ഉള്ളിൽ നിന്നു വരുന്ന നിങ്ങളുടെ കോപത്തെ പുറത്തുവിടരുതെന്നോ കടിച്ചമർത്തണമെന്നോ പറയുന്നില്ല. കാരണം അങ്ങനെ ചെയ്യുന്നത് മറ്റുള്ളവർ നിങ്ങളെ മുതലെടുക്കുന്നതിനും അതല്ലെങ്കിൽ ഉണ്ടായ കോപം നിമിത്തം സ്വയമേ ഉപദ്രവിക്കുന്നതിനും ഒക്കെ കാരണമായി മാറിയേക്കാം. എങ്കിലും ചില സാഹചര്യങ്ങളിൽ ഉണ്ടായ കോപത്തെ നിയന്ത്രിച്ചു നിർത്തേണ്ടത് പ്രധാനമാണ്. അതല്ലെങ്കിൽ അത് നിങ്ങളുടെ ജീവിത ബന്ധങ്ങൾക്കിടയിൽ വീണ്ടും വിളക്കിച്ചേർക്കാൻ കഴിയാത്ത വിധത്തിൽ വിള്ളൽ വീഴ്ത്താൻ ഇടയുണ്ട്. പെട്ടെന്നുണ്ടാകുന്ന നിങ്ങളുടെ കോപത്തെയും ദേഷ്യത്തെയും നിയന്ത്രിച്ചു നിർത്താൻ എന്തെങ്കിലും മാർഗങ്ങൾ ഉണ്ടോ ? അനിയന്ത്രിതമായി ഉണ്ടാവുന്ന കോപത്തെ ഫലപ്രദമായി കൈകാര്യം ചെയ്യുന്നതിനുള്ള ഒമ്പത് വഴികൾ ഇതാ :
ഇത്തരമൊരു ഘട്ടത്തിൽ
ഒന്ന് തിരിഞ്ഞു നടക്കാം.
ഇത്തരമൊരു ഘട്ടത്തിൽ അപ്രതീക്ഷിതവും മോശപ്പെട്ടതുമായ കാര്യങ്ങൾ മറ്റുള്ളവർക്ക് മുമ്പിൽ ചെയ്യുന്നതിനു വഴിവെക്കുന്നതിനേക്കാൾ മികച്ചതായിരിക്കും ഈയൊരു പ്രവർത്തി. മുന്നിലുള്ള ദുർഘടമായ സാഹചര്യത്തെ ഏറ്റവും മികച്ച രീതിയിൽ കൈകാര്യം ചെയ്യാൻ സഹായിക്കുന്ന ലളിതമായ കാര്യങ്ങളിൽ ഒന്നാണിത്. സ്വയം ശാന്തമാകാനായി ഒന്ന് പുറത്തേക്ക് നടക്കാനായി പോവുക.
2. ദീർഘ നിശ്വാസം എടുക്കുക
നിങ്ങളുടെ ഞരമ്പുകളെ ശാന്തമാക്കാനായി ആഴത്തിലുള്ള ശ്വസന രീതി വളരെയധികം സഹായിക്കും. ഇത് നിങ്ങളുടെ ശരീരത്തിലെ ഓക്സിജൻ വിതരണം മെച്ചപ്പെടുത്തിക്കൊണ്ട് ഹൃദയമിടിപ്പിനെയും രക്തസമ്മർദ്ദത്തെയും നിയന്ത്രിക്കുകയും നല്ല ചിന്തകളെ ക്ഷണിച്ചുവരുത്തുകയും ചെയ്യുന്നു. മനസ്സിൽ കോപവും വിഷമവും മതിക്കുന്ന ഘട്ടങ്ങളിലെല്ലാം ഒന്ന് ശാന്തമായി ദീർഘനിശ്വാസം എടുക്കുന്നത് ശീലമാക്കുക
ശ്രദ്ധയെ വഴിതിരിച്ചുവിടാൻ
ശാരീരിക വ്യായാമങ്ങൾ ചെയ്യാം
കഠിനമായ വ്യായാമ പ്രവർത്തനങ്ങളിൽ ഏർപ്പെടുന്നത് നിങ്ങളുടെ ശ്രദ്ധയെ വഴിതിരിച്ചുവിടാൻ മാത്രമല്ല, എൻഡോർഫിൻ എന്ന‘ ഫീൽ-ഗുഡ് ’ ഹോർമോണുകളെ പുറപ്പെടുവിക്കാനും സഹായിക്കും. വ്യായാമം ചെയ്യുമ്പോൾ നിങ്ങളുടെ അമിത വികാരങ്ങളെ നിയന്ത്രിച്ചുനിർത്താൻ കഴിയുകയും, ആക്രമണ മനോഭാവങ്ങൾ കുറയുകയും ചെയ്യുന്നു. പെട്ടെന്നുണ്ടാകുന്ന നിങ്ങളുടെ ദേഷ്യത്തെ ഒഴിവാക്കാനായി ഒരു പഞ്ചിംഗ് ബാഗ് രീതി ഉപയോഗപ്രദമാക്കാം.
