കൊറോണ വൈറസ് ലോകമെമ്പാടും വ്യാപിച്ച ഒരു പകർച്ചവ്യാധിയാണെങ്കിലും, അതിനും മുൻപ്, വളരെക്കാലമായി ലോകം വലയുന്ന ഒരു രോഗമാണ് പ്രമേഹം. ലോകാരോഗ്യ സംഘടന അംഗീകരിച്ച ഈ വിട്ടുമാറാത്ത രോഗം ലോകമെമ്പാടും ദശലക്ഷക്കണക്കിന് ആളുകളെ ബാധിച്ചിട്ടുണ്ട്. വളർച്ച നിരക്ക് അനുസരിച്ച്, വരും വർഷങ്ങളിൽ ഇത് കൂടുതൽ പേരെ ബാധിക്കുമെന്ന് പ്രതീക്ഷിക്കുന്നു. മാരകമായതോ അല്ലാത്തതോ ആയ എല്ലാ രോഗങ്ങൾക്കും ശരീരത്തിലേക്കുള്ള പ്രവേശനം വെളിപ്പെടുത്തുവാൻ അതിന്റേതായ മാർഗമുണ്ട്. മനുഷ്യശരീരം എന്നത്, സങ്കീർണ്ണവും എന്നാൽ മിഴിവുറ്റതുമായ ഒരു യന്ത്രമായതിനാൽ, അതിന് ക്ഷീണം വരുത്തിയേക്കാവുന്നതോ പ്രവർത്തനങ്ങളെ തടസ്സപ്പെടുത്തുവനോ ഇടയുള്ള ഏതൊരു അപാകതയുടെ ലക്ഷണങ്ങളും പ്രകടിപ്പിക്കാൻ ശരീരത്തിന് കഴിയും. അതിനാൽ നാം ജാഗരൂകരായിരിക്കണം.
പ്രധാന വസ്തുതകൾ
> പ്രമേഹം ഒരു വിട്ടുമാറാത്ത രോഗമാണ്, ഇത് ലോകാരോഗ്യ സംഘടന (WHO) പോലും അംഗീകരിച്ചിരിക്കുന്നു
> ടൈപ്പ് 1 പ്രമേഹവും ടൈപ്പ് 2 പ്രമേഹവും സാധാരണക്കാർക്കിടയിൽ പ്രചാരത്തിലുള്ള പ്രമേഹ രോഗത്തിന്റെ രണ്ട് തരങ്ങളാണ്
> ടൈപ്പ് 2 പ്രമേഹത്തിന്റെ ആരംഭത്തെ സൂചിപ്പിക്കുന്ന ചില മുന്നറിയിപ്പ് അടയാളങ്ങൾ ശരീരം തന്നെ നൽകും
നിങ്ങൾക്ക് സ്ഥിരമായി മൂത്രമൊഴിക്കാൻ തോന്നുന്നുണ്ടെങ്കിൽ അത് ടൈപ്പ് 2 പ്രമേഹത്തിന്റെ ലക്ഷണമാകാമെന്ന് നിങ്ങൾക്കറിയാമോ? വിട്ടുമാറാത്ത ഈ രോഗത്തിന്റെ സൂചകമായേക്കാവുന്ന കൂടുതൽ അടയാളങ്ങളെക്കുറിച്ച് അറിയാൻ തുടർന്ന് വായിക്കുക.
ടൈപ്പ് 2 പ്രമേഹം
ടൈപ്പ് 1, ടൈപ്പ് 2 പ്രമേഹം എന്നിങ്ങനെ പ്രധാനമായും രണ്ട് തരം പ്രമേഹങ്ങളുണ്ട്. കോശങ്ങളിലൂടെ ശരീരത്തിനുള്ളിൽ ഗ്ലൂക്കോസ് കടത്തുന്നതിന് ഇൻസുലിൻ കാരണമാകുന്നു. ടൈപ്പ് 2 പ്രമേഹത്തിൽ, ഇൻസുലിൻ കോശങ്ങളുടെ പ്രതികരണം കുറയുന്നതിനാൽ, ഈ പ്രവർത്തനം തകരാറിലാകുന്നു, ഇത് മൂലം ശരീരത്തിലെ രക്തത്തിലെ പഞ്ചസാരയുടെ അളവ് നിയന്ത്രിക്കപ്പെടുന്നില്ല. ടൈപ്പ് 2 പ്രമേഹത്തിന്റെ ചില സാധാരണ കാരണങ്ങൾ ജീനുകൾ, അമിതവണ്ണമോ അമിതഭാരമോ, ഇൻസുലിൻ പ്രതിരോധം, ശാരീരിക നിഷ്‌ക്രിയത്വം എന്നിവയാണ്.
ശ്രദ്ധിക്കേണ്ട മുന്നറിയിപ്പ് അടയാളങ്ങൾ
* ദാഹം: ശരീരത്തിലെ പഞ്ചസാരയുടെ അളവ് കുറവായതിനാൽ, പതിവായി മൂത്രമൊഴിക്കുന്നത് മൂലം അനാരോഗ്യകരമായ രീതിയിൽ ശരീരത്തിൽ നിന്ന് വെള്ളം നഷ്ടപ്പെടും. ഇത് ദാഹം വർദ്ധിപ്പിക്കുകയും ചികിത്സിച്ചില്ലെങ്കിൽ ശരീരത്തിൽ കടുത്ത നിർജ്ജലീകരണം ഉണ്ടാകുകയും ചെയ്യും.
