വയര്‍ വേഗത്തില്‍ കുറയ്ക്കണോ? എങ്കിൽ ഈ ശീലങ്ങള്‍ ഇന്ന് തന്നെ ഉപേക്ഷിക്കൂ
Authored byഅഞ്ജലി എം സി | Samayam Malayalam17 Mar 2023, 2:26 pm
വയര്‍ ചാടുന്നതാണ് പലര്‍ക്കും ഒരു പ്രശ്‌നമായി പറയാനുള്ളത്. എങ്ങിനെയെങ്കിലും വയര്‍ കുറയ്ക്കാന്‍ ശ്രമിക്കുന്നവരാണ് പലരും. പല മാര്‍ഗ്ഗങ്ങളും പയറ്റി നോക്കിയിട്ടും ചിലപ്പോള്‍ വയര്‍ കുറയ്ക്കാന്‍ ഇര്‍ക്ക് സാധിക്കാറില്ല. ഇതിന്റെ പ്രധാനകാരണം നമ്മളുടെ ചില ശീലങ്ങളാണ്. ഈ ശീലങ്ങള്‍ നമ്മള്‍ മാറ്റി നിര്‍ത്തിയാല്‍ ചാടിയ വയറല്ലാം താനെ കുറയും.
Samayam Malayalamവയര്‍ വേഗത്തില്‍ കുറയ്ക്കണോ? എങ്കിൽ ഈ ശീലങ്ങള്‍ ഇന്ന് തന്നെ ഉപേക്ഷിക്കൂ
നല്ല ആഹാരങ്ങള്‍ കഴിക്കാത്തത്
നമ്മള്‍ വിശന്നാല്‍ അപ്പോള്‍ കിട്ടിയത്, അല്ലെങ്കില്‍ കഴിക്കാന്‍ തോന്നുന്ന ആഹാരങ്ങളാണ് പൊതുവില്‍ കഴിക്കുന്നത്. എന്നാല്‍, അവ എത്രത്തോളം നല്ലതാണ്, അല്ലെങ്കില്‍ കഴിച്ചാല്‍ ആരോഗ്യത്തിനെഎങ്ങിനെ ബാധിക്കും എന്ന് പലരും ചിന്തിക്കാറില്ല.
നമ്മളുടെ ശരീരത്തില്‍ പെട്ടെന്ന് ദഹിക്കുന്ന നല്ല കൊഴുപ്പുകളടങ്ങിയ ആഹാരങ്ങള്‍ കഴിക്കണം. ഇത്തരം ആഹാരങ്ങള്‍ കഴിച്ചാല്‍ തന്നെ ശരീരം തടിക്കുകയുമില്ല, നമ്മളുടെ വയര്‍ ചാടുകയുമില്ല. വറുത്തതും പൊരിച്ചതുമായ ആഹാരങ്ങള്‍ കഴിക്കുന്നതിന് പകരം, അവോകാഡോ, ഒലീവ് ഓയില്‍, വാള്‍നട്ട് എന്നിവയെല്ലാം കഴിക്കുന്നത് ശരീരത്തിന് നല്ലതാണ്.
ഉറക്കക്കുറവ്
പലര്‍ക്കും രാത്രിയില്‍ ഫോണ്‍ നോക്കി ഇരിക്കുന്ന ശീലം കാണാം. ചിലര്‍, ഏതെങ്കിലും സീരീസ് കണ്ട് ഇരിക്കും. അല്ലെങ്കില്‍ സിനിമ കണ്ട് ഇരിക്കുന്നവരുമുണ്ട്. എന്നാല്‍, ചിലര്‍ക്ക് കിടന്നാലും ഉറക്കം വരാത്തവരും കുറവല്ല. ഇത്തരത്തില്‍ നിങ്ങളെ ഉറക്കം അലട്ടുന്നത് അല്ലെങ്കില്‍ ഉറക്കക്കുറവ് നിങ്ങളുടെ ശരീരഭാരത്തിലും പ്രകടമായിത്തന്നെ കാണാന്‍ സാധിക്കും.
ഉറക്കക്കുറവ് ഉള്ളവരില്‍ കുടവയര്‍ വരാനുള്ള സാധ്യതയും തള്ളികളയാന്‍ കഴിയില്ല. നമ്മളുടെ ശരീരത്തില്‍ 11% കൊഴുപ്പ് അടിയുന്നതിന്റെ പ്രധാന കാരണം നമ്മളുടെ ഈ ഉറക്കക്കുറവ് തന്നെയാണ്. അതിനാല്‍, ഒരു ദിവസം കുറഞ്ഞത് 7 മുതല്‍ 8 മണിക്കൂര്‍ വരെ നിങ്ങള്‍ ഉറങ്ങി എന്ന് ഉറപ്പാക്കുക. ഉറങ്ങാന്‍സാധിക്കുന്നില്ലെങ്കില്‍ അതിനുള്ള കുറുക്കുവഴികള്‍ തപ്പുന്നതും നല്ലതാണ്.
