ലളിതമായ ചില ഭക്ഷണ ശീലങ്ങളിലേക്ക് കടന്നാല് പ്രതിരോധശേഷി വര്ദ്ധിപ്പിക്കാന് സാധിക്കും. രോഗപ്രതിരോധ സംവിധാനത്തെ പുനരുജ്ജീവിപ്പിക്കാനും വയര് സംബന്ധമായ പ്രശ്നങ്ങള് തടയാനും നമ്മള് സാധാരണയായി കഴിക്കുന്ന ചില ഭക്ഷണങ്ങള് സഹായിക്കും. നമ്മള് ഒന്ന് ശ്രദ്ധിച്ചാല് വളരെ ആരോഗ്യകരമായ ഭക്ഷണ ശീലങ്ങള് അനായാസമായി പിന്തുടരാന് സാധിക്കും. പ്രതിരോധശേഷി വര്ദ്ധിപ്പിക്കാനും വയറിവന്റെ അസ്കിതകള് തടയാനും ഈ സാധാരണ ഭക്ഷണങ്ങള് കഴിച്ചാല് മതിയന്നേ!
നാരുകള് അടങ്ങിയ ഭക്ഷണങ്ങള്
ദഹനം അല്പ്പം മന്ദഗതിയിലാകുംന്നുവെന്ന് തോന്നിയാല് ധാന്യം, ചെറുപയര്, ഓട്സ് തുടങ്ങിയ ഉയര്ന്ന ഫൈബര് അടങ്ങിയ ഭക്ഷണങ്ങളിലേക്ക് മാറുക. പതിവ് ആഹാരത്തില് ഈ ഭക്ഷണങ്ങളും ശീലമാക്കുക.
Also Read: ശരീരത്തിന് ദോഷം സൃഷ്ടിക്കുന്ന വെള്ള പഞ്ചസാരയ്ക്കുള്ള ബദലുകള്
എളുപ്പം ദഹിക്കുന്ന പച്ചക്കറികളും മസാലകളും കഴിക്കുക
എളുപ്പത്തില് ദഹിക്കുന്ന ധാരാളം പാവയ്ക്ക, പടവലങ്ങ തുടങ്ങിയ പച്ചക്കറികളും ചീരയും മുരിങ്ങയില പോലുള്ള ഇലക്കറികളും ഒക്കെ ആഹാരത്തില് ഉള്പ്പെടുത്താം. അതുപോലെ മസാലകളുടെ അളവ് കുറച്ച് ദഹനത്തിന് സഹായിക്കുന്നത് ഉപയോഗിക്കുക. അതേസമയം അയമോദകം, പെരുഞ്ചീരകം ജീരകം തുടങ്ങിയ ദഹന മസാലകള് ഭക്ഷണത്തില് കൂടുതലായി ഉള്പ്പെടുത്തുന്നത് നല്ലതാണ്.
ഭക്ഷണത്തില് സബ്ജ വിത്തുകള് ഉള്പ്പെടുത്തുക
എരിവുള്ള ഭക്ഷണങ്ങല് ഇപ്പോള് ഒട്ടുമിക്ക പേര്ക്കും ശീലമായതിനാല് ജലാംശം നിലനിര്ത്താനും ബ്ലോട്ടിംഗ് പോലത്തെ വയറിന്റെ അസ്വസ്ഥതകള് ഇല്ലാതാക്കാനും സബ്ജ വിത്തുകള് നല്ലതാണ്. ഫലൂദ വിത്തുകളും രാമതുളസി വിത്തുകളും എന്നും ഒക്കെ അറിയപ്പെടുന്ന സബ്ജ വിത്തുകള് നിങ്ങളുടെ ദൈനംദിന ഭക്ഷണത്തില് നിര്ബന്ധമായും ചേര്ക്കേണ്ടതാണ്. കാരണം അവ ഭക്ഷണ ആസക്തിയും ഗ്യാസ്ട്രബില് പോലുള്ള പ്രശ്നങ്ങളും കുറയ്ക്കാന് സഹായിക്കുന്നു.
