ഈ പ്രശ്നങ്ങളുണ്ടെങ്കിൽ ഗൈനക്കോളജിസ്റ്റിനെ കാണാൻ വൈകരുതേ....

ആർത്തവ സമയത്ത് നിങ്ങളുടെ രക്തം നഷ്ടപ്പെടുന്നതിൽ മാറ്റങ്ങൾ ഉണ്ടാകാനിടയുണ്ട്. നിങ്ങളുടെ ആർത്തവചക്രം വെറും മൂന്ന് ദിവസം മാത്രം നീണ്ടുനിൽക്കുന്ന സമയങ്ങളുണ്ടാകാം, മറ്റ് സമയങ്ങളിൽ ഇത് ആറോ ഏഴോ ദിവസങ്ങൾ വരേ നീണ്ടുപോയേക്കാം. രക്തം നഷ്ടപ്പെടുന്നത് വളരെ കുറഞ്ഞ അളവിലോ അല്ലെങ്കിൽ കൂടുതലായോ മാറുമ്പോൾ, അത് സ്ഥിരമായോ ക്രമരഹിതമായോ മാറുമ്പോഴും നിങ്ങൾക്ക് ബലഹീനത അനുഭവപ്പെടുമ്പോഴുമെല്ലാം നിങ്ങൾ ഗൈനക്കോളജിസ്റ്റിനെ കാണാനുള്ള തീരുമാനമെടുക്കണം. സമ്മർദ്ദം മുതൽ തൈറോയ്ഡ് പ്രശ്നങ്ങൾ വരെ നിങ്ങളുടെ ഈ കാലയളവിൽ നിങ്ങൾക്ക് അനുഭവപ്പെടും. ആർത്തവവിരാമത്തെ നേരിടുന്ന സാഹചര്യങ്ങളിലും ഒരു ഡോക്ടറെ ആശ്രയിക്കേണ്ടതുണ്ട്. എന്താണ് പ്രതീക്ഷിക്കേണ്ടതെന്ന് മനസിലാക്കാനും ആവശ്യമെങ്കിൽ ചെറിയ രീതിയിൽ ചികിത്സകൾ നൽകാനുമായി ഒരു തവണയെങ്കിലും ഡോക്ടറെ കാണുക.

ലൈംഗികത ഓരോരുത്തരുടെയും ജീവിതത്തിൽ മാനസികമായും ശാരീരികമായും ആനന്ദകരമായ അനുഭവമായിരിക്കണം. എന്നാൽ ഈ അവസ്ഥയിലൂടെകടന്നു പോകുമ്പോൾ ഏതെങ്കിലും തരത്തിൽ ശാരീരികാസ്വാസ്ഥ്യങ്ങൾ അനുഭവപ്പെടുകയാണെങ്കിൽ നിങ്ങളുടെ ഡോക്ടറുമായി പ്രശ്നം ചർച്ച ചെയ്യേണ്ടതുണ്ട്. ഫൈബ്രോയിഡുകൾ പോലുള്ളവ വേദനാജനകമായ ലൈംഗികതയ്ക്ക് കാരണമാകുന്നു. ഗൈനക്കോളജിസ്റ്റിനെ കണ്ട് ഒരു സ്ക്രീനിംഗ് ടെസ്റ്റ് നടത്തുന്നതിലൂടെ പ്രശ്നം എന്താണെന്ന് എളുപ്പത്തിൽ കണ്ടെത്താനാകും. എത്രയും വേഗം നിങ്ങൾ ഇതിന് കൃത്യമായ പരിഹാരം തേടുന്നുവോ അത്രയും വേഗത്തിൽ നിങ്ങൾക്ക് നിങ്ങളുടെ ലൈംഗിക ജീവിതം ആസ്വദിച്ചു മുന്നോട്ടു കൊണ്ടുപോകാൻ സാധിക്കും.

നിങ്ങളുടെ പെൽവിക് പ്രദേശത്ത് നിങ്ങൾക്ക് കടുത്ത വേദന അനുഭവപ്പെടുകയാണെങ്കിൽ, എൻഡോമെട്രിയോസിസ് പ്രശ്നങ്ങൾ ഉണ്ടോ എന്ന് തിരിച്ചറിയാനായി ഡോക്ടറുമായി ഒരു കൂടിക്കാഴ്‌ച നടത്തുക. ഗർഭാശയത്തിനുള്ളിൽ പ്രത്യേകതരം കോശങ്ങൾ വളർച്ച പ്രാപിക്കുന്ന അവസ്ഥയാണിത്. ഇത് ഒരുപക്ഷേ ഒരു അണ്ഡാശയ ഫൈബ്രോയിഡിന്റെ അടയാളമായിരിക്കാം. ഇത് ഗുരുതരമായി മാറുന്നതിന് മുൻപ് നിങ്ങളുടെ ഡോക്ടറെ കാണേണ്ടതുണ്ട്.

