പ്ലാസ്റ്റിക് കുപ്പികളിൽ ഉള്ളത് 40,000 മടങ്ങ് ബാക്ടീരിയകളെന്ന് പുതിയ പഠനം

ദൈനംദിനം ജീവിത്തിൽ പ്ലാസ്റ്റിക് കുപ്പികളുടെ സ്വാധീനം വളരെ കൂടുതലായി മാറി കൊണ്ടിരിക്കുകയാണ്. ഉപയോഗിച്ച പ്ലാസ്റ്റിക് കുപ്പികൾ വീണ്ടും ഉപയോഗിക്കുന്നവരാണ് ഭൂരിഭാഗം ആളുകളും. ഇത്തരത്തിൽ ഉപയോഗിക്കുന്നത് ആരോഗ്യത്തിന് ഹാനികരമാണെന്ന് അറിഞ്ഞിട്ടും വീണ്ടും ഇത് ഉപയോഗിക്കുന്ന ആളുകളാണ് നാട്ടിലുള്ളത്. പ്ലാസ്റ്റിക് മാലിന്യങ്ങൾ കുറയ്ക്കുന്നതിൻ്റെ ഭാഗമായി കുപ്പികളൊക്കെ ചില സ്ഥലങ്ങളില്ലെങ്കിലും ബാൻ ചെയ്തിട്ടുണ്ടെങ്കിലും ദിവസവും ഇത് ഉപയോഗിക്കുന്നവരുടെ എണ്ണം അത്ര കുറവല്ല.

പക്ഷെ ഈ പ്ലാസ്റ്റിക് കുപ്പികളെക്കുറിച്ചുള്ള പുതിയൊരു പഠനമാണ് ആളുകളെ ഞെട്ടിക്കുന്നത്. ദൈനംദിന ജീവിതത്തിൽ നിരവധി കീടാണുകളാണ് നമുക്ക് ചുറ്റുമുള്ളത്. ഏറ്റവും കൂടുതൽ ബാക്ടീരിയകളെ കാണുന്നത് ബാത്ത്റൂം ടോയ്ലെറ്റിൻ്റെ സീറ്റുകളില്ലാണെന്ന് എല്ലാവർക്കുമറിയാം. പക്ഷെ യുഎസിൽ നടത്തിയ പുതിയ പഠനത്തിൽ പറയുന്നത്. ടോയ്ലെറ്റ് സീറ്റിനേക്കാൾ 40,000ത്തിൽ അധികം അപകടകാരികളായ ബാക്ടീരിയകളാണ് ദിവസവും ഉപയോഗിക്കുന്ന പ്ലാസ്റ്റിക് കുപ്പികളിൽ ഉള്ളതെന്നാണ് പഠനം പറയുന്നത്. യുഎസ് ആസ്ഥാനമായ വാട്ടർഫിൽറ്റർഗുരു ഡോട്ട് കോം നടത്തിയ ഗവേഷണത്തിലാണ് ഈ ഞെട്ടിപ്പിക്കുന്ന കണ്ടെത്തൽ.

ഒരു വാട്ടർ ബോട്ടിലിൽ അടുക്കളയിലെ പാത്രം കഴുകുന്ന സിങ്കിലുള്ളതിനേക്കാൾ ഇരട്ടി അണുക്കളുണ്ടെന്ന് ഗവേഷകർ പറയുന്നു. കമ്പ്യൂട്ടർ മൗസിന്റെ നാലിരട്ടി ബാക്ടീരിയകളും വളർത്തുമൃഗങ്ങൾ ഭക്ഷണം കഴിക്കുന്ന പാത്രത്തേക്കാൾ 14 മടങ്ങും ഇത് കൂടുതലാണ്. വീട്ടിലെ മറ്റ് വസ്തുക്കളെ അപേക്ഷിച്ച് കുപ്പികളിലെ ഈ ബാക്ടീരിയകളുടെ കണ്ടെത്തൽ ഞെട്ടിക്കുന്നതാണ്. കുപ്പിയുടെ ഏറ്റവും വൃത്തിയുള്ള ഭാഗം കുപ്പിയുടെ അടപ്പാണെന്ന് ഗവേഷകർ കണ്ടെത്തി. ബാക്ടീരിയകളുടെ പത്തിലൊന്ന് മാത്രമാണ് അതിലുള്ളത്.

Also Read: സ്ത്രീകളിലെ എല്ലുതേയ്മാനം; വരാതിരിക്കാൻ ശ്രദ്ധിക്കേണ്ടത്

ഈ ബാക്ടീരിയകളിൽ നിന്ന് രക്ഷ നേടാൻ കുപ്പി കഴുകി ഉപയോഗിക്കണമെന്നാമ് ഗവേഷകർ ശുപാർശ ചെയ്യുന്നത്. ദിവസവും ചൂട് വെള്ളം സോപ്പ് എന്നിവ ഉപയോഗിച്ചും ആഴ്ചയിൽ ഒരിക്കൽ അണുവിമുക്തമാക്കണമെന്ന് നിർദേശമുണ്ട്. കുപ്പിയിലെ ബാക്ടീരിയയുടെ സാന്നിധ്യം പഠിക്കാൻ കുപ്പിയുടെ ഓരോ ഭാഗങ്ങളും പ്രത്യേകമാണ് ഗവേഷകർ പരീക്ഷണത്തിൽ ഉൾപ്പെടുത്തിയത്. മൂന്ന് തവണ വീതം, രണ്ട് തരം ബാക്ടീരിയകൾ കണ്ടെത്തിയിരുന്നു. വളരെ ചെറിയ തോതിലുള്ള ബാക്ടീരിയ ആണെങ്കിലും ഇത് ദഹനത്തിനുൾപ്പെടെ പല ബുദ്ധിമുട്ടുകളുണ്ടാക്കുമെന്നും പഠനം പറയുന്നു.

പുതിയ കണ്ടെത്തലിൽ ആശങ്കപ്പെടേണ്ട സാഹചര്യമില്ലെന്നാണ് മറ്റൊരു കൂട്ടം ഗവേഷകർ പറയുന്നത്. വെള്ളം കുടിക്കുന്ന സമയത്ത് പ്ലാസ്റ്റിക് കുപ്പികളിൽ ആളുകളുടെ വായിൽ നിന്ന് തന്നെ ബാക്ടീരിയകൾ ഉണ്ടാകുമെന്നും അവർ പറയുന്നു.

English Summary: Bacteria's in plastic bottles

കൂടുതൽ ആരോഗ്യ വാർത്തകൾ വായിക്കാൻ ഇവിടെ ക്ലിക്ക് ചെയ്യുക.