ക്രിക്കറ്റ് താരം സച്ചിൻ ടെണ്ടുൽക്കറിന് ബാധിച്ചതോടെയാണ് ടെന്നീസ് എൽബോ എന്ന രോഗം ഇത്ര വ്യാപകമായി സംസാരവിഷയമായത്. ടെന്നിസ് എൽബോ സാധാരണയായി കായിക താരങ്ങളിലാണ് കണ്ടുവരുന്നത്. കൂടുതലായും ഈ രോഗം ടെന്നീസ് കളിക്കുന്നവരിൽ കാണപ്പെടുന്നതിനാലാണ് ടെന്നീസ് എൽബോ എന്ന പേര് പോലും വന്നത്. ടെന്നീസ് എൽബോയുടെ പൊതുവായ പേര് ലാറ്ററൽ എപ്പിസോൻഡിലൈറ്റിസ് (lateral epicondylitis) എന്നാണ്. വേദന സാധാരണയായി കണ്ടുവരുന്നത് കൈമുട്ടിന് ചുറ്റും, കൈത്തണ്ടിന്റെ ഭാഗത്തുമാണ്.
ഇത് മൂലം നിങ്ങളുടെ കൈമുട്ടിലേയും കൈത്തണ്ടയിലേയും സന്ധികൾക്ക് പ്രശ്നം സംഭവിക്കുന്നു. ഇത് നിങ്ങളുടെ കൈക്കുഴയും കൈയ്യും സാധാരണപോലെ ചലിപ്പിക്കുന്നതിൽ നിന്ന് നിങ്ങളെ തടയുന്നു. കൈയ്യിൽ മുറുക്കം അനുഭവപ്പെടുന്നതും, നീർക്കെട്ടും സന്ധിവേദനയും ഉണ്ടാകുന്നതും, കൈ സാധാരണ പോലെ ചലിപ്പിക്കുവാൻ ബുദ്ധിമുട്ട് അനുഭവപ്പെടുന്നതും കൈമുട്ടിന് ചുറ്റും സംഭവിക്കുന്ന ഈ വീക്കം മൂലമാണ് തുടർച്ചായി എന്തെങ്കിലും ചെയ്യുന്നത് മൂലമോ, നിർത്താതെയുള്ള വ്യായാമം മൂലമോ ടെന്നിസ് എൽബോ വരാവുന്നതാണ്.
Related: നിങ്ങളുടെ ആരോഗ്യമാണ് നാടിന്റെ ആരോഗ്യം! ഇപ്പോള് തന്നെ പ്രതിജ്ഞ ചെയ്യൂ...
ഇന്ന് ഈ രോഗം സർവ്വ സാധാരണമാണ്. സ്പോർട്സ് ഇൻജുറി എന്ന വിഭാഗത്തിൽ പെടുത്താമെങ്കിലും ടെന്നീസ് എൽബോ ഇപ്പോൾ കായിക താരങ്ങളിൽ മാത്രം കണ്ടുവരുന്ന ഒരു ആരോഗ്യ പ്രശ്നമല്ല. കൈകൾ ഉപയോഗിച്ച് ആയാസപ്പെട്ട ജോലി ചെയ്യുന്ന ആർക്കും ഈ രോഗം വരാവുന്നതാണ്.
ടെന്നീസ് എൽബോയുടെ ലക്ഷണങ്ങള്
കൈകൾ ഉപയോഗിച്ച് ജോലികളിൽ ഏർപ്പെടുമ്പോൾ കൈമുട്ടിൽ അനുഭവപ്പെടുന്ന കഠിനമായ വേദന തന്നെയാണ് ഈ രോഗത്തിന്റെ പ്രധാന ലക്ഷണം. ഭാരം എടുക്കുമ്പോഴും, എന്തിനു പറയണം, ഒരു ഷേക്ക് ഹാൻഡ് നൽകുമ്പോൾ പോലും ഈ വേദന അനുഭവപ്പെടാം. കൈമുട്ടിൽ ആരംഭിക്കുന്ന വേദന ക്രമേണ കൈകളുടെ പുറംഭാഗത്തേക്കുള്ള പേശികളിലേക്ക് വേദന പടര്ന്ന് കൈകുഴയ്ക്ക് വരെ വേദന അനുഭവപ്പെടുന്ന അവസ്ഥ ഉണ്ടാകുന്നു. രോഗം സങ്കീർണ്ണമാകുന്നതിന് അനുസരിച്ച് ചെറിയ ഭാരം കുറഞ്ഞ വസ്തുക്കൾ പോലും ഉയർത്താൻ സാധ്യമാകാതെ വരുന്നു. കൂടാതെ കൈമുട്ടില് നിന്ന് കൈപ്പത്തിയിലേക്ക് തരിപ്പ് അനുഭവപ്പെടുന്നതും ടെന്നീസ് എൽബോയുടെ ലക്ഷണമാണ്.
