Excessive Yawning: നിരന്തരം കോട്ടുവ ഉണ്ടാകാറുണ്ടോ, കാരണം ഈ ആരോഗ്യപ്രശ്നങ്ങളാവാം

ഓഫീസിൽ ഇരിക്കുമ്പോൾ അല്ലെങ്കിൽ എവിടെയെങ്കിലും ഒരു പരിപാടിയിൽ ഇരിക്കുമ്പോൾ നിരന്തരമായി കോട്ടുവ ഇടുന്നവരാണോ നിങ്ങൾ? കോട്ടുവാ അല്ലെ അതിൽ എന്താണ് പ്രശ്നം എന്നായിരിക്കും പലരും ചിന്തിക്കുന്നത്. പക്ഷെ അതൊരു നിസാര പ്രശ്നമല്ല എന്നതാണ് സത്യം. ഉറക്ക ക്ഷീണം, അലസത, അല്ലെങ്കിൽ മടി ഇതൊക്കെയാണ് ഈ കോട്ടുവായുടെ പിന്നിലെ കാരണമെന്നാണ് പലരും ചിന്തിക്കുന്നത്.
ഒരു സാധാരണ മനുഷ്യൻ ദിവസവും 5 മുതൽ 10 കോട്ടുവായാണ് ഇടുന്നത്. സ്ലീപ് ഫൗണ്ടേഷൻ്റെ പഠന പ്രകാരം ചിലർ അമിതമായി കോട്ടുവ ഇടാറുണ്ട്. പഠനത്തിൽ ചിലർ 100 കോട്ടുവാ വരെ ഇടെന്നാണ് ഫൗണ്ടേഷൻ കണ്ടെത്തിയത്. ഉറക്കം കുറവാണെങ്കിൽ അമിതമായി കോട്ടുവാ ഉണ്ടാകുന്നത് സാധാരണമാണ് എന്നാൽ അത് അല്ലാതെ വരുന്നത് ചില കാരണങ്ങൾ കൊണ്ടാകാം.