തൈര് പ്രോ ബയോട്ടിക് വിഭാഗത്തിലുളള ഭക്ഷണമല്ലെന്ന് പഠനം

ദഹനത്തിന് സഹായിക്കുന്ന ആമാശയത്തിലെ സൂക്ഷ്മജീവികളുടെ വളര്‍ച്ചയ്ക്കായിപ്രോ ബയോട്ടിക് ഭക്ഷണങ്ങള്‍ ദിനചര്യയുടെ ഭാഗമാക്കുന്നത് നല്ലതാണ് .ദഹനത്തിനു മാത്രമല്ല വയറ്റിലെ അണുബാധ ,ദഹനക്കേട്, പുളിച്ചു തികട്ടല്‍ തുടങ്ങിയവയെല്ലാം പ്രതിരോധിക്കുന്നതിനുളള കഴിവ് ബാക്ടീരിയകള്‍ക്കുണ്ട്.

തൈര് ,ഡാര്‍ക്ക്‌ ചോക്കലെറ്റ്‌ തുടങ്ങിയവയെല്ലാം നല്ല പ്രോ ബയോട്ടിക് ഭക്ഷണങ്ങളായാണ് കണക്കാക്കിയിരുന്നത്. അതു കൊണ്ട് തൈര് അടങ്ങിയ ഭക്ഷണങ്ങള്‍ ശീലമാക്കണമെന്ന് ആരോഗ്യ വിദഗ്ദര്‍ നിഷ്ക്കര്‍ഷിച്ചിരുന്നു.

എന്നാല്‍ തൈര് കൂടുതലായി കഴിക്കുന്നത് പ്രോ ബയോട്ടിക്സപ്സിമെന്‍റുകള്‍ വര്‍ദ്ധിപ്പിക്കുന്നില്ലെന്നാണ് പഠനം സൂചിപ്പിക്കുന്നത്. ടെല്‍ അവീവിലെ വെയിസ് മാന്‍ ഇന്‍സ്റ്റ്യൂട്ട് ഒാഫ് സയന്‍സിലെ ശാസ്ത്രജ്ഞര്‍ 19 ഒാളം പേര്‍ക്ക് വിവിധ പ്രോ ബയോട്ടിക് ഭക്ഷണങ്ങള്‍ നല്‍കിയാണ് പഠനം നടത്തിയത് .

അതില്‍ 8 പേരില്‍ മാത്രമാണ് ഇവയുടെ സ്വാധീനം കാണാന്‍ കഴിഞ്ഞത്. എല്ലാവര്‍ക്കും പ്രോ ബയോട്ടിക് ഭക്ഷണങ്ങള്‍ ഒരു പോലെ ഫലപ്രദമാവില്ലെന്നും ശാസ്ത്രജ്ഞന്മാര്‍ പറയുന്നു