അവിശ്വസനീയമായ പോഷക ഗുണങ്ങളെല്ലാം ഒത്തുചേർന്ന ഒരു ഔഷധ സസ്യമാണ് ശതാവരി. ഓസ്ട്രേലിയ, ആഫ്രിക്ക, ഇന്ത്യ, മറ്റ് ചില ഏഷ്യൻ രാജ്യങ്ങൾ തുടങ്ങിയ സ്ഥലങ്ങളിലാണ് ഇത് പ്രധാനമായും കൃഷി ചെയ്യുന്നത്. ചെറിയ ഇലകളും മുനയുള്ള തണ്ടുകളും ഇതിൻ്റെ പ്രത്യേകതയാണ്. ശതാവരിയിലകളും ഇതിൻ്റെ തണ്ടുകളും നിങ്ങളുടെ ഭക്ഷണങ്ങൾക്ക് രുചിയും ഗുണവും പകരുന്ന പച്ചക്കറിയായി ഉപയോഗിക്കാം. പലവിധ രോഗങ്ങളുടെ ചികിത്സയ്ക്ക് സഹായിക്കുന്ന ശതാവരിച്ചെടി അവശ്യ സംയുക്തങ്ങളുടെ സമ്പന്ന ഉറവിടമാണ്.
മലബന്ധം, നെഞ്ചെരിച്ചിൽ, പ്രമേഹം, അൾസർ, മൂത്രനാളിയിലെ അണുബാധ, ശ്വാസകോശ സംബന്ധമായ തകരാറുകൾ, ഉത്കണ്ഠ, സമ്മർദ്ദം, ദഹന സംബന്ധമായ തകരാറുകൾ, മാനസികാവസ്ഥ, ഫെർട്ടിലിറ്റി പ്രശ്നങ്ങൾ തുടങ്ങിയ ഏതൊരു ആരോഗ്യ പ്രശ്നത്തിനും ഇത് അതിശയകരമാം വിധം സഹായമരുളുന്നു. സ്ത്രീകളിലെ ഹോർമോൺ അസന്തുലിതാവസ്ഥകൾ പരിഹരിക്കുന്നതിനും സ്ത്രീകളുടെ പ്രത്യുത്പാദന ആരോഗ്യം നിലനിർത്തുന്നതിനുമായി പണ്ടുമുതൽക്കേ ആയുർവേദത്തിൽ പ്രാഥമികമായി ഉപയോഗിച്ചു പോരുന്നുണ്ട് ഇവ. ശതാവരി നിങ്ങളുടെ ആരോഗ്യത്തെയും ക്ഷേമത്തെയും എങ്ങനെ മെച്ചപ്പെടുത്തുന്നു എന്ന് തിരിച്ചറിയാൻ തുടർന്ന് വായിക്കുക.
Also read: നാല് കിലോ കുറയ്ക്കാൻ വെറും നാല് ദിവസം! ഈ പാൽ-വാഴപ്പഴം ഡയറ്റ് സൂപ്പർ
ശതാവരിയുടെ പ്രയോജനങ്ങൾ
ആരോഗ്യ ആനുകൂല്യങ്ങളുടെ കാര്യത്തിൽ ശതാവരി മറ്റേതൊരു പച്ചക്കറിയെയും കടത്തിവെട്ടും. നിങ്ങളുടെ മൊത്തത്തിലുള്ള ആരോഗ്യ ക്ഷേമത്തിനായി ഇതിന് എത്രമാത്രം സംഭാവന ചെയ്യുമെന്ന് തിരിച്ചറിഞ്ഞ് കഴിയുമ്പോൾ നിങ്ങൾ ആശ്ചര്യപ്പെടുമെന്ന കാര്യം തീർച്ചയാണ്.
