പഴങ്കഞ്ഞി കേരളത്തിന്റെ സ്വന്തം സൂപ്പർ ഫുഡ്; ഈ ഗുണങ്ങൾ അറിയാമോ?

ചോറു തടി കൂട്ടുമെന്ന ഭയമുണ്ടെങ്കില്‍ പഴങ്കഞ്ഞി ശരീരത്തിലെ കൊഴുപ്പിനെ എളുപ്പം കണികകളായി മാറ്റുന്നു. ഇതിലെ മാംഗനീസാണ് ഈ ഗുണം നല്‍കുന്നത്. ഇതിനാല്‍ തടി എന്ന പ്രശ്‌നത്തെ കുറിച്ചും ഭയപ്പെടാനില്ല.വേനല്‍ക്കാലത്ത് ശരീരവും ഒപ്പം വയറും തണുക്കാന്‍ പറ്റിയ നല്ലൊരു ഭക്ഷണ വസ്തുവാണ് പഴങ്കഞ്ഞി. വയറിനുണ്ടാകുന്ന അസിഡിറ്റി, ഗ്യാസ് പ്രശ്‌നങ്ങള്‍ക്കു നല്ലൊരു പരിഹാരമാണിത്. വയറു തണുപ്പിയ്ക്കുന്നു. ചോറ് വെള്ളത്തിലിട്ടു വയ്ക്കുമ്പോള്‍ സെലേനിയം, അയേണ്‍, പൊട്ടാസ്യം തുടങ്ങിയ പോഷകങ്ങള്‍ ലഭ്യമാകുന്നു. സെലേനിയം ക്യാന്‍സര്‍, ഹൃദയ സംബന്ധമായ അസുഖങ്ങള്‍ എന്നിവയ്ക്കുള്ള നല്ലൊരു പ്രതിവിധിയാണ്. അയേണ്‍ സമ്പുഷ്ടമായതു കൊണ്ടു തന്നെ വിളര്‍ച്ച ഒഴിവാക്കാന്‍ ഏറെ നല്ലതാണ്. ബ്രെസറ്റ് ക്യാന്‍സര്‍ ചെറുക്കാന്‍ ഇതേറെ ഗുണപ്രദമെന്നു തെളിഞ്ഞിട്ടുണ്ട്.

പലപ്പോഴും പലരുടെയും ചർമ്മത്തിന് പലതരത്തിലുള്ള അലർജ്ജി ഉണ്ടാകാറുണ്ട്. ഇത്തരം രോഗങ്ങൾക്ക് പരിഹാരം കാണാൻ നിങ്ങൾക്ക് കഞ്ഞി തുടങ്ങാവുന്നതാണ്. കഞ്ഞി കുടിക്കുന്നതിലൂടെ നിങ്ങളുടെ അലർജ്ജിയെ വളരെ പെട്ടെന്ന് തന്നെ ഇല്ലാതാക്കാൻ സാധിക്കും. ഇതിനൊപ്പം തന്നെ ചർമ്മത്തിനുണ്ടാകുന്ന പലതരത്തിലുള്ള പ്രശ്നങ്ങൾക്കും കഞ്ഞി പ്രതിവിധി കാണുന്നു എന്നും അറിഞ്ഞിരിക്കുക. കഞ്ഞി കുടിക്കുന്നതിലൂടെ ആരോഗ്യകരമായ ബാക്ടീരിയ ശരീരത്തില്‍ ഉല്‍പാദിപ്പിക്കപ്പെടും. ഈ ആരോഗ്യപരമായ ബാക്ടീരിയകൾ ശരീരത്തിന്റെ ക്ഷീണമകറ്റാൻ സഹായിക്കും. പലപ്പോഴും പണ്ടുള്ളവരൊക്കെ പാടത്തെ ജോലി കഴിഞ്ഞ് കഞ്ഞി കുടിച്ച് കഴിഞ്ഞാൽ നല്ല ആരോഗ്യമുള്ളവരായി മാറുന്നത് കണ്ടിട്ടില്ലെ? ഇത് കഞ്ഞി നൽകുന്ന ഊർജ്ജം തന്നെയാണ്. ആരോഗ്യ ഗുണം മാത്രമല്ല പഴങ്കഞ്ഞിയുടെ ഗുണം. ഇത് സൌന്ദര്യ സംരക്ഷണത്തിനും ഏറെ സഹായിക്കുന്നുണ്ട്. പഴങ്കഞ്ഞി ദിവസവും കുടിക്കുന്നത് ചർമ്മത്തിന് തിളക്കമുണ്ടാകാനും ചെറുപ്പം തോന്നിക്കാനും സഹായിക്കും.ഇതില്‍ ധാരാളം ആന്റി ഓക്‌സിഡന്റുകള്‍ അടങ്ങിയിട്ടുണ്ട്. ചര്‍മത്തിലുണ്ടാകുന്ന പല രോഗങ്ങള്‍ക്കും പരിഹാരമാണ്. വേനലില്‍ ചര്‍മത്തിലുണ്ടാകുന്ന ചൂടുകുരു, അലര്‍ജി എന്നിവയ്ക്ക് ഏറെ നല്ലൊരു പ്രതിവിധി കൂടിയാണിത്. ചര്‍മത്തിന് തിളക്കവും ചെറുപ്പവും നല്‍കാന്‍ ഇതിലെ ആന്റി ഓക്‌സിഡന്റ് ഗുണങ്ങള്‍ സഹായിക്കുന്നു.

