെ കഞ്ഞിയുടെ കാര്യമെടുക്കാം. വെളളവും കൂടിയുള്ള ഭക്ഷണമാണ് ഇത്. എന്നാല്‍ ഏറ്റവും നല്ലതു പോലെ ദഹിയ്ക്കാന്‍ കഴിയുന്ന ഒന്നാണിത്. ദഹനാഗ്നി വെള്ളത്തില്‍ കെട്ടു പോകുന്നുവെങ്കില്‍ ഇത് ദഹിയ്ക്കാന്‍ സാധ്യത കുറവാണ്.

പിന്നെ അസിഡിറ്റിയുണ്ടാകുന്നതിന്റെ അടിസ്ഥാനം, ഇതിന് കാരണം വേറെയാണ്. ഇത്തരം പ്രശ്‌നമുള്ളവര്‍ക്ക് വെള്ളം കൂടുതല്‍ കുടിച്ചാലും മറ്റും വയര്‍ വന്നു വീര്‍ക്കുന്നതു പോലെ തോന്നലുണ്ടാകാം. ഇതിന് കാരണമെന്തെന്ന് അറിയൂ. ഇവരുടെ വയറ്റില്‍ നേരത്തെ തന്നെ ആസിഡ് മീഡിയമുണ്ട്. ഇതാണ് കാരണമാകുന്നത്. ഇതു പോലെ ഇത്തരക്കാര്‍ കൂടുതല്‍ ഭക്ഷണം കഴിച്ചാല്‍ ഇത് പുളിച്ചു തികട്ടി വരുന്നതിന് കാരണം ആസിഡ് മീഡിയം തന്നെയാണ്. അല്ലാതെ ഇവര്‍ വെള്ളം കുടിയ്ക്കുന്നതു കൊണ്ടല്ല, ഉണ്ടാകുന്നത്. ഇത്തരക്കാര്‍ വയര്‍ വല്ലാതെ നിറയെ കഴിയ്ക്കരുത്. പകുതി കഴിച്ച് ബാക്കി വെള്ളം കുടിയ്ക്കാം. പെട്ടെന്ന് ദഹിയ്ക്കും. ഇതു പോലെ അസിഡിറ്റി പ്രശ്‌നം കുറയ്ക്കാം.

ഇതു പോലെ ഐസ് വാട്ടര്‍ കുടിച്ചാല്‍ ദഹനം നടക്കാതിരിയ്ക്കുമോയെന്ന സംശയം പലര്‍ക്കുമുണ്ട്. ഐസ് വെള്ളം സീറോ ഡിഗ്രിയുള്ളതല്ല, നാം കുടിയ്ക്കുന്നത്. ഇത് 10-12 ഡിഗ്രിയിലെ വെള്ളമാണ് നാം സാധാരണ ഐസ് വാട്ടര്‍ എന്ന രീതിയില്‍ കുടിയ്ക്കുന്നത്. ഈ വെള്ളം നമ്മുടെ ശരീരത്തില്‍ എത്തുമ്പോള്‍ അത് ശരീരത്തിലെ താപനിലയുമായി ചേരുന്നു. അതു കൊണ്ട് ഇത് ഇത്തരത്തില്‍ തണുത്തതായി അല്ല വയറ്റില്‍ എത്തുന്നത്. എരിവുള്ളപ്പോള്‍ തണുത്ത വെള്ളം കുടിയ്ക്കുമ്പോള്‍ ആശ്വാസം തോന്നുന്നത് ഇത് നമ്മുടെ നാവിലെ രുചിമുകുളങ്ങളെ മരവിപ്പിക്കുന്നു. ഇതാണ് ആശ്വാസം നല്‍കുന്നത്. നമ്മുടെ ശരീരം വിയര്‍ത്തിരിക്കുന്ന അവസ്ഥയില്‍ ശരീരത്തിലേയും തൊണ്ടയിലേയും രക്തക്കുഴലുകള്‍ അല്‍പം വികസിച്ച അവസ്ഥയിലാകും. പെട്ടെന്ന് തണുപ്പു കഴിയ്ക്കുമ്പോള്‍ ഇത് ചുരുങ്ങുന്നു. ഇവിടെ ചെറിയ ഇന്‍ഫ്‌ളമേഷന്‍ വരും. ചിലപ്പോള്‍ ബാക്ടീരിയല്‍ ബാധ ഇവിടെയുണ്ടാകും. ഇതാണ് ചിലര്‍ക്ക് തണുത്തത് കഴിച്ചാല്‍ പ്രശ്‌നം വരുന്നത്. ഇതല്ലാതെ ഐസ് വെള്ളം കൊളസ്‌ട്രോള്‍ ഉണ്ടാക്കുകയോ അല്ലെങ്കില്‍ ദഹനപ്രശ്‌നം ഉണ്ടാക്കുകയോ ചെയ്യുന്നില്ല.

തണുത്ത വെള്ളവും ചൂടു വെള്ളവും കുടിയ്ക്കുന്നതിന് അതിന്റേതായ ഗുണമുണ്ട്. തടി കുറയ്ക്കാന്‍ ശ്രമിയ്ക്കുന്നവര്‍ക്ക് തണുത്തത് നല്ലതാണ്. കാരണം തണുത്ത വെള്ളം കുടിയ്ക്കുമ്പോള്‍ ശരീരത്തിന്റെ താപനിലയില്‍ ഇതിനെ എത്തിക്കുന്നതിന് ശരീരം കൊഴുപ്പ് ഉപയോഗിയ്ക്കുന്നു. അതിലൂടെ കൊഴുപ്പ് നീങ്ങാന്‍ സഹായിക്കുന്നു. അതു പോലെ ചൂടുവെള്ളം കുടിയ്ക്കുന്നത് തൊണ്ടയിലേയും മറ്റും അസ്വസ്ഥതകള്‍ക്ക് ആശ്വാസം നല്‍കുന്നു. ഏറ്റവും നല്ലത് 16 ഡിഗ്രിയിലുള്ള വെള്ളം കുടിയ്ക്കുന്നതാണ്. അതായത് വല്ലാതെ ചൂടോ തണുപ്പോ ഇല്ലാത്ത വെള്ളം. സ്ത്രീകളിലെ സ്വകാര്യഭാഗത്തെ ചൊറിച്ചില്‍, അണുബാധ പരിഹാരം