ആയുർവേദം അനുസരിച്ച് സ്ത്രീകളിലെ പ്രത്യുൽപാദന പ്രശ്നങ്ങളെ പരിഹരിക്കാൻ ശതാവരി സഹായിക്കും. ശരീരത്തിൽ ഈസ്ട്രജൻ റെഗുലേറ്ററായി പ്രവർത്തിക്കാൻ ശേഷിയുള്ള ഇത് രക്തത്തെ ശുദ്ധീകരിക്കുകയും ഹോർമോണുകളുടെ സന്തുലിതാവസ്ഥ ആരോഗ്യകരമായി നിലനിർത്തുകയും ചെയുന്നു. ഇത് ആർത്തവ ചക്രത്തിലുടനീളം സ്ത്രീകളുടെ പ്രത്യുത്പാദന ശേഷിയെ പിന്തുണയ്ക്കുന്നതിന് സഹായിക്കുന്നു. സ്ത്രീകളിലെ പി.എം.എസ്. (Premenstrual syndrome) ലക്ഷണങ്ങളെ കുറച്ചുകൊണ്ട് രക്തയോട്ടം വർദ്ധിപ്പിക്കുന്നത് വഴി ആർത്തവ വേദനകളും മാനസികാവസ്ഥ നിലയിലും ആരോഗ്യകരമായ മാറ്റങ്ങൾ കൊണ്ടുവരാൻ ഇത് സഹായിക്കും. ആർത്തവവിരാമത്തിന്റെ ലക്ഷണങ്ങളായ യോനിയിലെ വരൾച്ച, പ്രകോപനങ്ങൾ, തുടങ്ങിയവ കുറയ്ക്കാനും ഇത് വളരെ ഫലപ്രദമാണ്.
ശതാവരി പുരുഷന്മാരിൽ ബീജങ്ങളുടെ അളവിൽ കുറവുണ്ടാകുന്നതിനെ പരിഹരിക്കാൻ സഹായിക്കുന്നു. ഇത് പുരുഷശരീരത്തിൽ ആരോഗ്യകരമായ ബീജങ്ങളുടെ എണ്ണം വർദ്ധിപ്പിക്കുകയും ഗർഭധാരണത്തിനുള്ള സാധ്യത ഉയർത്തുകയും ചെയ്യുന്നു. ശതാവരി, അശ്വഗന്ധ സസ്യം എന്നിവ സംയോജിപ്പിച്ച് കഴിക്കുന്നത് വഴി ബലഹീനതയുടെ പ്രശ്നങ്ങളെ ചികിത്സിക്കാനും സാധിക്കും.
2. ശ്വാസകോശ സംബന്ധമായ അസുഖങ്ങളെ ചികിത്സിക്കാൻ
ശ്വാസകോശ സംബന്ധമായ അണുബാധകൾ പലപ്പോഴും ചുമ, ജലദോഷം, ശ്വാസംമുട്ടൽ, ടോൺസിലൈറ്റിസ്, ബ്രോങ്കൈറ്റിസ് എന്നിവയ്ക്ക് കാരണമായേക്കാം. നിങ്ങളുടെ ഭക്ഷണത്തിൽ ശതാവരി ഉൾപ്പെടുത്തുന്നത് വഴി ശ്വാസകോശ സംബന്ധമായ അസുഖങ്ങളെല്ലാം ചികിത്സിക്കാൻ കഴിയും. ഇത് ആസ്ത്മ രോഗികൾക്ക് ഏറ്റവും ഫലപ്രദമായ ഔഷധം ആണെന്ന് പറയപ്പെടുന്നു. ഇന്ത്യയുടെ പല ഭാഗങ്ങളിലും, ചുമയ്ക്കും ജലദോഷത്തിനും ചികിത്സയായി ശതാവരി വേരുകളുടെ ജ്യൂസ് ഉപയോഗിക്കാറുണ്ട്.
Also read: ഏമ്പക്കത്തെ പിടിച്ചു കെട്ടാൻ 10 മാർഗ്ഗങ്ങൾ
ജീവിതത്തിലെ ചില ഘട്ടങ്ങളിൽ സമ്മർദ്ദവും ഉത്കണ്ഠയും മിക്കവാറും ആളുകളെയും ബാധിക്കുന്നു. ജോലിയിൽ ഉണ്ടാവുന്ന അസംഖ്യം പ്രശ്നങ്ങൾ, വ്യക്തിപരമായ പ്രശ്നങ്ങൾ അല്ലെങ്കിൽ നിങ്ങൾക്ക് ശരിയെന്ന് തോന്നാത്ത കാര്യങ്ങൾ കാണുമ്പോൾ ഉണ്ടാകുന്ന അസ്വസ്ഥതകൾ എല്ലാം തന്നെ സമ്മർദ്ദം ഉണ്ടാകുന്നതിന് കാരണമായി ഭവിക്കുന്നു. ശതാവരി പതിവായി കഴിക്കുന്നത് വഴി ശരീരത്തിൽ എൻഡോർഫിനുകൾ, സെറോടോണിൻ, ഡോപാമൈൻ എന്നിവയുടെ അളവ് വർദ്ധിപ്പിക്കാൻ സാധിക്കുന്നു. ഈ ഹോർമോണുകൾ സമ്മർദ്ദത്തെയും ഉത്കണ്ഠയെയും നേരിടാൻ സഹായിക്കുമെന്ന് തെളിഞ്ഞിട്ടുള്ളതാണ്. ഹോർമോൺ വ്യതിയാനങ്ങളാണ് പലപ്പോഴും തെറ്റായ മാനസികനിലയിലേക്കും പ്രകോപനങ്ങളിലേക്കുമെല്ലാം നയിക്കുന്നത്. നിങ്ങളുടെ മനസ്സിന് സ്വസ്ഥത നൽകാനും വിഷാദം, പ്രകോപനം, എന്നിവയ്ക്കെതിരെ പോരാടാനും ശതാവരിക്ക് കഴിവുണ്ട്.