മഞ്ഞളിന്റെ പ്രാധാന്യം
വീക്കം കുറയ്ക്കാന് മഞ്ഞള് ധാരാളമായി ഉപയോഗിക്കാം. രാത്രിയില് കിടക്കുന്നതിന് രണ്ട് മണിക്കൂര് മുമ്പ് ചൂടുള്ള പാലും മഞ്ഞളും ചേര്ത്ത് കഴിക്കാം. ഒരു ചെറുനടത്തം കൂടി നടത്തിയാല് സുഖകരമായ ഉറക്കം ലഭിക്കും. അതുപോലെ എല്ലാ ഭക്ഷണത്തിലും ഒരു നുള്ള് മഞ്ഞള് ചേര്ക്കുന്നത് ആരോഗ്യപ്രദമായ ഒരു കാര്യമാണ്.
ദിവസവും ഗ്രീന് ടീ കുടിക്കുക
എല്ലാ ദിവസവും ഗ്രീന് ടീ കുടിക്കുക. നാരങ്ങയും തേനും ചേര്ത്തുള്ള ഒരു കപ്പ് ഗ്രീന് ടീ ശീലമാക്കുന്നതാണ് നല്ലത്. ഈ പാനീയം വിറ്റാമിന് സി-യും ആന്റി ഓക്സിഡന്റ് സമ്പുഷ്ടവുമായ ഗ്രീന് ടീ ആകും. വിറ്റാമിന് സി എന്നത് രോഗപ്രതിരോധ സംവിധാനത്തെ പിന്തുണയ്ക്കാന് സഹായിക്കുന്ന ഒരു ഘടമാണ്.
Also Read: Lower Cholesterol | കൊളസ്ട്രോള് കുറയ്ക്കാന് ഈ പ്രോട്ടീന് ഭക്ഷണങ്ങള്ക്ക് സാധിക്കും
ഡി-ബ്ലോട്ടിംഗ് സ്മൂത്തി റെസിപ്പി
നിങ്ങളുടെ സ്തംഭിച്ചിരിക്കുന്ന വയറിന്റെ പ്രശ്നങ്ങള് വളരെ എളുപ്പത്തില് ഇല്ലാതാക്കാന് കഴിയുന്ന ഒരു സ്മൂത്തി റെസ്പ്പിയും ഇതിനോടൊപ്പം പങ്കുവയ്ക്കുന്നു. ഇതിനായി ഒരു ബൗളില് ഒരു ടീസ്പൂണ് സബ്ജ വിത്തുകള് എടുക്കുക. ആവശ്യത്തിന് വെള്ളം ചേര്ത്ത് അത് രണ്ട് മണിക്കൂര് കുതിര്ക്കാന് വയ്ക്കുക. സബ്ജ വിത്തുകള് കുതിര്ത്ത് വീര്ത്ത് കഴിയുമ്പോള് അതിലേക്ക് രണ്ട് കപ്പ് പപ്പായ കഷ്ണങ്ങള്, ഒരു നുള്ള് ഏലക്കാപ്പൊടിയുമായി യോജിപ്പിച്ച് മിക്സിയില് അടിച്ചെടുക്കുക ഒരു ഗ്ലാസിലേക്ക് മാറ്റുക.
കുതിര്ത്ത സബ്ജ വിത്തുകള് ബാക്കിയുണ്ടെങ്കില് അതും അര ടീസ്പൂണ് നാരങ്ങ നീരും ഒരു നുള്ള് ഉപ്പും അതിലേക്ക് അലങ്കരിച്ച് ചേര്ക്കാം. എല്ലാ ചേരുവകളും നന്നായി ഇളക്കി കുടിക്കുക. ഈ അത്ഭുതകരമായ പാനീയ കുടിച്ച് കഴിയുമ്പോള് നിമിഷങ്ങള്കം തന്നെ നിങ്ങളുടെ ബ്ലോട്ടിംഗ് പ്രശ്നങ്ങള്ക്ക് വളരെ പെട്ടെന്ന് വ്യത്യാസം അനുഭവപ്പെട്ട് തുടങ്ങും.