ചില ആളുകളെ കണ്ടിട്ടില്ലേ, ഏതൊരു പ്രശ്നത്തെയും ചിരിയോടെ നേരിടുന്നവർ? ഒരുപക്ഷെ അവരാണ് നമുക്കിടയിൽ ഏറ്റവും ആരോഗ്യത്തോടെയും സന്തോഷത്തോടെയും ജീവിക്കുന്നവർ. മറ്റൊരു തരത്തിൽ പറഞ്ഞാൽ ചിരിയും ആരോഗ്യവും കൈകോർത്തുപോകുന്നു. കപടമല്ലാത്ത ചിരി ഏതൊരാളുടെയും മനസ്സിനെ ഉണർത്തുകയും നല്ല ആരോഗ്യത്തിന്റെ വക്കിലെത്തിക്കുകയും ചെയ്യും. ഇതിനെക്കുറിച്ചുള്ള ഏറ്റവും നല്ല കാര്യം എന്തെന്നാൽ, അതിന് നിങ്ങൾ വേറെ പണം മുടക്കേണ്ടതില്ല എന്നതാണ്. ദിവസേനയുള്ള ചിരിയുടെ ഒരു പുതിയ ഡോസ് നിങ്ങളെ ഏറ്റവും കഠിനമായ ദിവസങ്ങളേയും നേരിടുവാൻ പ്രാപ്തനാക്കുന്നതാണ്
നർമ്മം എന്നത് പകർച്ചവ്യാധി പോലെയാണ്. ചുമ, ജലദോഷം, കോട്ടുവായ എന്നിവയേക്കാൾ വേഗത്തിൽ നിങ്ങളെ അത് പിടിക്കുന്നു. ചിരി നിങ്ങളുടെ പ്രശ്നങ്ങളെ ലഘൂകരിക്കുകയും കുറച്ചു നിമിഷ നേരത്തേക്കെങ്കിലും ജീവിതത്തിലെ പ്രശ്നങ്ങൾ മറക്കാൻ സഹായിക്കുകയും ചെയ്യുന്നു. നമ്മുടെ ശാരീരികവും വൈകാരികവുമായ ആരോഗ്യം മെച്ചപ്പെടുത്തുന്നതിന് ഒരു ചെറു ചിരിക്ക് ഒരുപാട് സഹായം നൽകുവാൻ കഴിയും. കുറച്ച് ചിരി കൊണ്ട് നിങ്ങൾക്ക് സമ്മർദ്ദത്തെ എങ്ങനെ മറികടക്കാമെന്നതിനെ കുറിച്ച് അറിയാം. ഹ്യൂമർ തെറാപ്പി അഥവാ ചിരി ചികിത്സ നൽകുന്ന ഗുണങ്ങൾ ഇവിടെ ചേർക്കുന്നു:
ചിരി തെറാപ്പിയുടെ ഗുണങ്ങൾ
സമ്മർദ്ദം കുറയ്ക്കുന്നതിന് ഏറ്റവും അറിയപ്പെടുന്ന ഒരു കാര്യമാണ് ചിരി. ഒരു നല്ല ഹൃദ്യമായ ചിരി അന്നത്തെ പിരിമുറുക്കങ്ങളിൽ നിന്ന് നിങ്ങളുടെ മനസ്സിനെ അകറ്റുന്നു. ഇത് കൂടുതൽ ശ്രദ്ധയും ഊർജ്ജസ്വലതയും നിലനിർത്താൻ നിങ്ങളെ സഹായിക്കുകയും സന്തോഷം വർദ്ധിപ്പിക്കുകയും ചെയ്യുന്നതിലൂടെ മനസ്സിന് സ്വസ്ഥത കൈവരികയും ചെയ്യും. ഈ സാഹചര്യത്തിൽ ചിരിക്കാനുള്ള വഴികൾ കണ്ടെത്തുന്നതിലൂടെ നിങ്ങൾക്ക് തീർച്ചയായും പ്രയോജനം നേടാൻ സാധിക്കുന്നതാണ്.