കായിക താരങ്ങളിലാണ് ഈ രോഗം പ്രധാനമായും കണ്ടുവരുന്നത് എന്ന് പറഞ്ഞല്ലോ. എന്നാൽ അവരിൽ മാത്രം ഈ പ്രശ്നം ഒതുങ്ങുന്നതല്ല. കായിക താരങ്ങളോടൊപ്പം പ്ലംബിംഗ് ജോലി ചെയ്യുന്നവർ, പെയിന്റിംഗ് ജോലികളില് ഏര്പ്പെട്ടിരിക്കുന്നവര്, കാര്പെന്റര്മാര്, ഇലക്ട്രീഷന്മാര്, വീട്ടമ്മമാര്, കുട്ടികൾ തുടങ്ങിയവരിലൊക്കെ ഈ പ്രശ്നം ഇപ്പോൾ വളരെ സാധാരണമായി കണ്ടുവരാറുണ്ട്.
എന്താണ് ചികിത്സ?
വേദന മാത്രം അനുഭവപ്പെട്ടതുകൊണ്ട് മാത്രം ടെന്നീസ് എൽബോ ആണെന്ന് ഉറപ്പിക്കരുത്. അതിനായി എക്സറേ, രക്തപരിശോധന, ഇലക്ട്രോ മയോഗ്രാം, MRI തുടങ്ങിയ പരിശോധനകളിലൂടെയോ അല്ലെങ്കിൽ ഒരു ഫിസിയോതെറാപ്പിസ്റ്റിന്റെ സഹായത്തോടെയോ ടെന്നീസ് എല്ബോ എന്ന പ്രശ്നം തിരിച്ചറിയാം. തുടക്കത്തിൽ തന്നെ ഇത് സ്ഥിരീകരിച്ചാൽ അള്ട്രാ സൗണ്ട് തെറാപ്പി, ടെന്സ്, ടെന്നീസ് എല്ബോ ബാന്ഡ്, ടേപ്പിങ്, മാനുവല് തെറാപ്പി, ഓട്ടോലഗസ് ബ്ലഡ് ഇഞ്ചക്ഷന് തുടങ്ങിയ ചികിത്സകൾ തേടി രോഗം മൂര്ച്ഛിക്കുന്നത് തടഞ്ഞു നിർത്താവുന്നതാണ്. പല നൂതന ചികിത്സ സമ്പ്രദായങ്ങളും പല രാജ്യങ്ങളിലും നടക്കുന്നുണ്ടെങ്കിലും രോഗം സങ്കീർണ്ണമായാൽ ശസ്ത്രക്രിയയാണ് പ്രധാന പ്രതിവിധിയായി കണക്കാക്കപ്പെട്ടിരിക്കുന്നത്. എങ്കിലും രോഗ ലക്ഷണങ്ങൾ തിരിച്ചറിഞ്ഞാൽ ഫിസിയോതെറാപ്പി പോലുള്ള ചികിത്സകള് കൊണ്ട് വേദന നിയന്ത്രിക്കാൻ ഒരു പരിധി വരെ കഴിയും.
ശസ്ത്രക്രിയ ഇല്ലാതെ ടെന്നീസ് എൽബോ എന്ന ആരോഗ്യ പ്രശ്നത്തെ ഫലപ്രദമായി നിയന്ത്രിക്കാൻ താഴെ പറയുന്ന കാര്യങ്ങൾക്ക് കഴിയും:
ടെന്നീസ് എൽബോ മൂലമുള്ള വേദന കഠിനമാകുകയും കുറയുന്നില്ല എങ്കിലും, ഉടൻ തന്നെ നല്ലൊരു ഫിസിയോതെറാപ്പിസ്റ്റിനെ കാണുന്നതാണ് നല്ലത്. പരിക്ക് പറ്റിയ ശരീരഭാഗങ്ങളിൽ ചലശേഷി നല്ലനിലയിലേക്ക് വീണ്ടുമെത്തിക്കുവാൻ ഒരുപാട് രീതികൾ അറിയാവുന്ന ആരോഗ്യവിദഗ്ദ്ധരാണ് ഫിസിയോതെറാപ്പിസ്റ്റുകൾ. നിങ്ങൾക്കായി ഫിസിയോതെറാപ്പിസ്റ്റ് ചെയ്യുന്ന ഔഷധ തൈലങ്ങൾ കൊണ്ടുള്ള മസാജുകൾ, പ്രത്യേക വ്യായാമമുറകൾ എന്നിവയെല്ലാം വേദനയും പേശിയുടെ പിരിമുറുക്കവും മാറുവാനും, കൈയ്യിലേക്കുള്ള രക്തയോട്ടം വർദ്ധിപ്പിക്കുവാനും സഹായിക്കുന്നു. ഇത് മൂലം നിങ്ങൾക്ക് കൈകൾ നന്നായി ചലിപ്പിക്കുവാനും കൈത്തണ്ടയ്ക്ക് ബലം ലഭിക്കുവാനും സഹായിക്കുന്നു.