സ്തനങ്ങളിൽ കാണപ്പെടുന്ന മുഴ ഏതൊരു സ്ത്രീയെയും ഉത്കണ്ഠാ ആക്രമണത്തിന്റെ വക്കിലെത്തിക്കും. നിങ്ങൾ പരിഭ്രാന്തരാകാൻ തുടങ്ങുന്നതിനു മുൻപായി, ശാന്തമായി ഒരു ഗൈനക്കോളജിസ്റ്റുമായി കൂടിക്കാഴ്‌ച നടത്തുക. എല്ലാ മുഴകളും ക്യാൻസറല്ല എന്ന് ആദ്യം മനസ്സിലാക്കുക. ചിലത് ഹോർമോൺ ക്രമക്കേടുകൾ മൂലം ഉണ്ടാകുന്നവയാണ്. നിങ്ങളുടെ ഡോക്ടർ ഇതിൽ തീരുമാനം പറയുന്നതുവരെ വിഷമിക്കേണ്ട കാര്യമില്ല.

ചില സ്ത്രീകൾക്ക് പി‌സി‌ഒഡി (പോളിസിസ്റ്റിക് ഓവേറിയൻ ഡിസീസ്) അല്ലെങ്കിൽ പി‌സി‌ഒ‌എസ് (പോളിസിസ്റ്റിക് ഓവറിയൻ സിൻഡ്രോം) മൂലമുണ്ടാകുന്ന ഹോർമോൺ പ്രശ്നങ്ങൾ ഉണ്ടാകാറുണ്ട്. അണ്ഡാശയത്തിൽ പുരുഷ ഹോർമോണായ ആൻഡ്രോജൻ വലിയ അളവിൽ ഉത്പാദിപ്പിക്കാൻ തുടങ്ങുമ്പോഴാണ് ഇത് സംഭവിക്കുന്നത്. കാലക്രമേണ, ഇത്തരം ഹോർമോൺ അസന്തുലിതാവസ്ഥ വന്ധ്യതയ്ക്കും മറ്റ് രോഗങ്ങൾക്കും കാരണമായേക്കാം. അതിനാൽ ഇത്തരം പ്രശ്നങ്ങൾ ഉള്ളവർ ഗൈനക്കോളജിസ്റ്റുമായി കൂടിക്കാഴ്ച നടത്തേണ്ടതാണ്. നിങ്ങളുടെ ഡോക്ടർക്ക് പി‌സി‌ഒ‌ഡി / പി‌സി‌ഒ‌എസ് പരിശോധനകൾ നടത്താനും ആരോഗ്യസ്ഥിതി വീണ്ടെടുക്കുന്നതിന് മരുന്നുകൾ നൽകാനും കഴിയും.

Also read: വെള്ളപ്പാണ്ട് വരാതിരിയ്ക്കാന്‍ ശ്രദ്ധിയ്ക്കുക..

പല സ്ത്രീകളെയും അലട്ടുന്ന പ്രശ്നമാണ് വെള്ളപോക്ക്. എന്നാൽ പച്ച, മഞ്ഞ, ചാര നിറത്തിലുള്ള ഇതിൽ നിന്നും ദുർഗന്ധം ഉണ്ടാവുകയാണെങ്കിൽ, നിങ്ങളുടെ ഗൈനക്കോളജിസ്റ്റിനെ കാണേണ്ട സമയം അതിക്രമിച്ചിരിക്കുന്നു എന്ന് തിരിച്ചറിയുക. ഇത് ഒരുപക്ഷേ യീസ്റ്റ് ഇൻഫെക്ഷന്റെ ലക്ഷണമാകാം. ഇത് സാധാരണ ഗതിയിൽ വേഗത്തിൽ ചികിത്സിച്ച് ഭേദമാക്കാം. എന്നാൽ ഗർഭാവസ്ഥയിൽ ആയിരിക്കുമ്പോൾ യോനിയിൽ ഉണ്ടാവുന്ന വെള്ളപ്പോക്ക് പ്രത്യേകം ശ്രദ്ധിക്കേണ്ട കാര്യമാണ്. കാരണം അണുബാധ ഉണ്ടാകുന്നത് മുതൽ അമ്നിയോട്ടിക് ദ്രാവകം ചോർന്നു പോകുന്നതുവരെ സൂചിപ്പിക്കുന്നു ഇത്.