4. ദഹനം മെച്ചപ്പെടുത്തുന്നു
നിങ്ങളുടെ കുടലിനെ ശുദ്ധീകരിക്കുന്ന ഒരു ക്ലെൻസറാണ് ശതാവരി. ഇത് കുടലുകളിലുള്ള വിഷാംശത്തെ പുറന്തള്ളുകയും ശരീരത്തിലെ ദഹന രസങ്ങളുടെ പ്രവർത്തനത്തെ പ്രോത്സാഹിപ്പിക്കുകയും ചെയ്യുന്നു. ശരീരത്തിലെ കൊഴുപ്പുകളും കാർബോഹൈഡ്രേറ്റുകളും എളുപ്പത്തിൽ ദഹിപ്പിക്കാൻ ഇതുവഴി സാധിക്കുന്നു. ശതാവരി ചൂർണ്ണം ശീലമാക്കുന്നത് വഴി വയറിളക്കം, ഛർദ്ദി, നെഞ്ചെരിച്ചിൽ തുടങ്ങിയ ഗ്യാസ്ട്രബിൾ തുടങ്ങിയ പ്രശ്നങ്ങളിൽ നിന്ന് മോചനം നൽകുന്നു. ചെറുകുടൽ, അന്നനാളം അല്ലെങ്കിൽ ആമാശയം എന്നിവയിൽ ഉണ്ടാകുന്ന അൾസർ ചികിത്സയ്ക്കും ഇത് സഹായികമാണ്. ദഹനനാളത്തിലെ വീക്കങ്ങൾ തടയാൻ ശതാവരിയുടെ ആൻറി ഇൻഫ്ളമേറ്ററി ഗുണങ്ങൾ സഹായിക്കും.
പ്രസവശേഷം അമ്മമാരിൽ മുലപ്പാൽ ഉൽപാദനം വർദ്ധിപ്പിക്കുന്നതിന് ഏറ്റവും ഫലപ്രദമാണ് ശതാവരി. പ്രസവാനന്തരം ഉണ്ടാകുന്ന വിളർച്ച, കുറഞ്ഞ രക്തസമ്മർദ്ദം, മാനസികസമ്മർദ്ദം തുടങ്ങിയ പലവിധ കാരണങ്ങളാൽ അമ്മമാരുടെ ശരീരത്തിന് മതിയായ പാൽ ഉത്പാദിപ്പിക്കാൻ കഴിയാതെ വരുന്നു. സ്വാഭാവികമായ രീതിയിൽ മുലപ്പാൽ ഉത്പാദിപ്പിക്കാൻ ശതാവരി സഹായിക്കും. ഇത് കുഞ്ഞിൻ്റെ ആരോഗ്യത്തിന് ഒരു രീതിയിലും ബുദ്ധിമുട്ട് ഉണ്ടാക്കുകയുമില്ല.
Also read: ശരീരത്തിന് ശക്തിയും വഴക്കവും ലഭിക്കാൻ സമസ്ഥിതി, ചെയ്യേണ്ട വിധം
6. പ്രമേഹ ചികിത്സയ്ക്ക്
രക്തത്തിലെ പഞ്ചസാരയുടെ അളവ് കുറയ്ക്കുന്നതിന് ശതാവരിയെ കഴിഞ്ഞേ വേറൊരാളുളളൂ. അതുകൊണ്ടു തന്നെ പ്രമേഹ ചികിത്സയ്ക്കായി ശുപാർശ ചെയ്യുന്ന വിശേഷപ്പെട്ട ഒരു പച്ചക്കറിയാണ് ശതാവരി. ശതാവരി പതിവായി ഉപയോഗിക്കുന്നത് വഴി പ്രമേഹ രോഗികളിൽ വൃക്ക തകരാറ് ഉണ്ടാകാനുള്ള സാധ്യത കുറയുന്നു. ശതാവരി മോശം കൊളസ്ട്രോൾ കുറയ്ക്കുകയും ശരീരത്തിലെ ഓക്സിഡേറ്റീവ് സ്ട്രെസ് കുറയ്ക്കുകയും ചെയ്യുന്നുമെന്നും വിശ്വസിക്കപ്പെടുന്നു.
