കാലുകളില്‍ ഉണ്ടാകുന്ന ചൊറിച്ചിലിന് കാരണം ഇവ
കാലില്‍ ചൊറിച്ചില്‍ ഉണ്ടാകുന്നതിന് പ്രാധാനമായും 4 കാരണങ്ങളാണ് ഉള്ളത്.
1. ഫംഗസ്ബാധ ഉണ്ടാകുന്നത്.
2. പ്രമേഹം കൂടുതലാകുന്നത് കാലില്‍ ചൊറിച്ചില്‍ ഉണ്ടാകുന്നതിന് കാരണമാണ്.
3. സോറിയാസീസ് പോലെയുള്ള ചര്‍മ്മ പ്രശ്‌നങ്ങള്‍
4. വരണ്ട ചര്‍മ്മം കാലില്‍ ചൊറിച്ചില്‍ ഉണ്ടാക്കും.
ഓയില്‍ മസാജ് ചെയ്യാം
കാലിലെ ചൊറിച്ചില്‍ മാറ്റിയെടുക്കാന്‍ ഏറ്റവും നല്ല മാര്‍ഗ്ഗമാണ് ഓയില്‍ മസാജ് ചെയ്യുക എന്നത്. ഇതിനായി എള്ളെണ്ണ അല്ലെങ്കില്‍ കടുകെണ്ണ ഉപയോഗിക്കാവുന്നതാണ്. ഇവ ഡബിള്‍ ബയില്‍ ചെയ്ത് എടുക്കണം. ഒരിക്കലും എണ്ണ നേരിട്ട് ചൂടാക്കാന്‍ പാടുള്ളതല്ല. രാത്രി കിടക്കുന്നതിന് മുന്‍പ് ഇത്തരത്തില്‍ ചൂടാക്കി എടുത്ത എണ്ണ കാലില്‍ തേച്ച് മസാജ് ചെയ്യുക. കുറച്ചധിക സമയം ഇത്തരത്തില്‍ മസാജ് ചെയ്യുന്നത് നല്ലതാണ്. ഇത് വരണ്ട ചര്‍മ്മം ഇല്ലാതാക്കുന്നതിനും അതുപോലെ, കാലിലെ ചൊറിച്ചില്‍ ഇല്ലാതാക്കുന്നതിനും സഹായിക്കും.
ആര്യവേപ്പിന്റെ ഇല ഉപയോഗിക്കാം
ചര്‍മ്മത്തിലെ അലര്‍ജി പ്രശ്‌നങ്ങളും ചൊറിച്ചിലുമെല്ലാം കുറയ്ക്കാന്‍ ഏറ്റവും നല്ലതാണ് ആര്യവേപ്പിന്റെ ഇല ഉപയോഗിക്കുക എന്നത്. ആര്യവേപ്പില്‍ അടങ്ങിയിരിക്കുന്ന കയ്പ്പിന്റെ ഘടകങ്ങള്‍ ചര്‍മ്മത്തിലെ അണുക്കളെ നീക്കം ചെയ്യാന്‍ സഹായിക്കുന്നുണ്ട്. അതിനാല്‍ തന്നെ കാലില്‍ ചൊറിച്ചില്‍ അനുഭവപ്പെട്ടാല്‍ ആര്യവേപ്പിന്റെ ഇല അരച്ച് പുരട്ടുന്നത് നല്ലതാണ്.
ചൂടുവെള്ളത്തില്‍ കാല് മുക്കി വയ്ക്കാം
കാലിലെ ചൊറിച്ചില്‍ മാറ്റിയെടുക്കാന്‍ മറ്റൊരു നല്ല മാര്‍ഗ്ഗമാണ് ചൂടുവെള്ളത്തില്‍ കാല് മുക്കി വയ്ക്കുക എന്നത്. ഇതിനായി ചൂടുവെള്ളത്തില്‍ ഒരു കല്ല് ഇട്ട് അതില്‍ കാല് മുക്കി വയ്ക്കാവുന്നതാണ്. ഇത് ചര്‍മ്മത്തിലെ മൊരി പ്രശ്‌നങ്ങളെല്ലാം മാറ്റിയെടുക്കാം സഹായിക്കും. അതിനുശേഷം തുടച്ചെടുത്തതിന് ശേഷം ചൂടുവെള്ളത്തില്‍ കുറച്ച് കല്ലുപ്പ് ഇട്ട് അതില്‍ കാല് മുക്കി വയ്ക്കാവുന്നതാണ്. ഇത് കാലിലെ ചൊറിച്ചില്‍ മാറ്റിയെടുക്കാന്‍ സഹായിക്കും.
ത്രിഫല ഉപയോഗിക്കുന്നത് നല്ലതാണ്
കാലിലെ ചൊറിച്ചില്‍ മാറ്റിയെടുക്കാന്‍ ഏറ്റവും നല്ല മാര്‍ഗ്ഗങ്ങളില്‍ ഒന്നാണ് ത്രിഫല. വെള്ളത്തില്‍ ത്രിപല പൊടി ചേര്‍ത്ത് നന്നായി മിക്‌സ് ചെയ്ത് പേയ്സ്റ്റ് പരുവത്തിലാക്കി എടുക്കണം. ഇത് കാലിലെ ചൊറിച്ചില്‍ ഉള്ള ഭാഗത്ത് പുരട്ടണം. ഇത് കാലിലെ ചൊറിച്ചില്‍ മാറ്റിയെടുക്കാന്‍ സഹായിക്കുന്നതാണ്.
കറ്റാര്‍വാഴ
ചര്‍മ്മത്തിലെ ഒട്ടുമിക്ക പ്രശ്‌നങ്ങള്‍ക്കും നല്ലൊരു പരിഹാരമാണ് കറ്റാര്‍വാഴ. നിങ്ങളുടെ ചര്‍മ്മം നല്ല വരണ്ടതും ചൊറിച്ചില്‍ ഉണ്ടാക്കുന്നതുമാണെങ്കില്‍ എന്നും കറ്റാര്‍വാഴ ജെല്‍ പുരട്ടുന്നത് വളരെ നല്ലതാണ്. നല്ല ഫ്രഷായി ലഭിക്കുന്ന കറ്റാര്‍വാഴ അല്ലെങ്കില്‍ നിങ്ങള്‍ക്ക് വാങ്ങുവാന്‍ കിട്ടുന്ന കറ്റാര്‍വാഴ ജെല്‍ എന്നിവയെല്ലാം തന്നെ ഉപയോഗിക്കാവുന്നതാണ്. ആഴ്ച്ചയില്‍ രണ്ടോ മൂന്നോ തവണ ഉപയോഗിക്കുമ്പോള്‍ കൂടുതല്‍ ഫലം ലഭിക്കുന്നതായിരിക്കും.