ഹോര്‍മോണ്‍ വ്യതിയാനം
സ്ത്രീകളിലായാലും പുരുഷന്മാരിലായാലും ഹോര്‍മോണ്‍ വ്യതിയാനം സംഭവിക്കാന്‍ സാധ്യത കൂടുതലാണ്. സ്ത്രീകളില്‍ പിസിഒഡി, പിസിഒഎസ് പോലെയുള്ള അസുഖങ്ങള്‍ ഉള്ളവരില്‍ അമിതമായിട്ടുള്ള വണ്ണം കണ്ടുവരുന്നു. എന്നാല്‍, ഇത് കുറയ്ക്കാന്‍ ഈ അസുഖങ്ങള്‍ക്ക് കൃത്യമായി മരുന്ന് കഴിക്കേണ്ടതും ഡയറ്റും വ്യായാമവും പിന്തുടരേണ്ടതും അനിവാര്യമാണ്.
കൃത്യമായി വ്യായാമം ചെയ്താല്‍, പ്രത്യേകിച്ച് സ്ത്രീകളായാലും പുരുഷന്മരായാലും വ്യായാമം ചെയ്താല്‍ അത് ശരീരത്തിലെ അമിതമായിട്ടുള്ള കൊഴുപ്പിനെ നീക്കം ചെയ്യുന്നതിനോടൊപ്പം ഹോര്‍മോണ്‍ ബാലന്‍സ് ചെയ്യാനും സഹായിക്കുന്നുണ്ട്. അതിനാല്‍, വ്യായാമം ശീലിക്കാം.
മദ്യപാനം
ബിയര്‍ കഴിക്കാന്‍ ഇഷ്ടപ്പെടുന്ന സ്ത്രീകളും ഇന്ന് കുറവല്ല. എന്നാല്‍, മദ്യം അമിതമായി കുടിക്കുന്നവരില്‍ വയര്‍ ചാടാനുള്ള സാധ്യതയും വളരെയധികം കൂടുതലാണ്. ഇത് സ്ത്രീകള്‍ക്കും പുരുഷന്മാര്‍ക്കും ബാധകമാണ്. ഇത് ശരീരം വണ്ണം വയ്ക്കുന്നതിലേയ്ക്ക് മാത്രമല്ല, മറ്റ് ആരോഗ്യപ്രശ്‌നങ്ങളിലേയ്ക്കും നയിക്കുന്നു.
അമിതമായി മദ്യപിക്കുന്നവരില്‍ കരള്‍ രോഗങ്ങള്‍ പെരുകുന്നതിലേയ്ക്കും ഷുഗര്‍ പ്രഷര്‍ എന്നിവ വര്‍ദ്ധിക്കുന്നതിനും ഇത് കാരണമാണ്. ഇതെല്ലാം തന്നെ, വയര്‍ ചാടുന്നതിനും തടി വയ്ക്കുന്നതിനും പിന്നിലെ പ്രധാന കാരണങ്ങളആണ്. അതിനാല്‍ മദ്യപാനം കുറയ്ക്കുന്നത് നിങ്ങളുടെ വയര്‍ കുറയ്ക്കാന്‍ സഹായിക്കും.
അമിതമായി മാനസിക സമ്മര്‍ദ്ദം അനുഭവിക്കുന്നവര്‍ക്ക് അമിതവണ്ണവും വയറും ഉണ്ടാകാനുള്ള സാധ്യത ഉണ്ട്. മാനസിക സമ്മര്‍ദ്ദം വയറില്‍ ഫാറ്റ് അടിഞ്ഞ് കൂടുന്നതിന് കാരണമാകുന്നുണ്ട് ന്നെ് പല പഠനങ്ങളും പറയുന്നുണ്ട്. ചിലര്‍ക്ക് വിഷമം ആയിരിക്കും ഉണ്ടായിരിക്കുക. അല്ലെങ്കില്‍ ന്തൈങ്കിലും കാര്യം ആലോചിച്ച് ടെന്‍ഷന്‍ അടിക്കുന്നവരും കുറവല്ല.
പേടി, ഭയം, ആകുലത എന്നിവയെല്ലാം തന്നെ ഒരാളുടെ ആരോഗ്യത്തേയും പലപ്പോഴും ഉറക്കത്തെ പോലും കെടുത്തുന്നു. ഉറക്കം കൃത്യമായില്ലെങ്കില്‍ തന്നെ ശരീരത്തിലെ ഹോര്‍മോണ്‍ വ്യതിയാനം സംഭവിക്കുകയും ഇത് തടി വയ്ക്കുന്നതിലേയ്ക്കും വയര്‍ ചാടുന്നതിനും ഒരു പ്രധാന കാരണമായി മാറുന്നു. അതിനാല്‍, നിങ്ങള്‍ക്ക് അമിതമായി മാനസിക സമ്മര്‍ദ്ദം ഉണ്ടെങ്കില്‍ ഒരു ക്ലിനിക്കല്‍ കൗണ്‍സിലിംഗ് തേടുന്നതും മരുന്നുകള്‍ കഴിക്കുന്നതും നല്ലതായിരിക്കും.
Disclaimer: മേല്‍ തന്നിരിക്കുന്നത് അടിസ്ഥാനപരമായിട്ടുള്ള കാര്യങ്ങളാണ്. ചിലര്‍ക്ക് ഇതിന്റെ കൂടെ നല്ല ഡയറ്റും വ്യായാമവും ചെയ്താല്‍ നല്ല ഫലം ലഭിക്കും.
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
