കോട്ടനായ അടിവസ്ത്രങ്ങള്‍
ഇത്തരത്തില്‍ 100 ശതമാനം കോട്ടനായ അടിവസ്ത്രങ്ങള്‍ ധരിയ്ക്കുന്നതിനാല്‍ യീസ്റ്റ് ഇന്‍ഫെക്ഷന്‍ പോലുളളവയെ ഒരു പരിധി വരെ അകറ്റി നിര്‍ത്താന്‍ സാധിയ്ക്കും. ഇൗ ഇന്‍ഫെക്ഷന്‍ കൂടുതലാകാന്‍ ഉള്ള ഒരു പ്രധാന കാര്യമാണ് വജൈനല്‍ ഭാഗത്ത് നനവ് തങ്ങി നില്‍ക്കുന്നത്. സിന്തറ്റക് അടിവസ്ത്രങ്ങള്‍ ധരിച്ചാല്‍ ഇവ വെള്ളം അധികം വലിച്ചെടുക്കില്ല. എന്നാല്‍ കോട്ടന്‍ അടിവസ്ത്രങ്ങള്‍ ഈ നനവ് വലിച്ചെടുക്കാന്‍ സഹായിക്കും.
മൂത്രപ്പഴുപ്പ്
പല സ്ത്രീകള്‍ക്കുമുണ്ടാകുന്ന പ്രശ്‌നമാണ് മൂത്രപ്പഴുപ്പ്. ഇത് ബാക്ടീരിയല്‍ ഇന്‍ഫെക്ഷനുകളാണ്. യൂറിനറി ഇന്‍ഫെക്ഷന്‍ കാരണമാണ് ഇതുണ്ടാകുന്നത്. നനവുളളപ്പോള്‍ ഇത്തരം ഇന്‍ഫെക്ഷനുകളും വര്‍ദ്ധിയ്ക്കുന്നു. കോട്ടന്‍ അടിവസ്ത്രം ധരിച്ചാല്‍ ഒരു പരിധി വരെ ഇതിന് പരിഹാരമുണ്ടാക്കാം. ഇതിന് മറ്റൊരു ഗുണം കൂടിയുണ്ട്. ബാക്ടീരിയല്‍ വജൈനോസിസ് എന്നത് പൊതുവേ സ്ത്രീകളില്‍ കാണുന്ന ബാക്ടീരിയല്‍ ഇന്‍ഫെക്ഷനാണ്. ഇത് പൊതുവേ സെക്ഷ്വല്‍ ലൈഫില്‍ ആക്ടീവായ സ്ത്രീകളിലാണ് ഉണ്ടാകുക. ഇത്തരം ഇന്‍ഫെക്ഷനുകള്‍ കുറയ്ക്കാനും നനവ് കുറയ്ക്കുയെന്നത് പ്രധാനമാണ്. ഇതിനും കോട്ടന്‍ അടിവസ്ത്രങ്ങള്‍ സഹായിക്കുന്നു. ഇത് നനവ് വലിച്ചെടുക്കുന്നു.
വള്‍വോഡൈനിയ
ഇതു പോലെ വള്‍വോഡൈനിയ എന്ന അവസ്ഥ സ്ത്രീകള്‍ക്കുണ്ടാകാറുണ്ട്. ഇത് വള്‍വല്‍ ഭാഗത്ത് വേദന വരുന്ന അവസ്ഥയാണ്. അതായത് വജൈനയുടെ ഉള്‍ഭാഗത്തുള്ള വള്‍വയില്‍ വരുന്ന കോശ വീക്കം കാരണം വരുന്ന അവസ്ഥ. ഇത് പാരമ്പര്യമായി വരുന്നതും ഭക്ഷണങ്ങള്‍ കാരണമുണ്ടാകുന്ന അലര്‍ജി കാരണമായി വരുന്നതുമെല്ലാമാണ്. ഇത്തരം അവസ്ഥയുള്ളവര്‍ക്ക് കൂടുതലാകാതിരിയ്ക്കാന്‍ ഇത്തരം കോട്ടന്‍ പാന്റീസ് ഉപകാരപ്പെടും.
ഇളം കളര്‍
ഇത്തരം പാന്റീസ് തന്നെ ഇളം കളര്‍ വാങ്ങാന്‍ ശ്രമിയ്ക്കുക. കാരണം ഇരുണ്ട നിറത്തിനായി ഉപയോഗിയ്ക്കുന്നത് പല തരത്തിലെ ഡൈ തന്നെയാണ്. ഇവയില്‍ കെമിക്കലുകള്‍ അടങ്ങിയിരിയ്ക്കുന്നു. ഇത് വജൈനല്‍ ഭാഗത്തുണ്ടാക്കുന്ന അസ്വസ്ഥതകള്‍ കുറയ്ക്കാന്‍ ഇളം നിറത്തിലെ പാന്റീസ് വാങ്ങി ഉപയോഗിയ്ക്കുന്നതാണ് നല്ലത്. ഇതു പോലെ കോട്ടന്‍ പാന്റീസ് വാങ്ങിയാല്‍ മാത്രം പോരാ, ഇത് കഴുകി നല്ലതു പോലെ ഉണക്കിയ ശേഷം മാത്രം ഉപയോഗിയ്ക്കാം. കഴിവതും സൂര്യപ്രകാശത്തിലിട്ട് ഉണക്കാം. സൂര്യവെളിച്ചം കുറവായവര്‍ക്ക് ഈര്‍പ്പം നില നില്‍ക്കുന്നത് നീക്കാനായി ഇത് അയേണ്‍ ചെല്ലുന്നതും നല്ലതാണ്.