Side Effects of Lemon: നാരങ്ങ മുഖത്ത് പുരട്ടുമ്പോള്‍ നിങ്ങള്‍ ഇക്കാര്യങ്ങള്‍ ശ്രദ്ധിക്കാന്‍ മറക്കല്ലേ! ഇല്ലെങ്കില്‍ വിപരീത ഫലം ലഭിക്കും
Side Effects Of Lemon On Face :മുഖകാന്തി നിലനിര്‍ത്തുന്നതിനും ചര്‍മ്മത്തിന്റെ ആരോഗ്യത്തിനും ഇന്ന് മിക്കവരും ഉപയോഗിക്കുന്ന ഒന്നാണ് ചെറുനാരങ്ങ. ചെറുനാരങ്ങ നീര് ചേര്‍ത്ത് നിരവധി ഫേയ്‌സ്പാക്കുകള്‍ തയ്യാറാക്കാന്‍ സാധിക്കുന്നതാണ്. മുഖക്കുരു മാറ്റി എടുക്കുന്നതിനും മുഖം നന്നായി റബ്ബ് ചെയ്ത് എടുക്കുന്നതിനെല്ലാം ചെറുനാരങ്ങ ഉത്തമമാണ്.
സൗന്ദര്യത്തിനായി ചെറുനാരങ്ങ എങ്ങിനെ ഉപയോഗിക്കാം
ചര്‍മ്മത്തിന്റെ ആരോഗ്യത്തിന് വേണ്ടുവോളം ആവശ്യമായ ഒന്നാണ് വിറ്റമിന്‍ സി. ചെറുനാരങ്ങ വിറ്റമിന്‍ സിയാല്‍ സമ്പുഷ്ടമാണ്. എന്നാല്‍, നമ്മള്‍ വീട്ടില്‍ പലവിധത്തിലുള്ള ഫേയ്‌സ്പാക്കുകള്‍ തയ്യാറാക്കാറുണ്ട്. പലതും യൂട്യൂബും മറ്റും നോക്കിയും തയ്യാറാക്കി എടുക്കുന്ന ഫേയ്‌സ്പാക്കുകള്‍ ആയിരിക്കും. ഇത്തരത്തില്‍ തയ്യാറാക്കി എടുക്കുമ്പോള്‍ കുറച്ച് കാര്യങ്ങള്‍ ശ്രദ്ധിക്കേണ്ടത് അനിവാര്യമാണ്.
ചര്‍മ്മത്തിലെ ദുഷിപ്പ് കുറയ്ക്കുന്നു
നമ്മളുടെ ചര്‍മ്മത്തില്‍ ദുഷിപ്പ് നിറയുമ്പോഴാണ് ബ്ലാക്ക് ഹെഡ്‌സ് പോലെയുള്ള പ്രശ്‌നങ്ങള്‍ രൂപപ്പെടുന്നത്. പ്രത്യേകിച്ച് മൃതകോശങ്ങള്‍ അടിഞ്ഞ് കൂടി ഇത് ചര്‍മ്മത്തിന്റെ ഭംഗി കെടുത്തുന്നുണ്ട്. ഇത്തരം പ്രശ്‌നങ്ങള്‍ മാറ്റുന്നതിനും ചര്‍മ്മത്തിലെ ദുഷിപ്പ് മാറ്റി ചര്‍മ്മകാന്തി വീണ്ടെടുക്കുന്നതിനും ചെറുനാരങ്ങ വളരെ നല്ലതാണ്. അതുപോലെ, ചര്‍മ്മത്തിലെ അമിതമായിട്ടുള്ള ഓയില്‍ കണ്ടന്റ് കുറയ്ക്കാനും ഇത് സഹായിക്കുന്നുണ്ട്.
ഇതില്‍ ആല്‍ഫ ഹൈഡ്രോക്‌സില്‍ ആസിഡ് അടങ്ങിയിരിക്കുന്നതിനാല്‍ ഇത് ചര്‍മ്മത്തിന്റെ ആരോഗ്യത്തിന് വളരെയധികം ഗുണം നല്‍കുന്നുണ്ട്, ഇത് മൃതകോശങ്ങളെ നീക്കെ ചെയ്യാന്‍ വളരെയധികം സഹായിക്കുന്നു.
