ഏതു രോഗമുള്ളവര്‍ക്കും
ഏതു രോഗമുള്ളവര്‍ക്കും ഏതു പ്രായക്കാര്‍ക്കും കഴിയ്ക്കാവുന്ന ഭക്ഷണമാണ് ഓട്‌സ് എന്നു പൊതുവേ അംഗീകരിയ്ക്കപ്പെട്ടു കഴിഞ്ഞിരിയ്ക്കുന്ന ഒന്നാണ്. നാരുകള്‍ ധാരാളമടങ്ങിയ, കൊഴുപ്പു കുറഞ്ഞ ഇത് തടി കുറയ്ക്കാനും ഏറെ നല്ലതാണ്. വയറിന്റെ ആരോഗ്യത്തിനും ഇതുത്തമമാണ്. ഓട്‌സ് തടി കുറയ്ക്കാന്‍ സഹായിക്കുന്നുവെന്നു മാത്രമല്ല, ഓട്‌സ് കൊണ്ട് തടി കുറയ്ക്കാന്‍ സഹായിക്കുന്ന ഒരു ഡയറ്റ് കൂടിയുണ്ട്. ഓട്മീല്‍ ഡയറ്റെന്നു പേരുള്ള ഇതെക്കുറിച്ചറിയൂ.
പേരു സൂചിപ്പിയ്ക്കുന്നതു പോലെ
പേരു സൂചിപ്പിയ്ക്കുന്നതു പോലെ തന്നെ ഓട്മീല്‍ ഡയറ്റ് ഓട്‌സ് ഉപയോഗിച്ചുള്ള ഡയറ്റാണ്. എന്നാല്‍ ഓട്‌സിനു പുറമേ മറ്റു ഭക്ഷണങ്ങളും കഴിയ്ക്കാം. എങ്കിലും ഓട്‌സ് തന്നെയാണ് പ്രധാന ഭക്ഷണമായി ഈ ഡയറ്റില്‍ എടുക്കേണ്ടത്. ദിവസവും ഒന്നോ രണ്ടോ പ്രധാന ഭക്ഷണമെങ്കിലും ഓട്‌സായിരിയ്ക്കണം. ഇതിനു രണ്ടു സ്റ്റേജുകളാണ് ഉള്ളത്. ആദ്യത്തെ സ്റ്റേജില്‍ ആദ്യത്തെ ഒരാഴ്ച മൂന്നു ഭക്ഷണങ്ങളില്‍ ഓട്‌സ് കഴിയ്ക്കുക. അതായത് രാവിലത്തെ, ഉച്ചയ്ക്ക്, രാത്രി ഭക്ഷണത്തില്‍. ഒപ്പം ഫ്രൂട്‌സും കഴിയ്ക്കം. സ്‌നാക്‌സായി, അതായത് ഇടയില്‍ വിശക്കുമ്പോള്‍ ഫ്രൂട്‌സ് കഴിയ്ക്കുക.
രണ്ടാം സ്റ്റേജില്‍
രണ്ടാം സ്റ്റേജില്‍ ദിവസവും ഒന്നോ രണ്ടോ ഭക്ഷണമായി ഓട്‌സാകാം. ഒപ്പം ഫാറ്റു കുറഞ്ഞ ആരോഗ്യകരമായ മറ്റു ഭക്ഷണങ്ങളും ഈ ആഴ്ചയില്‍, അതായത് രണ്ടാം ആഴ്ചയിലാകാം. ധാരാളം പച്ചക്കറികളും പഴങ്ങളുമെല്ലാം തന്നെ കഴിയ്ക്കുക. ഓട്‌സ് എന്നാല്‍ ശുദ്ധമായ ഓട്‌സ വേണം. ഇന്‍സ്റ്റന്റ് ഓട്‌സ് പോലുള്ളവ ഗുണം നല്‍കില്ലെന്നോര്‍ക്കുക. ഓട്‌സ് ഡയറ്റില്‍ ഓരോ നേരത്തും കഴിയ്‌ക്കേണ്ട ഓട്‌സിന്റെ അളവ് അരക്കപ്പാണ്. വലിച്ചു വാരി കഴിയ്ക്കരുത്. ഗുണമുണ്ടാകില്ല. പ്രാതലിനും ലഞ്ചിനും ഇതു