ചെറുനാരങ്ങ
ചെറുനാരങ്ങയില് മാത്രമല്ല, ഇതിന്റെ തോലിലും ഏറെ ആരോഗ്യഗുണങ്ങളുണ്ട്. ധാരാളം ആന്റിഓക്സിഡന്റുകള് അടങ്ങിയ ഒന്നാണിത്. ഇതില് ഫ്ളേവനോയ്ഡുകളും ധാരാളമുണ്ട്. ഇത് മെറ്റബോളിസം വര്ദ്ധിപ്പിയ്ക്കാനും കൊഴുപ്പ് കത്തിച്ചു കളയാനും സഹായിക്കുന്നു. വൈററമിന് സി അടക്കം പല പോഷകങ്ങളും ഇതില് അടങ്ങിയിട്ടുമുണ്ട്.
ഹീമോഗ്ലോബിൻ കൂട്ടാൻ ഈ ഭക്ഷണങ്ങൾ കഴിക്കണം
ഇഞ്ചി
ഇഞ്ചിയും തടി കുറയ്ക്കാന് ഏറെ ഗുണകരമാണ്. ഇതും കൊഴുപ്പു കത്തിച്ചു കളയാന് ഏറെ നല്ലതാണ്. ദഹനം മെച്ചപ്പെടുത്താനും ഇതേറെ നല്ലതാണ്. ആകെയുള്ള കലോറി കുറയ്ക്കാന് സഹായിക്കുന്ന ഒന്നാണിത്. ഇഞ്ചി ശരീരത്തിലെ ചൂട് വര്ദ്ധിപ്പിച്ച് കലോറി കത്തിയ്ക്കാന് സഹായിക്കുന്നു. നാരുകളും ഇഞ്ചിയില് അടങ്ങിയിട്ടുണ്ട്. ഇതെല്ലാം തന്നെ തടി കുറയ്ക്കാന് സഹായിക്കുന്ന ഘടകങ്ങള് തന്നെയാണ്.
തടി കുറയ്ക്കാന് കുടിയ്ക്കാം
ഈ പ്രത്യേക പാനീയം തയ്യാറാക്കാനും വലിയ ബുദ്ധിമുട്ടില്ല. ചെറുനാരങ്ങയുടെ തൊണ്ട്, ഇഞ്ചി ചതച്ചത് എന്നിവ ഒന്നോ രണ്ടോ ഗ്ലാസ് വെള്ളത്തിലിട്ട് അടച്ച് വയ്ക്കുക. ഇത് ഫ്രിഡ്ജില് വയ്ക്കണം. രാത്രി മുഴുവന് വച്ച ശേഷം ഇത് രാവിലെ കുടിയ്ക്കാം. ഇതല്ലെങ്കില് മറ്റൊരു രീതിയിലും ഈ പാനീയം തയ്യാറാക്കാം. നാരങ്ങാത്തൊണ്ട്, ഇഞ്ചി എന്നിവ ഉണക്കി സൂക്ഷിയ്ക്കാം. ഇതില് അല്പം വെള്ളത്തിലിട്ട് തിളപ്പിച്ച് കുടിയ്ക്കുകയും വേണം.
ഈ പാനീയം
ഈ പാനീയം രാവിലെ വെറുംവയറ്റില് കുടിയ്ക്കുന്നതാണ് ഗുണം നല്കുക. ഇത് ദഹനം മെച്ചപ്പെടുത്താനും ഏറെ നല്ലതാണ്. തടി കുറയ്ക്കാന് മാത്രമല്ല, ഇത് മെറ്റബോളിസം മെച്ചപ്പെടുത്താനും ഏറെ നല്ലതാണ്. ദഹനപ്രക്രിയ ശക്തിപ്പെടുത്തുന്നതിലൂടെയും ടോക്സിനുകള് നീക്കുന്നതിലൂടെയും ഇത് തടി കുറയ്ക്കാന് നല്ലതാണ്.