ഒരു ദിവസം ആരംഭിയ്ക്കുന്നത് പഴങ്കഞ്ഞി കുടിച്ചു കൊണ്ടാണെങ്കില്‍ അന്നത്തെ ദിവസം മുഴുവന്‍ ഭക്ഷണം കഴിച്ചില്ലെങ്കിലും യാതൊരു വിധത്തിലുള്ള പ്രശ്‌നങ്ങളും ഉണ്ടാവില്ല എന്ന് വേണമെങ്കിൽ പറയാം. കാരണം അത്രയ്ക്കും ഊര്‍ജ്ജമാണ് പഴങ്കഞ്ഞി നമുക്ക് നല്‍കുന്നത്. ഇതിന് കാരണം എന്താണെന്ന് വെച്ചാൽ മറ്റു ഭക്ഷണ സാധനങ്ങളെ അപേക്ഷിച്ച് പഴങ്കഞ്ഞിയിൽ ബി6, ബി12 വൈറ്റമിനുകള്‍ ധാരാളം അടങ്ങിയിട്ടുണ്ട്. പഴങ്കഞ്ഞി പ്രാതലായി കഴിക്കുന്നത് എളുപ്പം ദഹനത്തിനും ഇതുവഴി വയറിന് കനം തോന്നാതിരിക്കാനും സഹായിക്കും.

Also read: കലോറി കുറഞ്ഞ ഈ ഭക്ഷണങ്ങൾ കഴിച്ച് അമിതവണ്ണം നേരിടാം

മാത്രമല്ല ചോറ് വെള്ളത്തിലിട്ടു ഏറെ നേരം വയ്ക്കുമ്പോള്‍ ലാക്ടിക് ആസിഡ് ബാക്ടീരിയ ചോറിലെ അയേണ്‍, പൊട്ടാസ്യം, അയേണ്‍ തുടങ്ങിയ വിവിധ ഘടകങ്ങളെ ഇരട്ടിയാക്കി വര്‍ദ്ധിപ്പിയ്ക്കും. ഇത് കൊണ്ട് തന്നെ മലബന്ധം പോലുള്ള പ്രശ്നങ്ങൾ പരിഹരിക്കാൻ പഴങ്കഞ്ഞി അത്യുത്തമമാണ്. ബ്ലഡ് പ്രഷര്‍, ഹൈപ്പര്‍ ടെന്‍ഷന്‍,എന്നീ ഭയാനകമായ അവസ്ഥകളിൽ നിന്നും സംരക്ഷണം ഉറപ്പ് നൽകുന്നതോടൊപ്പം ദഹനശേഷി വർദ്ധിപ്പിക്കാനും അൾസർ പോലുള്ള മാരകമായ രോഗങ്ങളിൽ നിന്നും ശരീരത്തെ സംരക്ഷിക്കാനും പഴങ്കഞ്ഞി നല്ലതാണ്.