* ക്ഷീണം: ശരീരത്തിലെ പഞ്ചസാരയുടെ അപര്യാപ്തത കാരണം, ഒരാൾക്ക് അനാരോഗ്യകരമായ അളവിൽ ക്ഷീണവും തളർച്ചയും അനുഭവപ്പെടാം. അത് അവരുടെ ജീവിതശൈലിയെ തന്നെ വലിയ അളവിൽ ബാധിക്കുന്നതാണ്.
* വിശപ്പ്: രക്തപ്രവാഹത്തിലെ ഗ്ലൂക്കോസിന്റെ അപര്യാപ്തമായ അളവ് കാരണം, ഭക്ഷണത്തിൽ നിന്നുള്ള ഗ്ലൂക്കോസ് ആഗിരണം ചെയ്യുന്നതിന് ശരീരം നമ്മെ പ്രേരിപ്പിക്കുന്നു. ഇത് ഊർജ്ജം ഉപയോഗപ്പെടുത്തുകയും, ടൈപ്പ് 2 പ്രമേഹ രോഗികളിൽ വിശപ്പ് ജനിപ്പിക്കുകയും ചെയ്യുന്നു.
* കാഴ്ചശക്തിയിൽ കുറവ് വരുന്നു : ടൈപ്പ് 2 പ്രമേഹം ബാധിച്ച രോഗികളിൽ കണ്ടുവരുന്ന ഒരു സാധാരണ ലക്ഷണമാണിത്. രക്തത്തിലെ പഞ്ചസാരയുടെ അളവ് വർദ്ധിച്ചതിനാൽ കണ്ണുകളിലെ രക്തക്കുഴലുകൾക്ക് കേടുപാടുകൾ സംഭവിക്കാം. മങ്ങിയ കാഴ്ച ഒരു സാധാരണ ലക്ഷണമാണ്. കൃത്യസമയത്ത് ചികിത്സിച്ചില്ലെങ്കിൽ, കാഴ്ചശക്തി നഷ്ടപ്പെടുന്നതിന് വരെ ഇത് വഴിവച്ചേക്കാം.
* മുറിവ് ഉണങ്ങുന്നതിലെ താമസം: ശരീരത്തിലെ പഞ്ചസാരയുടെ അളവ് കൂടുതലായതിനാൽ ശരീരത്തിലെ രക്തചംക്രമണത്തിന് പ്രശ്നങ്ങൾ സംഭവിക്കാം. ഇത് മുറിവ് ഉണക്കുന്നതിന് കാലതാമസം ഉണ്ടാകുവാൻ കാരണമാകുകയും അണുബാധകൾ ഉണ്ടാകാനുള്ള സാധ്യത വർദ്ധിപ്പിക്കുകയും ചെയ്യും.
പിൻകുറിപ്പ്
വ്യത്യസ്ത ശരീരങ്ങൾ രോഗങ്ങളോട് വ്യത്യസ്തമായി പ്രതികരിക്കുന്നു. ശരീരഭാരം കുറയൽ, പതിവായി മൂത്രമൊഴിക്കൽ, കൈ, കാൽ വേദന തുടങ്ങിയ ശ്രദ്ധിക്കേണ്ട മറ്റ് അടയാളങ്ങളുണ്ട്. നിങ്ങൾക്ക് എന്തെങ്കിലും പ്രശ്നങ്ങൾ അനുഭവപ്പെടുകയാണെങ്കിൽ ഒരു വിദഗ്‌ദ്ധ ഡോക്ടറെ സമീപിക്കുന്നു എന്നത് ഉറപ്പാക്കുക. കൂടാതെ, എപ്പോഴും ശരീരത്തിൽ ജലാംശം നിലനിർത്തുക, സമീകൃതാഹാരം കഴിക്കുക, നിങ്ങളുടെ ശരീരം ശാരീരികമായി സജീവമായി നിലനിർത്താനും മറക്കരുത്.
ശ്രദ്ധിക്കുക: ഈ ലേഖനത്തിൽ പരാമർശിച്ചിരിക്കുന്ന നുറുങ്ങുകളും നിർദ്ദേശങ്ങളും പൊതുവായ വിവര ആവശ്യങ്ങൾക്ക് മാത്രമുള്ളതാണ്, മാത്രമല്ല ഇത് വിദഗ്‌ദ്ധ മെഡിക്കൽ ഉപദേശമായി കണക്കാക്കരുത്. ഏതെങ്കിലും ഫിറ്റ്നസ് പ്രോഗ്രാം ആരംഭിക്കുന്നതിനോ ഭക്ഷണത്തിൽ എന്തെങ്കിലും മാറ്റങ്ങൾ വരുത്തുന്നതിനോ മുൻപായി എല്ലായ്പ്പോഴും നിങ്ങളുടെ ഡോക്ടറുമായോ ഡയറ്റീഷ്യനോടോ ബന്ധപ്പെടുക.