സ്ത്രീകളില്
സ്ത്രീകളില് ഇതിന് ഒരു അവസ്ഥയെന്നു പറയുന്നത് സ്ട്രെസ് ഇന്കോണ്ടിനെന്സ് എന്നു പറയാം. വയററിലുണ്ടാകുന്ന സ്ട്രെസ് കാരണമുണ്ടാകുന്ന മൂത്രം അറിയാതെ പോകുന്ന അവസ്ഥയാണിത്. ഉറക്കെ ചിരിയ്ക്കുക, തുമ്മുക, ഓടുക, ചുമ എന്നീ അവസ്ഥകളില് ഇതുണ്ടാകും. നിയന്ത്രണം കിട്ടാതെ മൂത്രം പോകുന്ന അവസ്ഥയാണിത്. പല സ്ത്രീകളിലും പ്രസവ ശേഷം ഇതുണ്ടാകുന്നത് സാധാരണയാണ്. പ്രസവം കഴിഞ്ഞ് പേശികള്ക്കുണ്ടാകുന്ന ബലക്കുറവാണ് കാരണമായി വരുന്നത്. പ്രസവത്തിന് കൂടുതല് സമയമെടുക്കുക, കൂടുതല് ഭാരമുള്ള കുഞ്ഞ് എന്നിങ്ങനെയുള്ള അവസ്ഥകളില് ഇതുണ്ടാകാം. ഇതിന് ടേപ് സര്ജറി പോലുളള മെഡിക്കല് പരിഹാരങ്ങളുണ്ട്.
അര്ജിക് ഇന്കോണ്ടിനെന്സ്
അര്ജിക് ഇന്കോണ്ടിനെന്സ് എന്ന മറ്റൊരു അവസ്ഥയുമുണ്ട്. യൂറിന് ബ്ലാഡറിന്റെ അമിതമായ പ്രവര്ത്തനം കൊണ്ടുണ്ടാകുന്ന ഒന്നാണിത്. മൂത്ര ശങ്ക തോന്നി ബാത്റൂമില് എത്തുന്നതിനു മുന്പു തന്നെ നിയന്ത്രണം നഷ്ടപ്പെട്ട് മൂത്രം പോകുന്ന അവസ്ഥയാണിത്. ഇത് പൊതുവേ പ്രായം ചെന്നവരില് കൂടുതലായി കണ്ടു വരുന്നു. ഞരമ്പ് സംബന്ധമായ രോഗങ്ങള്, പ്രമേഹം, യൂറിനറി ഇന്ഫെക്ഷന്, സൈക്കിയാട്രിക് പ്രശ്നങ്ങള്ക്ക് കഴിയ്ക്കുന്ന മരുന്നുകള് എന്നിവ ഇതിന് കാരണമാകുന്നു.
ഓവര് ഫ്ളോ ഇന്കോണ്ടിനെന്സ്
ഓവര് ഫ്ളോ ഇന്കോണ്ടിനെന്സ് എന്ന അവസ്ഥയുമുണ്ട്. മൂത്ര സഞ്ചി പൂര്ണമായി നിറഞ്ഞാലും ഇത് ഒഴിയ്ക്കാന് കഴിയാത്ത അവസ്ഥയാണിത്. മൂത്രം നിറഞ്ഞ് മൂത്രമൊഴിയ്ക്കാന് കഴിയാത്തതു കാരണം മൂത്രം ലീക്കായി പുറത്തേയ്ക്കു പോകുന്നു. ഈ അവസ്ഥയിലും ആള്ക്ക് മൂത്ര നിയന്ത്രണം നഷ്ടപ്പെടുന്നു. മൂത്ര സഞ്ചിയുടെ പേശികളുടെ പ്രവര്ത്തനത്തിലുണ്ടാകുന്ന പ്രശ്നങ്ങളാണ് കാരണം. പ്രസവ ശേഷം, ചില ശസ്ത്രക്രിയകള് ചില മരുന്നുകള് എന്നിവയെല്ലാം തന്നെ ഇതിന് കാരണമാകാം.
ഇത്തരം പ്രശ്നങ്ങള്ക്ക്
ഇത്തരം പ്രശ്നങ്ങള്ക്ക് മെഡിക്കല് സംബന്ധമായ ചികിത്സ തേടുന്നതാണ് കൂടുതല് നല്ലത്. മൂത്രം ഒഴിയ്ക്കാന് തോന്നലുണ്ടാകുമ്പോള് പോകുക, രാത്രിയില് അധികം വെള്ളം കുടിയ്ക്കാതിരിയ്ക്കുക, ബ്ലാഡര് കണ്ട്രോണ് ട്രെയിനിംഗ് അതായത് മൂത്രമൊഴിയ്ക്കാന് തോന്നിയാലും പിടിച്ചു നിര്ത്താന് ശ്രമിയ്ക്കുന്ന രീതി, ഇത് ഒരു വ്യായാമത്തിന്റെ രൂപത്തില് കാണാം, എന്നിവയെല്ലാം ഗുണം നല്കും. കെഗെല് വ്യായാമങ്ങള് പരിശീലിയ്ക്കുന്നത് ഏറെ നല്ലതാണ്. ഇതിനായി മരുന്നുകളും ലഭ്യമാണ്. ഡോക്ടറെ കണ്ട് ചികിത്സ തേടാം. Also read: കൊറോണക്കാലത്ത് പ്രതിരോധശേഷി കൂട്ടാൻ മുട്ട!