കഴിയ്ക്കുന്നതാണ് കൂടുതല്‍ നല്ലത്. ഇതിനൊപ്പം കൊഴുപ്പു കുറഞ്ഞ പാല്‍, തൈര് എന്നിവ ചേര്‍ത്തും കഴിയ്ക്കാം. ഒപ്പം മധുരത്തിനായി കറുവാപ്പട്ടയും ചേര്‍ക്കാം. മറ്റു കൃത്രിമ മധുരം അരുത്. കറുവാപ്പട്ട തടി കുറയ്ക്കാനും ഏറെ നല്ലതാണ്. Also read: കാന്താരിമുളക്, നെല്ലിക്ക, ഇഞ്ചി... കൊളസ്‌ട്രോൾ കുറയ്ക്കാൻ ഇതാ 10 'സൂപ്പർ ഫുഡ്സ്'
ഇത്തരം ഡയറ്റിന്
ഇത്തരം ഡയറ്റിന് റോള്‍ഡ് ഓട്‌സാണ് കൂടുതല്‍ നല്ലത്. ഓട്‌സ് ഓരോ നേരവും കഴിയ്ക്കുമ്പോള്‍ 1 ഗ്രാം ഡയെറ്ററി ഫൈബര്‍, 3 ഗ്രാം പ്രോട്ടീന്‍, 0 ഗ്രാം ഷുഗര്‍ എന്നതാണ് ലഭിയ്ക്കുന്നത്. ദിവസവും ശരീരത്തിനു വേണ്ട കാല്‍സ്യത്തിന്റെ 2 ശതമാനവും അയേണിന്റെ ആറു ശതമാനവും ഓട്‌സില്‍ നിന്നും ലഭിയ്ക്കുന്നു. ഹൃദയത്തിന്റെ ആരോഗ്യത്തിന് ഇതേറെ നല്ലതാണ് കോളോറെക്ടല്‍ ക്യാന്‍സര്‍ തടയാനും ഓട്‌സ് ഏറെ നല്ലതാണ്. ദഹനത്തിനു സഹായിക്കുന്ന ഓട്‌സ് ബിപി പോലുള്ള രോഗാവസ്ഥകളെ ചെറുക്കാനും സഹായിക്കുന്നു.
അസുഖങ്ങളുള്ളവര്‍
ഏതെങ്കിലും വിധത്തിലെ അസുഖങ്ങളുള്ളവര്‍ ഈ ഡയറ്റെടുക്കും മുന്‍പ് ഡോക്ടറോട് അഭിപ്രായം തേടുന്നതു നല്ലതാണ്. ഇതില്‍ കൊഴുപ്പു തീരെ കുറവായതു കൊണ്ടു തന്നെ ചിലരുടെ കാര്യത്തില്‍ ഡോക്ടര്‍മാര്‍ ഇത് അനുവദിയ്ക്കാറില്ല. അസുഖങ്ങള്‍ ഇല്ലാത്തവര്‍ക്ക് ഇതു പിന്‍തുടരാം.ശരീരത്തിന് ഇത് ക്ഷീണമുണ്ടാക്കാതിരിയ്ക്കാന്‍ ധാരാളം പച്ചക്കറികളും പഴ വര്‍ഗങ്ങളും കഴിയ്ക്കാം. ധാരാളം വെള്ളം കുടിയ്ക്കാം. ഒാട്‌സ് ഡയറ്റ് രണ്ടാഴ്ചയേ എടുക്കാവൂ. പിന്നീട് വേണമെങ്കില്‍ ഒന്നു രണ്ടാഴ്‌ത്തെ ഇടവേളയ്ക്കു ശേഷം മാത്രം എടുക്കുക. ഇതിനാല്‍ ആരോഗ്യപ്രശ്‌നങ്ങള്‍ തോന്നുന്നുവെങ്കില്‍ ഇതില്‍ നിന്നും വിട്ടു നില്‍ക്കുക. Also read: വയസ്സ് 30 കഴിഞ്ഞോ? എങ്കിൽ ഈ 10 ഭക്ഷണങ്ങൾ നിർബന്ധമായും ഡയറ്റിൽ ഉൾപ്പെടുത്തുക