4. എഴുതുക
ദേഷ്യവും കോപവും നമ്മുടെ മനസ്സിനെ മദിക്കുന്ന സമയങ്ങളിൽ മനസ്സറിഞ്ഞ് ഒന്നും ചെയ്യാൻ സാധിക്കുകയില്ല. എങ്കിലും ഒന്നു പരിശ്രമമെടുത്ത് കൊണ്ട് നിങ്ങളുടെ വികാരങ്ങൾ ഒരു കടലാസിൽ അല്ലെങ്കിൽ ഒരു ഡിജിറ്റൽ മാർഗത്തിലേക്ക് പകർത്തി എഴുതാൻ ശ്രമിക്കുന്ന വഴി മികച്ച ആശ്വാസം നൽകാൻ സഹായിക്കും. നിങ്ങളുടെ പെട്ടെന്നുണ്ടാവുന്ന കോപത്തിൻ്റെ ലക്ഷണങ്ങളെ ഇത് നിയന്ത്രിച്ചു നിർത്തുകയും ചെയ്യും.
ഏറ്റവും മികച്ച പോംവഴികൾ
ധ്യാനത്തിലോ യോഗയിലോ ഏർപ്പെടുക
ധ്യാനവും യോഗയും നമ്മുടെ മനസ്സിനെ ശാന്തമാക്കുന്നതിനുള്ള ഏറ്റവും മികച്ച പോംവഴികൾ ആണെന്ന കാര്യം നമുക്കെല്ലാവർക്കും അറിയാം. ഇത് തീർച്ചയായും നിങ്ങളുടെ ദേഷ്യത്തിൻ്റെ ലക്ഷണങ്ങളെ നിയന്ത്രിച്ചു നിർത്തും. ഇത് കൂടാതെ, ദിവസവും നിങ്ങൾ പതിവായി ധ്യാനിക്കുകയോ യോഗ ചെയ്യുകയോ ചെയ്യുന്ന ശീലം വളർത്തിയെടുക്കുകയാണെങ്കിൽ പൊതുവേ നിങ്ങൾക്ക് ജീവിത സാഹചര്യങ്ങളെ കൂടുതൽ തന്മയത്തത്തോടെയും ശാന്തമായും കൈകാര്യം ചെയ്യാൻ സാധിക്കും
6. ദേഷ്യമുള്ളപ്പോൾ മദ്യപിക്കുന്ന ശീലം ഒഴിവാക്കുക
മദ്യപാനം നിങ്ങളുടെ വികാരങ്ങളെ ചൂടുപിടിപ്പിക്കുന്നു. ഉണ്ടായിപ്പോയ അസ്വസ്ഥതകളെ പ്രതി മദ്യപിക്കുന്ന ഒരു വ്യക്തിക്ക് യുക്തിസഹമായ തീരുമാനങ്ങൾ എടുക്കാൻ ബുദ്ധിമുട്ടുണ്ടാകുന്നു. ഇതവരെ കൂടുതൽ ആക്രമണാസക്തരാക്കുന്നു. അതുകൂടാതെ മദ്യപിച്ചു കഴിഞ്ഞാൽ വളരെ ചെറിയ കാര്യങ്ങൾക്കുപോലും ഒരാൾ കൂടുതൽ അസ്വസ്ഥരാകാനും അക്രമാസക്തരാകാനും സാധ്യതയുണ്ട്.
