പ്രമേഹവും കെ‍ട്ടു കഥകളും

പ്രമേഹത്തെപ്പറ്റിയുളള കെ‍ട്ടു കഥകള്‍ സര്‍വ സാധാരണമാണ്. പ്രമേഹം എന്ന അവസ്ഥയെപ്പറ്റി ക‍ൃത്യമായി മനസിലാക്കുകഎന്നതാണ് ഏറ്റവും അത്യാവശ്യം.ഭക്ഷണക്രമം, ശരീര ഭാരം,വ്യായാമം എന്നിവയെപ്പറ്റി അറിഞ്ഞിരിക്കണം.


പ്രമേഹത്തെപ്പറ്റി നാം കേട്ടു പരിചയമുളള കെ‍ട്ടു കഥകളും അവയുടെ സത്യാവസ്ഥയും ഡോ. ആനന്ദ് നിഗം പങ്കുവെക്കുന്നു :



1.പ്രമേഹം ഭയക്കേണ്ട ഒരു രോഗമല്ല

വളരെ പഴക്കമേറിയ രോഗമാണ് പ്രമേഹം എങ്കിലും നിയന്ത്രണ വിധേയമാണ്. എന്നാല്‍ സ്തനാര്‍ബുദവും എയ്‍ഡ്സും ബാധിച്ച് മരിക്കുന്ന ആള്‍ക്കാരുടെ എണ്ണത്തെക്കാള്‍ ഏറെയാണ് പ്രമേഹം മൂലമുണ്ടാകുന്ന ഹൃദയാഘാതം, പക്ഷാഘാതം എന്നിവ ബാധിച്ച് മരിക്കുന്നവരുടെ എണ്ണം. കാഴ്ചക്കുറവ്, വൃക്കത്തകരാറ്, അവയവങ്ങള്‍ മുറിച്ചുമാറ്റല്‍ എന്നിവയും പ്രമേഹം മൂലം സംഭവിക്കാം.



2. പ്രമേഹത്തിന് കാരണം മധുരം കൂടുതല്‍ കഴിക്കുന്നതാണ്

മധുരം കൂടുതല്‍ കഴിക്കുന്നതല്ല പ്രമേഹത്തിന് കാരണം. ടൈപ് 1, ടൈപ് 2 എന്നിങ്ങനെ രണ്ടു തരം പ്രമേഹമാണ് ഉള്ളത്. പാന്‍ക്രിയാസിന് പൂര്‍ണമായും ഇന്‍സുലിൻ ഉത്പാദിപ്പിക്കാന്‍ കഴിയാത്ത അവസ്ഥയാണ് ടൈപ് 1. ഉത്പാദിപ്പിക്കപ്പെടുന്ന ഇന്‍സുലിന്‍ ശരിയായ രീതിയില്‍ ഉപയോഗിക്കാന്‍ ശരീരത്തിന് സാധിക്കാത്ത അവസ്ഥയാണ് ടൈപ് 2.


3.ടാബ്ലെറ്റുകളും ഇന്‍സുലിനും പ്രമേഹത്തെ പൂര്‍ണമായും ഭേദമാക്കു‍ം

മരുന്നുകള്‍ ഒരിക്കലു‍ം പ്രമേഹത്തിന് ശാശ്വത പരിഹാരമല്ല. പകരം, പ്രമേഹത്തെ നിയന്ത്രണ വിധേയമാക്കാന്‍ മരുന്നുകള്‍ ഏറെ സഹായിക്കും. മരുന്ന്, ഭക്ഷണക്രമം, ശരിയായ വ്യായാമം എന്നിവ സന്തുലിതമായി ഒന്നിച്ചു കൊണ്ടുപോകുന്നതാണ് ഏറെ ഫലപ്രദം. രക്തത്തിലെ ഗ്ളൂക്കോസിന്‍റെ അളവിനെ കുറക്കാനും ഇത് ഏറെ സഹായിക്കും.


4. കുടുംബ പാരമ്പര്യം പ്രമേഹത്തിന് കാരണമാണ്

കുടുംബാംഗങ്ങള്‍ക്ക് പ്രമേഹം ഉള്ളതു കൊണ്ട് നിങ്ങള്‍ക്കും പ്രമേഹം ബാധിക്കണമെന്ന് നിര്‍ബന്ധമില്ല. നിങ്ങളുടെ കുടുംബത്തില്‍ പ്രമേഹപാരമ്പര്യമുണ്ടെങ്കില്‍ ആരോഗ്യപരമായ മാറ്റങ്ങള്‍ ജീവിത ശൈലിയില്‍ വരുത്തേണ്ടത് അനിവാര്യമാണ്.


5. പ്രമേഹമുള്ളവര്‍ മധുരം ഒഴിവാക്കണം

താന്‍ കഴിക്കുന്നത് എന്താണെന്ന് മനസിലാക്കി കഴിക്കുകയാണ് ഏറ്റവും പ്രധാനം. മാസത്തിലൊരിക്കല്‍ മധുര പലഹാരം കഴിക്കുന്നത് അപകടകരമല്ല. എത്ര കലോറി നാ‍ം കഴിക്കുന്ന ഭക്ഷണത്തില്‍ ഉള്‍പ്പെടുന്നു എന്ന് മനസിലാക്കുക.

6. കൂടുതല്‍ വ്യായാമം പാടില്ല

സ്ഥിരവും ചിട്ടയുമായ വ്യായാമം ഗ്ളൂക്കോസിന്‍റെ അളവിനെ കുറക്കാന്‍ ഏറെ സഹായകമാണെന്ന് പഠനങ്ങള്‍ വ്യക്തമാക്കുന്നു. ഏത് വ്യായാമ രീതിയാണ് ഉത്തമമെന്ന് ഡോക്ടറില്‍ നിന്നും ഉപദേശം നേടേണ്ടത് വളരെ ആവശ്യമാണ്. വ്യായാമവും നിയന്ത്രിത ശരീരഭാരവും പ്രമേഹം കുറക്കാന്‍ ഏറെ സഹായിക്കും.