ആധിയായി പനിക്കാലം: ആവി പിടിക്കുമ്പോള്‍ ശ്രദ്ധിക്കാം ഇക്കാര്യങ്ങൾ

സംസ്ഥാനത്ത് ചൂടു കടുക്കുമ്പോൾ പലവിധ വ്യാധികളും പനിയും ജലദോഷവും പലരെയും പിടികൂടാം. കഠിനമായ ചൂടു മൂലം തലയില്‍ വിയര്‍പ്പു താഴുന്നതും ശരീരത്തിന് ചൂട് താങ്ങാനാവാത്തതും പനിക്ക് കാരണമാകുന്നു. പനിയോ ജലദോഷമോ ഉണ്ടെങ്കില്‍ ആവി പിടിക്കുന്നത്‌ വളരെ ആശ്വാസം നല്‍കും. ആവി പിടിക്കുമ്പോൾ നാം ശ്രദ്ധിക്കേണ്ടതായ ചില കാര്യങ്ങളുണ്ട്. അവ എന്തൊക്കെ ആണെന്ന് നോക്കാം.

മുഖത്തേക്ക് ആവി പിടിക്കുമ്പോള്‍ പരമാവധി 5 മിനിട്ടിലധികം ആവി കൊള്ളരുത്, കണ്ണിലേക്ക് ആവി അടി അടിക്കാനും ഇട വരരുത്. ഇതിനു വേണ്ടി കണ്ണിനു മുകളില്‍ നനഞ്ഞ തുണി കെട്ടുന്നത് നല്ലതാണ്. തലവേദനക്ക് പുരട്ടുന്ന ബാമുകള്‍ വെള്ളത്തില്‍ ചേര്‍ത്ത് ആവി പിടിക്കുന്നത് നല്ലതല്ല. പകരം തുളസിയിലയോ യൂക്കാലി തൈലമോ, രാമച്ഛമോ പനിക്കൂര്‍ക്ക ഇലയോ ഇട്ടു ആവി പിടിക്കാം.

മഞ്ഞള്‍ പൊടി ഇട്ടു ആവി കൊള്ളുന്നത്‌ വൈറല്‍ രോഗങ്ങളും സൈനസ് ഇൻഫക്ഷനും അകറ്റാൻ ഉത്തമമാണ്. വേപ്പറൈസരുകള്‍ ഉപയോഗിച്ച് ആവി പിടിക്കുമ്പോള്‍ സ്വിച്ച് ഓഫ്‌ ചെയ്ത ശേഷം മാത്രം വെള്ളം ഒഴിക്കുകയോ, തുടക്കുകയോ ചെയ്യാൻ ശ്രദ്ധിക്കു. ഉറച്ച പ്രതലത്തില്‍ വച്ച് വേണം ഇവ ഉപയോഗിക്കാന്‍. ഉപ്പോ കഠിന ജലമോ ആവിപിടിക്കാനായി ഉപയോഗിക്കരുത്. ആവിയുടെ അളവ് കൂട്ടാന്‍ രാസപദാര്‍ഥങ്ങളും ചേര്‍ക്കേണ്ട.

Vaporizer uses Noticing Matters

Need to know things while using Vaporizer, Dos and Donts while using Vaporizer