Also Read: Measles: അഞ്ചാംപനി പടരുന്നുണ്ട്; കുഞ്ഞുങ്ങളിലെ ഈ ലക്ഷണങ്ങൾ ശ്രദ്ധിക്കണം
എല്ലിന്റെ ബലം കൂട്ടും
ശൈത്യകാലത്ത് സൂര്യപ്രകാശം കുറയുന്നത് ശരീരത്തില്‍ വൈറ്റമിന്‍ ഡിയുടെ കുറവിന് കാരണമാകും. ഈ സാഹചര്യത്തില്‍, അസ്ഥി സംബന്ധമായ പ്രശ്‌നങ്ങള്‍ ഉണ്ടാകാനുള്ള സാധ്യത കൂടുതലാണ്. എല്ലുകളുടെ ബലം നിലനിര്‍ത്താന്‍ ഈന്തപ്പഴം കഴിക്കുന്നത് വളരെ നല്ലതാണ്. ഈന്തപ്പഴം ശരീരത്തിന് ആവശ്യമായ കാല്‍സ്യം നല്‍കുന്നു.
ഈന്തപ്പഴത്തില്‍ പൊട്ടാസ്യം, ഫോസ്ഫറസ്, കോപ്പര്‍, മഗ്‌നീഷ്യം എന്നിവ ധാരാളം അടങ്ങിയിട്ടുണ്ട്, ഇത് അസ്ഥി സംബന്ധമായ അസുഖങ്ങളായ ഓസ്റ്റിയോപൊറോസിസ്, ആര്‍ത്രൈറ്റിസ് എന്നിവയെ അകറ്റി നിര്‍ത്താന്‍ സഹായിക്കുന്നു.
ശരീരത്തിന് ചൂട് നല്‍കുന്നു
ശരീരത്തിന് കുളിര്‍മ്മയേകാന്‍ ഈന്തപ്പഴം കഴിയ്ക്കാം. ഇത് നിങ്ങളുടെ ശരീരത്തിന് ചൂട് നല്‍കുന്നു. മഞ്ഞുകാലത്ത് ശരീരത്തിന് ചൂട് നിലനിര്‍ത്താന്‍ ഈന്തപ്പഴം ഭക്ഷണത്തില്‍ ഉള്‍പ്പെടുത്തേണ്ടത് വളരെ പ്രധാനമാണ്.
ഹൃദയാഘാത സാധ്യത കുറയ്ക്കുന്നു
ശൈത്യകാലത്ത് ശരീരത്തെ താപനില കുറയുന്നതിനാല്‍, ഹൃദയാഘാത സാധ്യത വര്‍ദ്ധിക്കും. ഈ സാഹചര്യത്തില്‍ ഉണങ്ങിയ ഈന്തപ്പഴം കഴിക്കുന്നത് ശരീരത്തിന് ഗുണം ചെയ്യും. ഈന്തപ്പഴം കഴിക്കുന്നത് ശരീരത്തിലെ ചീത്ത കൊളസ്ട്രോളിന്റെ അളവ് കുറച്ച് ഹൃദയാഘാതം, ഉയര്‍ന്ന രക്തസമ്മര്‍ദ്ദം എന്നിവയ്ക്കുള്ള സാധ്യത കുറയ്ക്കുന്നു.
ഇരുമ്പ് അടങ്ങിയിട്ടുണ്ട്
ഈന്തപ്പഴത്തില്‍ വളരെയധികം ഇരുമ്പ് അടങ്ങിയിട്ടുണ്ട്. ഉണങ്ങിയ ഈന്തപ്പഴം കഴിക്കുന്നത് ശരീരത്തിന് ഇരുമ്പിന്റെ സമൃദ്ധമായ ഉറവിടം നല്‍കുന്നു. ഇതിന്റെ ഉപയോഗം ശരീരത്തിലെ ഹീമോഗ്ലോബിന്റെ അളവ് വര്‍ദ്ധിപ്പിക്കാന്‍ സഹായിക്കുന്നു.
ശരീരത്തിലെ ഇരുമ്പിന്റെ അഭാവം ഊര്‍ജ്ജക്കുറവ്, ഹോര്‍മോണ്‍ പ്രശ്‌നങ്ങള്‍, ദുര്‍ബലമായ പ്രതിരോധശേഷി, മുടി കൊഴിച്ചില്‍ തുടങ്ങിയ പ്രശ്‌നങ്ങള്‍ക്ക് കാരണമാകും. ഇത്തരം അവസ്ഥകള്‍ ഒഴിവാക്കാന്‍ ഈന്തപ്പഴം ഭക്ഷണത്തില്‍ ഉള്‍പ്പെടുത്താം.
ശരീരത്തിന് ഊര്‍ജം നല്‍കുന്നു
ശരീരത്തിന് ആവശ്യമായ ഊര്‍ജം നല്‍കാന്‍ ഈന്തപ്പഴം സഹായിക്കുന്നു. മാത്രമല്ല, ഇത് നിങ്ങളുടെ ശരീരത്തിന്റെ അലസത കുറയ്ക്കുന്നു. വാസ്തവത്തില്‍, ഈന്തപ്പഴം കാര്‍ബോഹൈഡ്രേറ്റിന്റെ നല്ല ഉറവിടമായി കണക്കാക്കപ്പെടുന്നു, ഇത് നിങ്ങളുടെ ശരീരത്തിന് ധാരാളം ഊര്‍ജ്ജം നല്‍കുന്നു.