Also read: രാവിലെ വെറും വയറ്റിൽ വെള്ളം കുടിക്കണം; പക്ഷെ പല്ല് തേക്കുന്നതിന് മുമ്പോ ശേഷമോ?
2. വേദന ഇല്ലാതാക്കുന്നു
ശാരീരികമോ വൈകാരികമോ ആയ വേദനയാണെങ്കിലും നർമ്മ മുഹൂർത്തങ്ങളും ചിരി സമ്മാനിക്കുന്ന അവസരങ്ങളുമൊക്കെ അവ അകറ്റുന്ന ഒരു സ്വാഭാവിക വേദന സംഹാരിയാണ്. വേദന കുറയ്ക്കുന്നതിനായി തലച്ചോർ പുറത്തുവിടുന്ന എൻഡോർഫിനുകൾ എന്ന രാസ ഹോർമോൺ പുറത്തിറക്കുന്നതിലൂടെ, ചിരി നിങ്ങളുടെ മനസ്സിനെ ശാരീരിക വേദനയിൽ നിന്ന് അകറ്റാൻ സഹായിക്കും. ഒപ്പം നിങ്ങളെ ഒരു താൽക്കാലിക സൗഖ്യത്തിലേക്ക് നയിക്കുകയും ചെയ്യും. വൈകാരിക വേദനയിൽ നിന്ന് കരകയറുമ്പോൾ, നർമ്മത്തിലൂടെയുള്ള രോഗശാന്തിയാണ് വേദനയും ദുരിതവും ലഘൂകരിക്കാൻ ഏറ്റവും കൂടുതൽ സഹായിക്കുന്നത്.
3. രോഗപ്രതിരോധ ശേഷി വർദ്ധിപ്പിക്കുന്നു
ചിരി രോഗപ്രതിരോധവ്യവസ്ഥയുടെ മൊത്തത്തിലുള്ള ആരോഗ്യം ശക്തിപ്പെടുത്തുകയും വർദ്ധിപ്പിക്കുകയും ചെയ്യുന്നു. സമ്മർദ്ദത്തിന് കാരണമാകുന്ന ഹോർമോണുകൾ കുറയ്ക്കുന്നതിലൂടെയും അണുബാധയെ പ്രതിരോധിക്കുന്ന ആന്റിബോഡികൾ വർദ്ധിപ്പിക്കുന്നതിലൂടെയും, പകർച്ചവ്യാധിയുടെ ആക്രമണത്തെ പ്രതിരോധിക്കാൻ രോഗപ്രതിരോധ സംവിധാനത്തെ ചിരി സഹായിക്കും.
Also read: ആരെങ്കിലുമൊന്ന് തല മസ്സാജ് ചെയ്ത് തന്നിരുന്നെങ്കിൽ...
നർമ്മം എങ്ങനെ കാട്ടുതീ പോലെ പടരുമെന്ന കാര്യം നമുക്കെല്ലാവർക്കും അറിയാം. ഒരു ചിരി അല്ലെങ്കിൽ ഉച്ചത്തിലുള്ള “ഹാ ഹാ” ഒരാൾ ആരംഭിക്കാൻ തുടങ്ങുമ്പോൾ, ബാക്കിയുള്ള സംഘാംഗങ്ങൾ അത് പിന്തുടരുന്നത് നിങ്ങൾ കണ്ടിട്ടുണ്ടാകും. എല്ലായിടത്തും സന്തോഷവും ചിരിയും പരത്തുന്ന രീതിയിൽ നർമ്മം ഏറെ അമൂല്യമാണ്. ഇതിനാൽ തന്നെ ഓരോ ദിവസവും ഉണ്ടാകുന്ന സമ്മർദ്ദങ്ങളെ അതിജീവിക്കാൻ പലരും ചിരി ചികിത്സ വ്യായാമങ്ങളിൽ പങ്കെടുക്കുന്നതിൽ അതിശയിക്കാനില്ല.