ശതാവരി ഒരു ഡൈയൂററ്റിക് ആയി പ്രവർത്തിക്കുകയും ശരീരത്തിൽ നിന്ന് അധിക ദ്രാവകം ഒഴിവാക്കാൻ സഹായിക്കുകയും ചെയ്യുന്നു. മൂത്രസഞ്ചി ആരോഗ്യകരമാക്കി നിലനിർത്താനും വൃക്കയിൽ കല്ലുകൾ രൂപപ്പെടുന്നത് ഭേദമാക്കാനുമെല്ലാം ശതാവരി ഗുണം ചെയ്യും. ഇത് പതിവായി കഴിക്കുന്നത് വഴി വൃക്കയിലെ കല്ലുകളുടെ വലുപ്പം കുറയ്ക്കാനും കാലക്രമേണ ഇത് പൂർണ്ണമായി സുഖപ്പെടുത്താനും സാധിക്കും
8. രോഗപ്രതിരോധ ശേഷി വർധിപ്പിക്കാൻ
ശരീരത്തിന്റെ പ്രതിരോധവ്യവസ്ഥിതി മെച്ചപ്പെടുത്തുകയും ആരോഗ്യസ്ഥിതി വേഗത്തിൽ വീണ്ടെടുക്കാൻ സഹായിക്കുകയും ചെയ്യുന്ന രോഗപ്രതിരോധ ബൂസ്റ്ററായ സപ്പോജെനിൻ ശതാവരിയിൽ ഉയർന്ന അളവിൽ അടങ്ങിയിട്ടുണ്ട്. ശരീരത്തിലെ പലവിധ രോഗങ്ങൾക്കും അണുബാധകൾക്കും എതിരെ പോരാടുന്ന കോശങ്ങളെ ഇത് ശക്തിപ്പെടുത്തുന്നു. ശതാവരിയിൽ അടങ്ങിയിരിക്കുന്ന ആന്റി ഓക്സിഡന്റുകളെ ഫ്രീ റാഡിക്കലുകൾ മൂലമുണ്ടാകുന്ന ദോഷങ്ങളിൽ നിന്ന് നമ്മുടെ ശരീരത്തെ സംരക്ഷിക്കുകയും ചെയ്യുന്നുണ്ട്. പ്രകൃതിദത്തമായ ഒരു ആൻറി ബയോട്ടിക്കാണ് ശതാവരി, ഇതിന്റെ ഔഷധ ഗുണങ്ങൾ ഛർദ്ദി, കോളറ, ഇ-കോളി, വയറ്റിൽ ഉണ്ടാകാൻ സാധ്യതയുള്ള ട്യൂമറുകൾ എന്നിവയുടെ സാധ്യത കുറയ്ക്കാനും സഹായിക്കുന്നു.
ശതാവരി എങ്ങനെ ഉപയോഗിക്കാം?
ശതാവരി ഉപയോഗിക്കേണ്ടത് എങ്ങനെ എന്നത് ഓരോ വ്യക്തികളിലും വ്യത്യാസപ്പെട്ടിരിക്കും. ശതാവരി ടാബ്ലെറ്റ് രൂപത്തിലും, പൊടിച്ച രൂപത്തിലും അല്ലെങ്കിൽ ടോണിക്ക് രൂപത്തിലുമെല്ലാം വാങ്ങുവാൻ കഴിയും. സാധാരണ നമ്മൾ കഴിക്കുന്ന ഒരു ശതാവരി ഗുളികകളിൽ 500 Mg അടങ്ങിയിരിക്കുന്നു. ഇത് ദിവസത്തിൽ രണ്ടുതവണ കഴിക്കാം. എന്നിരുന്നാലും ഒരു ഡോക്ടറുടെ നിർദ്ദേശപ്രകാരം മാത്രം ഇവ കഴിക്കുക.
