ലേഡീസ്, നിങ്ങൾക്കുമാകാം ശീര്‍ഷാസനം......

യോഗികള്‍ക്ക്‌ പ്രിയപ്പെട്ട യോഗാസനമാണ്‌ ശീര്‍ഷാസനം. തലച്ചോറിന്റെയും സെന്‍സറി ഓര്‍ഗനുകളുടെയും പ്രവര്‍ത്തനങ്ങളെ ഉദ്ദീപിപ്പിക്കുന്നു. വേഗമേറിയ ഇന്നത്തെ കാലത്ത് ടെൻഷനും മാനസ്സിക സമ്മർദവും പിടിച്ചു നിർത്താനുള്ള മരുന്ന് യോഗ നൽകുന്നു. സ്ത്രീകളുടെ ആരോഗ്യത്തിന് വളരെയധികം ഗുണം ചെയ്യുന്ന ഒരു ആസനമാണിത്. യോഗയുടെ മാനസികമായ ഗുണങ്ങള്‍ വലുതാണ്. ലളിതമായ യോഗാസനങ്ങൾ ഉണ്ടെങ്കിലും മനസ്സിൽ പോസിറ്റീവ് ഊർജം നിറയ്ക്കാനും ഈ ആസനം സഹായിക്കും.

ചെറുപ്രായത്തിൽ തന്നെ ശീർഷാസനം ശീലിക്കുന്നത് നല്ലതായിരിക്കും. പുതുതായി യോഗ ചെയ്യുന്ന ആളാണെങ്കില്‍ ഭിത്തിയുടെ സഹായത്തോടെ ഈ ആസനം ചെയ്യുന്നതാവും നല്ലത്. ശീര്‍ഷാസനം ചെയ്യാന്‍ നല്ലൊരു യോഗ പരിശീലകന്‍റെ സഹായം ആവശ്യമാണ്. അശുദ്ധരക്തം നീക്കം ചെയ്യുന്നതുവഴി ആർത്തവകാലത്ത് സ്ത്രീകൾക്ക് ഉണ്ടാവുന്ന ബുദ്ധിമുട്ടുകൾ ഇല്ലാതാക്കാൻ ഗുണകരമാണ്.

ഇന്ന് സ്ത്രീകൾക്കിടയിൽ വളരെ കൂടുതലായി പി.സി.ഒ.ഡി. രോഗവും തുടർന്നുണ്ടാകുന്ന ബുദ്ധിമുട്ടുകളും ഇല്ലാതാക്കാൻ ഫലപ്രദമാണ് ശീർഷാസനം. ശീർഷാസനത്തിൽ രക്തം മുഖത്തേക്ക് എത്തുന്നതിനാൽ മുഖസൗന്ദര്യം വർദ്ധിക്കാൻ സഹായിക്കും. തളര്‍ച്ച, അമിത ഉറക്കം, ഓര്‍മക്കുറവ് തുടങ്ങിയ രോഗങ്ങള്‍ അലട്ടുന്നവര്‍ ശീര്‍ഷാസനം ചെയ്താല്‍ അവ ഇല്ലാതാകും. അകാലനരയും മുടികൊഴിച്ചിലും ഇല്ലാതാക്കുന്നതിനു ശീര്‍ഷാസനം അത്യുത്തമമാണ്. . എല്ലാവരും ഈ ആസനം ചെയ്യാന്‍ പാടില്ല.

കഴുത്തുവേദന നടുവേദന, സ്‌പൈന്‍ പ്രശ്‌നങ്ങള്‍ ,ഉയര്‍ന്ന രക്തസമര്‍ദമുളളവര്‍, ഹൃദ്രോഗികള്‍, ശ്വാസകോശ രോഗങ്ങളുളളവര്‍ തുടങ്ങിയവര്‍ ഈ ആസനം ചെയ്യരുത്. ശിരസ്സില്‍ ശരീരത്തെ നിയന്ത്രിച്ച് നിര്‍ത്തുകയാണ് ഈ യോഗാസനത്തിലുടെ ചെയ്യുന്നത്. ഗുണങ്ങളേറെയുണ്ടെങ്കിലും ശ്രദ്ധിച്ച് വേണ്ടവിധം ചെയ്തില്ലെങ്കില്‍ ശീര്‍ഷാസനം ദോഷമാണുണ്ടാകുക.