ഉണ‍ർവ് നൽകുന്ന പ്രഭാതഭക്ഷണങ്ങൾ തിരഞ്ഞെടുക്കാം

ഒരു ദിവസത്തിൻ്റെ പ്രസരിപ്പ് മുഴുവൻ തുടങ്ങുന്നത് നമ്മുടെ പ്രഭാത ഭക്ഷണത്തിൽ നിന്നാണ്. ദോശയും, പുട്ടും, ഉപ്പുമാവു മൊക്കെയായ് ദിവസം മുഴുവൻ ഊർജം നിലനി‍ർത്തുന്ന പ്രഭാത ഭക്ഷണങ്ങൾ ശീലമാക്കിയവരാണ് മലയാളികൾ. ഇവയുടെ ഗുണഗണങ്ങൾ എന്തൊക്കെയാണെന്ന് നിങ്ങൾ പരിശോധിക്കാറുണ്ടോ?

മലയാളിയുടെ നിത്യജീവിതത്തിൻ്റെ ഭാഗമായ ദോശ ധാരാളം പ്രോട്ടിനുകളാൽ സമ്പുഷ്ടമാണ്. അരിയും ഉഴുന്നുപരിപ്പും കലർന്ന ഇഡ്ഡലി പ്രോട്ടീനും വിറ്റാമിനുകളും ചേർന്നതാണ് . പ്രോട്ടീനും നാരുകളും ഉഴുന്നിൽ അടങ്ങിയിരിക്കുന്നു

ഒരു ദിവസം മുഴുവന്‍ ഊര്‍ജം ലഭിക്കാന്‍ റവ ഉപ്പുമാവ് സഹായിക്കുന്നു. എല്ലിൻ്റെ ആരോഗ്യത്തിനും നല്ല ദഹനം വഭിക്കാനും റവ ഉപ്പുമാവ് സഹായിക്കുന്നു. ഗോതമ്പിൻ്റെ തരി കൊണ്ടുണ്ടാക്കുന്ന സൂചി റവയിൽ ധാരാളം ഫൈബറുകൾ അടങ്ങിയിരിക്കുന്നു

ആഴ്ചയിലൊരിക്കൽ റാഗി ഭക്ഷണത്തിൽ ഉൾപ്പെടുത്തുക. പുട്ടായോ ദോശയായോ ഇത് കഴിക്കാവുന്നതാണ്. കാല്‍സ്യം ധാരാളമായി അടങ്ങിയിരിക്കുന്ന റാഗി കുട്ടികൾക്കും മുതിർന്നവർക്കും പ്രമേഹ രോഗികൾക്കും അത്യുത്തമമാണ്. സലാഡുകളും മുടട് വിഭവങ്ങളും ഉൾപ്പെടുത്തുന്നത് നല്ലതാണ്