ദിവസവും കുപ്പിയില്‍ വെള്ളം നിറച്ച് കുടിക്കുന്നവരാണോ; എങ്കില്‍ സൂക്ഷിക്കുക

ദിവസവും വെള്ളം കുടിച്ചതിനു ശേഷം വീണ്ടും അതേ കുപ്പിയില്‍ വെളളം നിറച്ച് കുടിക്കുന്നവരാണോ നിങ്ങള്‍? എങ്കില്‍ ആ ശീലം ഉടന്‍ ഉപേക്ഷിക്കാന്‍ തയ്യാറാവുക .ഇത്തരം കുപ്പികളില്‍ ഇൗര്‍പ്പം നിലനില്‍ക്കുന്നത് കാരണം രോഗാണുക്കള്‍ വളരുകയും വയറിളക്കം ഛര്‍ദ്ദി തുടങ്ങിയ അസുഖങ്ങള്‍ക്ക് കാരണമാവുകയും ചെയ്യുന്നു.

പലരും ദിവസങ്ങളും മാസങ്ങളും ബോട്ടില്‍ കഴുകാതെ അതില്‍ വെള്ളം നിറച്ച് കുടിക്കുന്നവരാണ്. പ്രത്യേകിച്ചും വിദ്യാര്‍ത്ഥികളും ഒാഫീസ് ജീവനക്കാരുമാണ് ഇത് ആവര്‍ത്തിക്കുന്നത്. ദിവസവും കുപ്പികള്‍ കഴുകാന്‍ ഉപയോഗിക്കുന്ന ബ്രഷ് ഉപയോഗിച്ച് കുപ്പിയുടെ ഉള്ളില്‍ വൃത്തിയായി കഴുകിയ ശേഷം ഉണങ്ങിയ തുണി കൊണ്ട് തുടച്ച് വെച്ചാല്‍ രോഗാണുക്കള്‍ വളരുന്നത് ഒരു പരിധിവരെ തടയാം.

ദിവസവും 1.5 മുതല്‍ 2 ലിറ്റര്‍ വരെ വെള്ളം കുടിക്കണമെന്നതാണ് ഡോക്ടര്‍മാരുടെ നിര്‍ദേശമെങ്കിലും ശുദ്ധമായ വെള്ളം കുടിച്ചാല്‍ മാത്രമേ ആരോഗ്യം സംരക്ഷിക്കാന്‍ കഴിയൂ.