Also read: വെറും മൂന്നാഴ്ച! പാൽ കുടിച്ച് വണ്ണം കുറയ്ക്കാം
2. ഐസ് പാക്ക്
ശരീരത്തിന്റെ വീക്കം കുറയ്ക്കുവാൻ സഹായിക്കുന്ന സവശേഷതകൾ ഉള്ള ഒരു വസ്തുവാണ് ഐസ്. ഒരു ഐസ് പാക്ക് എടുത്ത് കുറഞ്ഞത് പതിനഞ്ച് മിനിറ്റ് നേരമെങ്കിലും കൈമുട്ടിന് വയ്ക്കുകയാണെങ്കിൽ, കൈമുട്ടിലെ വേദനയ്ക്കും നീർക്കെട്ടിനും പെട്ടെന്ന് ആശ്വാസം ഉണ്ടാകുന്നതാണ്. ഇത് ദിവസത്തിൽ നാലോ അഞ്ചോ പ്രാവശ്യം ചെയ്യുകയാണെങ്കിൽ ഫലം കാണുന്നതാണ്.
3. കെട്ടി വയ്ക്കുക
കൈ കെട്ടിവയ്ക്കുക എന്നതാണ് ടെന്നീസ് എൽബോയിൽ നിന്ന് ആശ്വാസം ലഭിക്കുവാനുള്ള ഏറ്റവും എളുപ്പവും ഫലപ്രദവുമായ വഴി. ഇതിനായി, ഒരു ഇലാസ്റ്റിക്ക് ബാൻഡേജ് എടുത്ത് കൈമുട്ടിൽ ചുറ്റിക്കെട്ടുക. ഇത് നിങ്ങളുടെ സന്ധിക്ക് പിന്തുണ നൽകുകയും, നീർക്കെട്ട് കുറയ്ക്കുകയും ചെയ്യുന്നു. എന്നാൽ, കൂടുതൽ നാൾ ഈ ബാൻഡേജ് കെട്ടി നടന്നാൽ, അത് രക്തം ആ ഭാഗത്ത് കട്ട പിടിയ്ക്കുവാനുള്ള സാധ്യതയേറ്റുന്നു. അതിനാൽ കൂടുതൽ നാൾ ഇത് കെട്ടിവയ്ക്കാതിരിക്കുക.
4. വിശ്രമം
ടെന്നീസ് എൽബോ ഭേദമാക്കുവാൻ ചെയ്യേണ്ട മറ്റൊരു പ്രധാന കാര്യം, നന്നായി വിശ്രമിക്കുക എന്നതാണ്. ചിത്രരചന, ടെന്നീസ്, ഗോൾഫ് എന്നിവ കളിക്കുക, ബോൾ എറിഞ്ഞ് കളിക്കുക, എന്നിങ്ങനെ കൈയുടെ നിരന്തരമായ നീക്കം ആവശ്യമായ ഒരു കാര്യവും ചെയ്യാൻ പാടില്ല. അതിനാൽ, ടെന്നീസ് എൽബോ ഉള്ളവർ കഴിവതും ഇതിൽ നിന്നൊക്കെ മാറി നിന്ന് വിശ്രമിക്കുക. വീട്ടമ്മമാരാണെങ്കിൽ ജോലികളിൽ നിന്ന് വിട്ട് നിൽക്കുക. കൈകൾക്ക് ആയാസം വരുത്തുന്ന ഒരു കാര്യവും ചെയ്യാതിരിക്കുക.