ശതാവരി പൊടി കഴിക്കേണ്ടത്
സാധാരണ ഗതിയിൽ, ശതാവരി ഹെർബൽ പൊടി പ്രതിദിനം 2 മുതൽ 5 ഗ്രാം വരെ രണ്ടുതവണയായി കഴിക്കാവുന്നതാണ്. ഇത് വെള്ളം, ജ്യൂസ്, അല്ലെങ്കിൽ പാൽ എന്നിവയോടൊപ്പം കലർത്തിയ ശേഷമാണ് കഴിക്കേണ്ടത് എന്ന് ആയുർവേദ ഡോക്ടർമാർ ശുപാർശ ചെയ്യുന്നു.
ശതാവരി ഉപയോഗിക്കുന്നതിലൂടെ എന്തെങ്കിലും പാർശ്വഫലങ്ങൾ ഉണ്ടോ?
പലവിധ അസുഖങ്ങൾക്കുള്ള രോഗചികിത്സാ ഔഷധമായി ശതാവരി കണക്കാക്കപ്പെടുന്നുണ്ടെങ്കിലും, ഇത് ഉപയോഗിക്കുമ്പോൾ ഇനിപ്പറയുന്ന കാര്യങ്ങൾ പരിഗണിക്കണം:
☛ ശതാവരി കഴിക്കുന്നത് എല്ലായിപ്പോഴും മിതമായ അളവിൽ ആയിരിക്കണം. ഒരിക്കലുമിത് അമിതമായി ഉപയോഗിക്കരുത്.
☛ ശതാവരിയോട് അലർജിയുള്ള ആളുകൾ അതിന്റെ ഉപഭോഗം പൂർണ്ണമായും ഒഴിവാക്കണം.
☛ എൻഡോമെട്രിയോസിസ്, സ്തനാർബുദം, ഫൈബ്രോയിഡുകൾ, തുടങ്ങിയ ആരോഗ്യ പ്രശ്നങ്ങളും മറ്റ് ഹോർമോൺ സെൻസിറ്റീവ് പ്രശ്നങ്ങളുമുള്ള സ്ത്രീകൾ ശതാവരിയുടെ ഉപഭോഗം ഒഴിവാക്കണം, കാരണം അതിൽ ഫൈറ്റോ ഈസ്ട്രജൻ അടങ്ങിയിട്ടുണ്ട്, ഇത് ഇത്തരം ആരോഗ്യപ്രശ്നങ്ങൾ ഉള്ളവരിൽ ദോഷം വരുത്തുന്നതിന് കാരണമാവും.
☛ ശതാവരി കഴിക്കുന്നതുവഴി ചില ആളുകളിൽ ശരീരഭാരം വർദ്ധിക്കുന്നതിന് കാരണമായേക്കാം.
☛ ഹൃദയ സംബന്ധമായ അസുഖങ്ങളും വൃക്ക സംബന്ധമായ മാറാരോഗങ്ങളും ബാധിച്ച ആളുകൾ ശതാവരി ഒഴിവാക്കണം
☛ സാക്ഷ്യപ്പെടുത്തിയതും കൃത്രിമം ചേർത്തതുമായ ഉറവിടങ്ങളിൽ നിന്ന് മാത്രമേ ശതാവരി സപ്ലിമെന്റുകൾ വാങ്ങി ഉപയോഗിക്കാവൂ.
ഇന്ത്യയിൽ യുഗങ്ങളായി ശതാവരി ഒരു ഔഷധ മരുന്നായി ഉപയോഗിക്കുന്നുണ്ടെങ്കിലും സ്വയം ചികിത്സയ്ക്കായി ഇത് ഒരിക്കലും ഉപയോഗിക്കാൻ പാടില്ല. നിങ്ങളുടെ ആരോഗ്യ വിദഗ്ധൻ്റെ നിർദേശത്തോടെ ഭക്ഷണത്തിൽ ശതാവരി മിതമായ അളവിൽ ഉൾപ്പെടുത്തുന്നത് വഴി പാർശ്വഫലങ്ങളില്ലാതെ പരമാവധി നേട്ടങ്ങൾ നേടിയെടുക്കാൻ സഹായിക്കും. പുറത്തു നിന്നും വാങ്ങിയ ശതാവരി ആരോഗ്യ സപ്ലിമെന്റുകൾ കഴിക്കുന്നതിനു മുൻപായി ഡോക്ടറെ സമീപിച്ച് നിർദ്ദേശങ്ങൾ ചോദിച്ചറിയുക.