ചെറുനാരങ്ങ നീര് എപ്പോഴാണ് ദോഷകരമാകുന്നത്
നിങ്ങളുടെ ചര്‍മ്മം വരണ്ടതാണെങ്കില്‍, അല്ലെങ്കില്‍ സെന്‍സറ്റീവ് ആണെങ്കില്‍ ചെറുനാരങ്ങ ചര്‍മ്മത്തില്‍ പ്രയോഗിക്കുമ്പോള് കുറച്ച് ശ്രദ്ധ ചെലുത്തേണ്ടത് അനിവാര്യമാണ്. കാരണം, ചെറുനാരങ്ങയില്‍ വളരെയധികം അസിഡിക് സ്വഭാവം അടങ്ങിയിരിക്കുന്നു. ഇത് ചര്‍മ്മത്തിനെ ദോഷകരമായി ബാധിക്കുന്നവയാണ്. ഇത് ചര്‍മ്മത്തിലെ നാച്വറല്‍ പിഎച്ച് കുറയ്ക്കാന്‍ കാരണമാകുന്നുണ്ട്.
ഇത്തരത്തില്‍ പിഎച്ച് ലെവല്‍ കുറയുമ്പോള്‍ ചര്‍മ്മം കൂടുതല്‍ വരണ്ടതാകുന്നു. ഇത, ചൊറിച്ചില്‍, വേഗത്തില്‍ മുഖത്ത് കരിവാളിപ്പ് വരുന്നത് എന്നീ പ്രശ്‌നങ്ങളിലേയ്ക്ക് നയിക്കും.
വിറ്റമിന്‍ സി സിറം വാങ്ങുവാന്‍ ഇവ ശ്രദ്ധിക്കാം.
പ്രകൃതിദത്തമായ എല്ലാ വസ്തുക്കളും നല്ലതാണ് എന്ന തെറ്റിധാരണ പൊതുവില്‍ ജനങ്ങള്‍ക്കിടയില്‍ ഉണ്ട്. എന്നാല്‍, ഇത്തരം വസ്തുക്കള്‍ക്കും അതിന്റേതായ പാര്‍ശ്വഫലങ്ങള്‍ ഉണ്ട്. ഇത് പലപ്പോഴും ആളുകള്‍ മനസ്സിലാക്കാറില്ല. ചെറുനാരങ്ങ അമിതമായാല്‍ മുഖത്ത് വേഗത്തില്‍ കരുവാളിപ്പ് വരും. അതിനാല്‍, ചെറുനാരങ്ങ നീര് എടുത്ത് മുഖത്ത് പുരട്ടും മുന്‍പ് വെയിലത്ത് വെക്കേണ്ടത് അനിവാര്യമാണ്. ഇത്തരത്തില്‍ ചെയ്യുന്നതിനെ മാര്‍ഗരീറ്റ(Margarita Burn) ബേണ്‍ എന്നാണ് വിശേഷിപ്പിക്കുന്നത്. അതുപോലെ, വിറ്റമിന്‍ സി സിറം വാങ്ങുമ്പോള്‍ ഇതിലെ എസ്പിഎഫ് എത്രയാണ് എന്ന് നോക്കണം. അതുപോലെ, ഈ സിറം പുരട്ടി കഴിഞ്ഞാലും സണ്‍സ്‌ക്രീന്‍ പുരട്ടേണ്ടത് അനിവാര്യമാണ്.
ചെറുനാരങ്ങ എങ്ങിനെ സുരക്ഷിതമായി ഉപയോഗിക്കാം
ചെറുനാരങ്ങ ചര്‍മ്മത്തില്‍ തേക്കും മുന്‍പ് നമ്മള്‍ പാച്ച് ടെസ്റ്റ് നടത്തേണ്ടത് അനിവാര്യമായിട്ടുള്ള കാര്യമാണ്. അതുപോലെ, നാരങ്ങ നീര് നേര്‍പ്പിച്ച് ഉപയോഗിക്കുന്നത് ചര്‍മ്മത്തിന് നല്ലതായിരിക്കും. ഇതിനായി റോസ്വാട്ടര്‍ ഉപയോഗിക്കാവുന്നതാണ്. അതുപോലെ, ഫ്രഷ് ലൈം ഉപയോഗിക്കാന്‍ ശ്രദ്ധിക്കുന്നതചും നല്ലതായിരിക്കും.