Also read: ഉണർന്ന ഉടനെ ഫോൺ നോക്കാറുണ്ടോ? എങ്കിൽ സൂക്ഷിക്കണം
5. അക്യൂപങ്ചർ
ഇത് വേദന അകറ്റുവാനുള്ള സമഗ്രമായ ഒരു ചികിത്സാ രീതിയാണ്. ഇതിനായി, ശരീരത്തിലെ ചില പ്രത്യേക ഭാഗങ്ങളിൽ വളരെ വണ്ണം കുറഞ്ഞ, വേദന ഒട്ടും എടുക്കാത്ത തരം സൂചികൾ കുത്തേണ്ടതാണ്. അക്യൂപങ്ചർ ചികിത്സ ചെയ്യുന്ന മിക്കവരും ഏതെങ്കിലും തരത്തിലുള്ള വേദനകൾ, പേശി വലിവ്, സന്ധിവേദന, മുട്ടിന്റെ തേയ്മാനം, ശക്തിയേറിയ തലവേദന എന്നിവ മൂലം കഷ്ടപ്പെടുന്നവർ ആയിരിക്കും.
6. മസ്സാജ്
ടെന്നീസ് എൽബോയുടെ വേദന കുറയ്ക്കുവാൻ ഐസ് വയ്ക്കുന്നതിന് പുറമെ, ഔഷധഗുണമുള്ള ചില സുഗന്ധതൈലങ്ങളുടെയും സഹായം തേടാവുന്നതാണ്. ഈ തൈലങ്ങൾ നിങ്ങളുടെ രക്തയോട്ടം വർദ്ധിപ്പിക്കുവാൻ സഹായിക്കുന്നു. ഇത്തരം ഓഷധ ഗുണമുള്ള സുഗന്ധതൈലങ്ങൾ ഉപയോഗിക്കേണ്ട രീതിയുണ്ട്. ഇവ കുറച്ച് തുള്ളികൾ എടുത്ത് അതിലേക്ക് ഒരു തുള്ളി വെളിച്ചെണ്ണയും കൂടി ചേർത്ത് വേണം വേദനയുള്ള സ്ഥലങ്ങളിൽ പുരട്ടുവാൻ. ഇത് ദിവസം നാല് തവണയെങ്കിലും ചെയ്യുക. പലതരം സുഗന്ധതൈലങ്ങളുണ്ട്. യൂക്കാലിപ്റ്റസ് എണ്ണ, കർപ്പൂരത്തുളസി എണ്ണ, ലാവണ്ടർ ഓയിൽ, ടീ ട്രീ ഓയിൽ, റോസ് ഓയിൽ എന്നിവ അവയിൽ ചിലതാണ്.
ടെന്നിസ് എൽബോ ഉള്ളവർ ശ്രദ്ധിക്കേണ്ട മറ്റൊരു പ്രധാന കാര്യമാണ് ആരോഗ്യപ്രദമായ ആഹാരക്രമം പിന്തുടരുക എന്നത്. കൈകളുടെ വീക്കം കുറയ്ക്കുവാൻ സംസ്കരിച്ച ഭക്ഷണസാധങ്ങളിൽ പെട്ട പഞ്ചസാര, ഉയർന്ന അളവിൽ സോഡിയം കലർന്ന ഭക്ഷണം (ശരീരത്തിൽ വെള്ളം കെട്ടികിടക്കുവാൻ ഇടയാക്കുന്ന ഭക്ഷണം), കൊഴുപ്പ് അടങ്ങിയ ഭക്ഷണം, മദ്യം, സംസ്കരിച്ച ധാന്യങ്ങൾ എന്നിവ നിർബന്ധമായും ഒഴിവാക്കേണ്ടതാണ്. കോശജ്വലന വിരുദ്ധ ഭക്ഷണങ്ങളായ പച്ചക്കറികൾ, പ്രധാനമായും ഇലക്കറികൾ, കുരുവില്ലാത്ത പഴങ്ങൾ (ബെറി), സിട്രസ് അടങ്ങിയ പഴങ്ങൾ, തണ്ണിമത്തന്റെ വർഗ്ഗത്തിൽ പെട്ട പഴങ്ങൾ, ഓറഞ്ച്, ഉയർന്ന അളവിൽ പൊട്ടാസ്യവും മഗ്നീഷ്യവും അടങ്ങിയ ഭക്ഷണങ്ങൾ - ഉദാഹരണത്തിന്, അവക്കാഡോ, തേങ്ങയുടെ വെള്ളം, മധുരക്കിഴങ്ങ്, ഏത്തപ്പഴം, ശരീരത്തിലെ ടിഷ്യുവിന്റെ ആരോഗ്യം മെച്ചപ്പെടുത്തുന്നു കൊളാജൻ അടങ്ങിയ എല്ലിൻ സൂപ്പ് (ബോൺ ബ്രോത്ത്) എന്നിവ കൂടുതൽ കഴിക്കുക. ഇതിന്റെ സഹായത്താൽ ശരീരത്തിലെ കേടുവന്ന കോശങ്ങളെ പുനരുജ്ജീവിപ്പിക്കുവാൻ സാധിക്കുന്നതാണ്.