ഈ ലക്ഷണങ്ങൾ ഹൃദയാഘാതം ഉണ്ടാകാനുള്ള സാധ്യത കൂട്ടും

ഹൃദയ സംബന്ധമായ അസുഖങ്ങൾ ഉള്ളവർ തീർച്ചയായും മുൻകരുതൽ എടുക്കേണ്ടത് വളരെ പ്രധാനമാണ്. ഉയർന്ന രക്തസമ്മർദ്ദം, കൊളസ്ട്രോൾ, എന്നിവയൊക്കെ കാരണം രക്തകുഴലുകളിൽ തടസങ്ങൾ ഉണ്ടാകാനുള്ള സാധ്യത വളരെ കൂടുതലാണ്. ഇത്തരം രോഗങ്ങളുള്ളവർ തീർച്ചയായും കൃത്യമായ ഇടവേളകളിൽ ഇതൊക്കെ പരിശോധിച്ച് എല്ലാം നിയന്ത്രണവിധേയമാക്കാണ്ടേത് വളരെ പ്രധാനമാണ്.

വ്യായാമം ചെയ്യുമ്പോൾ ശാരീരിക അസ്വസ്ഥതകൾ ഉണ്ടാകുന്നത് സ്വാഭാവികമാണ്. എന്നാൽ ഒരു കാരണവുമില്ലൊതെ പെട്ടെന്ന് ശരീരത്തിന് എന്തെങ്കിലും തരത്തിലുള്ള ബുദ്ധിമുട്ടുകൾ ഉണ്ടായാൽ അത് ശ്രദ്ധിക്കേണ്ടത് വളരെ പ്രധാനമാണ്. ഒരു വ്യക്തി പെട്ടെന്ന് പരിഭ്രാന്തരാകുമ്പോൾ രക്തസമ്മർദ്ദം ഉയരാനും ഹൃദയമിടിപ്പ് കൂടാനുമുള്ള സാധ്യത വളരെ കൂടുതലാണ്. പെട്ടെന്ന് ഉണ്ടാകുന്ന ഇത്തരം പ്രശ്നങ്ങൾ ഹൃദയാഘാതത്തിന് കാരണമാകാറുണ്ട്. ഇത്തരം ബുദ്ധിമുട്ടുകൾ നേരിടുമ്പോൾ ആദ്യം വായു സഞ്ചാരമുള്ള സ്ഥലങ്ങൾ കിക്കുകയും എത്രയും പെട്ടെന്ന് ആശുപത്രിയിൽ എത്താൻ ശ്രമിക്കുകയും ചെയ്യേണ്ടതാണ്.

ഹൃദയാഘാതത്തിന്റെ ഏറ്റവും പ്രധാനപ്പെട്ട ലക്ഷണം നെഞ്ചിന്റെ ഇടതുഭാഗത്ത് വേദനയാണ്. നെഞ്ചിലെ പേശികളിലുണ്ടാകുന്ന അമിത സമ്മർദ്ദം മൂലമുണ്ടാകുന്ന വേദന കൈകളിലേക്കും തോളുകളിലേക്കും കഴുത്തിലേക്കും വ്യാപിക്കാൻ തുടങ്ങും. നെഞ്ചിലെ സമ്മർദ്ദവും വൈബ്രേഷനുമൊത്തുള്ള അത്തരം നെഞ്ചുവേദന ഹൃദയാഘാതത്തിന്റെ ഏറ്റവും പ്രധാനപ്പെട്ട ലക്ഷണമാണ്. അതിനാൽ ഉടൻ ആശുപത്രിയിൽ പോകുന്നത് മരണം തടയാൻ സഹായിക്കും.

പെട്ടെന്നുള്ള ഹൃദയാഘാതത്തിന്റെ മറ്റൊരു പ്രധാന ലക്ഷണം നെഞ്ചുവേദനയാണ്. സാധാരണയായി, നെഞ്ചിൽ എരിച്ചിൽ പോലെ എന്തെങ്കിലും അനുഭവപ്പെട്ടാൽ ദഹനക്കേടോ അസിഡിറ്റിയോ ആണെന്ന് സ്വയം തീരുമാനിക്കുന്നവരുണ്ട്. മാത്രമല്ല എന്തെങ്കിലും പൊടിക്കൈകൾ പ്രയോഗിച്ച് വീട്ടിലിരുന്ന് അത് കുറയ്ക്കാനാണ് ശ്രമിക്കാറ്. അത് അപകടകരമാണ്. പെട്ടെന്നുള്ള ഹൃദയാഘാതവും നെഞ്ചെരിച്ചിൽ അസിഡിറ്റി പോലുള്ള ലക്ഷണങ്ങൾ ഉണ്ടാക്കുന്നു. അതിനാൽ നെഞ്ചെരിച്ചിൽ ഉണ്ടായാൽ ഉടൻ ഒരു ഡോക്ടറെ സമീപിക്കുക എന്നതാണ് ഏറ്റവും നല്ല നടപടി.