ഇതിന്
ഇതിന് പല കാരണങ്ങളുമുണ്ടാകാം. നമ്മുടെ ബാലന്സ് കൃത്യമായി നില നിര്ത്തുന്നതില് ചെവിയിലെ കോക്ലിയ എന്ന ഭാഗത്തിന്റെ പ്രവര്ത്തനം പ്രധാനമാണ്. അതായത് തല ചെരിക്കുക, അങ്ങോട്ടുമിങ്ങോട്ടും തിരിയുക എന്നിവയെല്ലാം സാധ്യമാകുന്നത് കോക്ലിയയുടെ പ്രവര്ത്തനം കൃത്യമായി നടക്കുന്നത് കൊണ്ടാണ്. ഇതിന്റെ പ്രവര്ത്തനത്തില് വരുന്ന പ്രശ്നം തന്നെയാണ് ഇത്തരത്തില് ടിനിറ്റസ് വരുന്നതിന് കാരണമാകുന്നത്. പെട്ടെന്ന് എഴുന്നേല്ക്കുമ്പോഴും മറ്റും പലര്ക്കും തല ചുറ്റല് അനുഭവപ്പെടുന്നതിന്റെ പ്രധാന കാരണവും ഇതു തന്നെയാണ്. ചെവിയില് നിന്നും തലച്ചോറിലേക്കു പോകുന്ന നാഡിയ്ക്കുണ്ടാകുന്ന തകരാറും ടിനിറ്റസ് എന്ന പ്രശ്നമുണ്ടാക്കാം.
ചെവിയില്
ചെവിയില് ഏതെങ്കിലും തരത്തിലെ ബ്ലോക്കുണ്ടാകുക, ഇടവിട്ട് ജലദോഷവും മറ്റുമുണ്ടാകുക, ചെവിയിലെ വളര്ച്ച, തലച്ചോറിലേക്കു പോകുന്ന നാഡികള്ക്കുണ്ടാകുന്ന വളര്ച്ച, ചില മരുന്നുകള് എന്നിവയെല്ലാം ഇത്തരം ടിനിറ്റസ് പ്രശ്നത്തിന് കാരണമാകുന്നു. ഇതു പോലെ മെനിയസ് ഡിസീസ് എന്ന അവസ്ഥയും ഇത്തരം ടിനിറ്റസിന് കാരണമാകുന്നു. ഏതെങ്കിലും രോഗത്തിന്റെ ഭാഗമായും ഇതുണ്ടാകാം. ഉദാഹരണത്തിന് ബിപിയുണ്ടെങ്കില്. ഇതുപോലെ ശരീരത്തിന് ഓട്ടോ ഇമ്യൂണ് രോഗമെങ്കില് എല്ലാംതന്നെ ഇത്തരം അവസ്ഥയ്ക്ക് കാരണമാകുന്നുണ്ട്. ഹൈപ്പര് ഇന്സുലീമിയ, അതായത് രക്തത്തില് ഇന്സുലിന് കൂടുതലായി വരുന്ന അവസ്ഥയും ഇത്തരം ടിനിറ്റസ് പ്രശ്നമുണ്ടാകാം. ഇന്സുലിന് റെസിസ്റ്റന്സ് എന്നാണ് ഇത് പൊതുവേ അറിയപ്പെടുന്നത്. അതായത് പ്രമേഹത്തിന് മുന്നോടിയായി വരുന്ന അവസ്ഥ.
ടിനിറ്റസ്
ചില ജോയന്റുകള്ക്കുണ്ടാകുന്ന പ്രശ്നം, വായ തുറക്കുമ്പോള് ടിക് ശബ്ദം കേള്ക്കുന്ന അവസ്ഥ, കഴുത്തിലെ എല്ലിനുണ്ടാകുന്ന തേയ്മാനം, മദ്യപാന, പുകവലി ശീലങ്ങള് എല്ലാം ടിനിറ്റസ് കാരണമാകാം. ഇതു പോലെ സ്ട്രെസ് കൂടുതലെങ്കില് ചെവിയെ ബാധിയ്ക്കുന്ന ഇത്തരം പ്രശ്നമുണ്ടായേക്കാം. ഇത്തരക്കാരില് ഉറക്കം പോലും കെടുത്തുന്ന അവസ്ഥയാണിത്. അമിതമായ ഉത്കണ്ഠയുള്ളവര്ക്കും ടിനിറ്റസ് എന്ന ഇതുണ്ടാകാം.
ഇത് പരിഹരിയ്ക്കാന്
ഇത് പരിഹരിയ്ക്കാന് ചില വഴികളുണ്ട്. ഇത് നമ്മുടെ സമൂഹത്തില് 20 ശതമാനം വരെയുളളവരില് കണ്ടു വരുന്നു. ഇത്തരം പ്രശ്നത്തിന് കാരണമെന്തെന്ന് കണ്ടെത്തി അതിന് പരിഹാരം തേടാം. അതായത് ഏതെങ്കിലും രോഗമോ സ്ട്രെസോ കൊണ്ടാണ് ഇതു വരുന്നതെങ്കില് ഇതിന് പരിഹാരം തേടിയാല് ടിനിറ്റസ് എന്ന പ്രശ്നത്തിനും പരിഹാരമുണ്ടാകും. ഇതിനായി നമുക്ക് ചെയ്യാവുന്ന ഒരു സിംപിള് പരിഹാരമുണ്ട്. ഇതിനായി ചെവിയുടെ മധ്യഭാഗത്തായി വരുന്ന വിധത്തില് തലയുടെ പുറകില് ഇരു കൈകളും നിവര്ത്തി ഇരു ഭാഗത്തു നിന്നും നിവര്ത്തി വയ്ക്കുക. പിന്നീട് ഇരു കൈകളുടേയും ചൂണ്ടുവിരല് ഒരുമിച്ച് പതുക്കെ തലയുടെ പുറകിലെ ആ ഭാഗത്തായി തട്ടുക. പതിയെ വേണം തട്ടാന്. ഇത് ഈ ഭാഗത്തെ നാഡികളെ ഉദ്ദീപിപ്പിയ്ക്കുന്നതിന് വേണ്ടിയാണ്. ഇത് ചെവിയിലെ ഈ ടിക് ടിക് ശബ്ദം കേള്ക്കുന്നതിന് പരിഹാരമാകും. ഇത് തുടര്ച്ചയായി 20 തവണ ചെയ്യാം. ദിവസം പത്തു തവണ വരെ ഇത് ചെയ്യാം. ഇടവേളകളിട്ട് ചെയ്യാം.