ഇക്കാര്യങ്ങൾ ചെയ്യാം
ഇക്കാര്യങ്ങൾ ചെയ്യാം
തലയിണയിൽ അടിക്കുക, കടലാസുകൾ ചുരുട്ടുക, പഞ്ചിംഗ് ബാഗ് ഇടിക്കുക, അല്ലെങ്കിൽ ഒരു സ്പോന്ജ് ബോൾ കൈകളിൽ എടുത്തത് അമർത്തുക എന്നിങ്ങനെ നിങ്ങളുടെ ഉള്ളിലെ കോപത്തെ പുറത്തുവിടാൻ പലവിധ മാർഗങ്ങളുണ്ടെന്ന് ശാസ്ത്രം പറയുന്നു. മികച്ചതല്ലെങ്കിലും ഈ സന്ദർഭത്തിൽ നിങ്ങളുടെ കോപത്തെ കുറച്ചെങ്കിലും നിയന്ത്രിച്ചു നിർത്താൻ യഥാർത്ഥത്തിൽ ഇവയെല്ലാം സഹായിക്കും.
8. ക്രിയാത്മക മാർഗങ്ങളിലൂടെ കോപത്തെ പുറത്ത് വിടുക
ചിത്രംവര, പെയിന്റിംഗ് അല്ലെങ്കിൽ കളറിംഗ് തുടങ്ങിയ കാര്യങ്ങളൊക്കെ മനസ്സിനെ ശാന്തമാക്കുന്ന പ്രവർത്തികൾ ആണ്. മാത്രമല്ല കോപത്തെ ഫലപ്രദമായി കൈകാര്യം ചെയ്യാൻ നിങ്ങളെ ഇത് സഹായിക്കുകയും ചെയ്യും.
കോപത്തിന്റെ പരിധി
ശരിയായ ഉറക്കം നേടുക
മനസ്സിൽ നിന്ന് എന്തെങ്കിലും വിഷമം ഉണ്ടായാൽ നമ്മുടെ ഉറക്കം നഷ്ടപ്പെടുന്നത് സാധാരണയാണ്. ഉറക്കമില്ലാത്ത അവസ്ഥ ക്ഷീണിച്ചു തളർന്ന മനസ്സിലേക്കും ശരീരത്തിലേക്കുമൊക്കെ നയിക്കുകയും ചെയ്യും. ഈ സന്ദർഭത്തിൽ നന്നായി ഒന്നുറങ്ങാൻ പരിശ്രമിക്കുന്നത് കോപത്തിന്റെ പരിധി കുറയ്ക്കാൻ വഴിയൊരുക്കുന്ന കാര്യമാണ്. അതിനാൽ തന്നെ കുറഞ്ഞത് 7-8 മണിക്കൂർ നിണ്ട ഉറക്കം നേടിയെടുക്കുന്നതിന് മുൻഗണന നൽകുക. Also read: സ്ത്രീകളിലെ മുടി കൊഴിച്ചിൽ എന്തുകൊണ്ട്?
ഈ പറഞ്ഞ കാര്യങ്ങൾ നിങ്ങൾക്ക് ഉണ്ടാവുന്ന കോപത്തെ കുറച്ചെങ്കിലും നിയന്ത്രിച്ചുനിർത്താൻ സഹായിക്കുന്ന കാര്യങ്ങളാണ്. സാഹചര്യങ്ങൾ കൈവിട്ടുപോകുന്നുവെന്ന് കണ്ടാൽ പ്രൊഫഷണൽ സഹായം തേടുന്നത് ഉറപ്പാക്കുക.