ചിക്കൻപോക്സ് വന്നാല്‍ ഇവ മറക്കല്ലേ

വീട്ടിലൊരാള്‍ക്ക് ചിക്കന്‍പോക്സ് വന്നാല്‍ മറ്റുള്ളവര്‍ക്ക് വരാതിരിക്കാൻ വളരെ ശ്രദ്ധിക്കേണ്ടതുണ്ട്. ഒന്നു രണ്ടാഴ്ച്ചയ്ക്കുള്ളില്‍ പൂര്‍ണമായും ഭേദമാകുന്ന രോഗമാണ് ചിക്കന്‍പോക്സ്. വീട്ടിലോ പരിസരത്തോ ആര്‍ക്കെങ്കിലും ചിക്കന്‍പോക്സ് വന്നിട്ടുണ്ടെങ്കില്‍ അത് പകരാതിരിക്കാൻ ഈ മുന്‍കരുതലുകൾ സ്വീകരിക്കാം..

* കൃത്യമായി വാക്സിനേഷൻ എടുക്കുക

* മുതിര്‍ന്നവര്‍ക്ക് മാത്രമല്ല, കുട്ടികള്‍ക്കും പ്രതിരോധമരുന്ന് എടുക്കേണ്ടതുണ്ട്.

* ഗര്‍ഭിണികള്‍ക്ക് പ്രത്യേകമായി ചികിത്സ നേടണം. ഗര്‍ഭസ്ഥശിശുവിനും രോഗം ബാധിക്കാന്‍ സാധ്യതയുണ്ട്. വീട്ടിലോ പരിസരത്തോ ആര്‍ക്കെങ്കിലും ചിക്കന്‍പോക്സ് വന്നിട്ടുണ്ടെങ്കില്‍ ആ കാര്യം കൃത്യമായി ഡോക്ടറോട് പറഞ്ഞ് മരുന്ന് കഴിക്കണം.

* ചിക്കൻപോക്സ് ബാധിച്ച വ്യക്തിയെ ശുശ്രൂഷിക്കുന്നവരും ഈ മുന്‍കരുതലുകള്‍ എടുക്കേണ്ടതുണ്ട്.

* ഇതിന് മുമ്പ് ചിക്കൻപോക്സ് വന്നിട്ടില്ലാത്തവര്‍ രോഗിയുമായുള്ള സമ്പര്‍ക്കം കരുതലോടെ മാത്രം ചെയ്യുക. അവര്‍ക്കാണ് ഏറ്റവും പെട്ടെന്ന് രോഗം പകരാന്‍ സാധ്യതയുള്ളത്.

* രോഗിയെ പരിചരിക്കുന്നവര്‍ ഫെയ്സ് മാസ്ക് ധരിക്കുക.

* രോഗിയെ സ്പര്‍ശിക്കുന്നതിന് മുമ്പും ശേഷവും കൈകള്‍ നന്നായി കഴുകുക.

Chicken Pox is an infectious disease. These are the things you should remember while mingling with or taking care of a patient.