5. ബന്ധങ്ങൾ മെച്ചപ്പെടുത്തുന്നു
സന്തോഷകരമായ വികാരങ്ങൾ സൃഷ്ടിച്ചും വൈകാരിക ബന്ധങ്ങൾ പരിപോഷിപ്പിച്ചും നർമ്മം ബന്ധങ്ങളെ ശക്തിപ്പെടുത്തുന്നു. ഇത് ദാമ്പത്യത്തിൽ അത്ഭുതങ്ങൾ സൃഷ്ടിക്കുകയും ഏത് തരത്തിലുള്ള ബന്ധത്തിനും ആരോഗ്യകരവുമായ കാര്യമാണ്. ഒരു നല്ല ചിരിയിൽ അവസാനിക്കുന്ന ഒരു കലഹമോ തെറ്റിദ്ധാരണയോ ഏറ്റവും മോശമായ പ്രശ്നങ്ങൾക്ക് പോലും ഒരു മാന്ത്രിക പരിഹാരമാണ്.
6. പ്രതികൂല വികാരങ്ങളിൽ നിന്ന് മുക്തി നൽകുന്നു
നിങ്ങൾ നന്നായിട്ട് ഒന്ന് ചിരിച്ചു കഴിയുമ്പോൾ നിങ്ങൾക്ക് സങ്കടമോ ദേഷ്യമോ തോന്നാൻ കഴിയില്ല. നിങ്ങളുടെ സ്വന്തം സംശയങ്ങൾക്ക് പരിഹാരം കാണുമ്പോൾ തന്നെ മറ്റുള്ളവരെ സംശയ കണ്ണുകളോടെ നോക്കാതിരിക്കുവാൻ ഇത് നിങ്ങളെ സഹായിക്കും. നർമ്മം ശുഭാപ്തിവിശ്വാസം നിലനിർത്താൻ സഹായിക്കുകയും എല്ലാ മോശം ചിന്തകളിൽ നിന്നും വിഷമകരമായ വികാരങ്ങളിൽ നിന്നും മുക്തി നേടുകയും നല്ല അനുഭവം നൽകുകയും ചെയ്യുന്നു.
Also read: കൈകളിലെ ഞരമ്പുകൾ തെളിഞ്ഞു കാണുന്നുണ്ടോ? കാരണം ഇവയാണ്
ചിരിയും ഹൃദയത്തെ സുഖപ്പെടുത്തുന്നതും തമ്മിൽ ബന്ധപ്പെടുത്തി എപ്പോഴെങ്കിലും കേട്ടിട്ടുണ്ടോ? ചിരി രക്തയോട്ടം വർദ്ധിപ്പിക്കാനും രക്തക്കുഴലുകളുടെ മൊത്തത്തിലുള്ള പ്രവർത്തനം മെച്ചപ്പെടുത്താനും സഹായിക്കുന്നു. ഇത് യഥാർത്ഥത്തിൽ ഹൃദയാഘാതങ്ങളിൽ നിന്നും മറ്റ് ഹൃദയ സംബന്ധമായ രോഗങ്ങളിൽ നിന്നും നിങ്ങളെ സംരക്ഷിക്കാൻ സഹായിക്കും.
നർമ്മം എങ്ങനെ സുഖപ്പെടുത്തുന്നു എന്നത് നിങ്ങൾ അത് അനുഭവിക്കുന്നത് വരെ മനസ്സിലാകുകയില്ല. ഒരു ചെറു ചിരി നിങ്ങളുടെ കാഴ്ചപ്പാടിനെ തന്നെ മാറ്റും. ഇത് നിങ്ങളെ നിലയുറപ്പിക്കുവാൻ പ്രാപ്തമാക്കുകയും, ഏറ്റവും ശ്രമകരമായ സാഹചര്യങ്ങളിലൂടെയും മോശമായ വിഷമ ഘട്ടങ്ങളിലൂടെ കടന്നുപോകാൻ സഹായിക്കുകയും ചെയ്യും. നിങ്ങൾ എവിടെ പോയാലും നിങ്ങളുടെ ആ ചിരി നിങ്ങളോടൊപ്പം കൊണ്ടുപോകാൻ മറക്കരുത്!