Also Read: പതിമുഖം ചേർത്ത വെള്ളം കുടിച്ചോളൂ പല ആരോഗ്യ ഗുണങ്ങളും കൂടെ പോരും
ചെങ്കണ്ണ് ഉണ്ടാകാനുള്ള കാരണങ്ങള്‍
വൈറസോ അല്ലെങ്കില്‍ ബാക്ടീരിയോ മൂലമാണ് ചെങ്കണ്ണെന്ന രോഗമുണ്ടാകുന്നത്. കണ്ണിലൊഴിക്കുന്ന ചില മരുന്നുകളുടെ റിയാക്ഷനും ഇതിന് കാരണമായേക്കാം. അലര്‍ജിയും ചെങ്കണ്ണ് വരാന്‍ കാരണമായേക്കാം. ഇതൊന്നുമല്ലെങ്കില്‍ ഷാംപൂ, പൊടി, പുക എന്നിവ കാരണവും ചിലര്‍ക്ക് കണ്ണില്‍ ഇത് വരാറുണ്ട്.
എന്തൊക്കെയാണ് ലക്ഷണങ്ങള്‍
- കണ്ണിന് ചുവപ്പ് അല്ലെങ്കില്‍ പിങ്ക് നിറമായി മാറും
- അമിതമായി കണ്ണില്‍ നിന്ന് വെള്ളം വരിക
- എപ്പോഴും കണ്ണിന് തിരുമാന്‍ തോന്നുക അല്ലെങ്കില്‍ കണ്ണില്‍ കരട് ഉള്ളത് പോലെ തോന്നുക
- കണ്ണിന് ചൊറിച്ചില്‍, ബുദ്ധിമുട്ട്, എരിച്ചില്‍ എന്നിവയുണ്ടാകും
- കണ്‍പോളകള്‍ക്ക് വീക്കമുണ്ടാകുക
- കണ്ണില്‍ എപ്പോഴും അഴുക്ക് കെട്ടി നില്‍ക്കുക
ശ്രദ്ധിക്കേണ്ട ചില കാര്യങ്ങള്‍
രോഗമുള്ള ആളെ നോക്കിയത് കൊണ്ടോ അവരോട് സംസാരിച്ചത് കൊണ്ടോ രോഗം പടരില്ല. രോഗമുള്ള ആള്‍ അവരുടെ കണ്ണില്‍ തൊട്ട ശേഷം മറ്റൊരാളെ സ്പര്‍ശിച്ചാല്‍ രോഗം പകരാനുള്ള സാധ്യത വളരെ കൂടുതലാണ്. രോഗമുള്ള ആള്‍ കൈ വ്യത്തിയായി കഴുകി സൂക്ഷിക്കണം. അതായത് ദിവസത്തില്‍ എട്ട് പ്രാവശ്യമെങ്കിലും കൈ കഴുകാന്‍ ശ്രമിക്കണം. ധാരാളം വെള്ളം കുടിക്കാനും പച്ചക്കറികള്‍ കഴിക്കാനും ശ്രദ്ധിക്കണം.
എപ്പോഴാണ് വൈദ്യ സഹായം തേടേണ്ടത്?
ലക്ഷണങ്ങള്‍ ശ്രദ്ധയില്‍പ്പെട്ടാല്‍ ഡോക്ടറെ കാണാവുന്നതാണ്. 5 മുതല്‍ 7 ദിവസം വരെ രോഗം നീണ്ടു നില്‍ക്കാം. ചില സന്ദര്‍ഭങ്ങളില്‍ 21 ദിവസം വരെ രോഗം തുടര്‍ന്നേക്കാം. കൃത്യമായ ചികിത്സ തേടി വിശ്രമം എടുത്താല്‍ രോഗം വേഗത്തില്‍ ഭേദമാകും. കാഴ്ച മങ്ങുന്നതായി തോന്നിയാലും ഡോക്ടറെ കാണിക്കാന്‍ മറക്കരുത്. അസഹനീയമായ വേദന, വെളിച്ച കാണുമ്പോള്‍ ബുദ്ധിമുട്ടും അസ്വസ്ഥതയുമൊക്കെ ഉണ്ടെങ്കിലും ഡോക്ടറെ കാണേണ്ടത് വളരെ അത്യാവശ്യമാണ്. അനാവശ്യ ടെന്‍ഷനില്ലാതെ രോഗത്തെ നേരിടാന്‍ ശ്രദ്ധിക്കണം.