ബിപി കുറയ്ക്കുന്ന ചില പ്രത്യേക വൈററമിനുകളുണ്ട്. ഇത് ഭക്ഷണത്തിലൂടെയും അല്ലാതെയും കഴിയ്ക്കുന്നത് ഗുണം ചെയ്യും. ഇത്തരത്തിലെ വൈറ്റമിനുകളെ കുറിച്ചറിയൂ.
Samayam Malayalam24 Jan 2023, 12:52 pm
ബിപി അഥവാ ബ്ലഡ് പ്രഷർ (blood pressure)ഇന്നത്തെ കാലത്ത് ചെറുപ്പക്കാരെ പോലും അലട്ടുന്ന ഒരു ആരോഗ്യപ്രശ്നമാണ്. ജീവിതരീതികളും ഭക്ഷണ രീതികളും എല്ലാം തന്നെ ഇതിന് കാരണമായി വരുന്നു. ബിപി നിസാരമായി തള്ളിക്കളയേണ്ട ഒന്നല്ല. പല ആരോഗ്യ പ്രശ്നങ്ങളും വരുത്തുന്ന ഒന്നാണിത്. അറ്റാക്ക്, സ്ട്രോക്ക്, കിഡ്നി പ്രശ്നം തുടങ്ങി ബിപി വരുത്താത്ത പ്രശ്നങ്ങൾ ഇല്ലെന്ന് തന്നെ വേണം, പറയുവാൻ. ബിപി നമുക്ക് തന്നെ നിയന്ത്രിച്ച് നിർത്താൻ സഹായിക്കുന്ന പല വഴികളുമുണ്ട്.
കാരണമാണ്
അമിത വണ്ണം ഇതിനുളള ഒരു കാരണമാണ്. ഇതുപോലെ പ്രമേഹമുള്ളവരിലും പാരമ്പര്യമുളളവരിലും. കാരണം ഇത് പാൻക്രിയാസ് പ്രവർത്തനത്തെ ബാധിയ്ക്കുന്നു. ഇതു പോലെ അമിതമായ സ്ട്രെസ് ബിപിയ്ക്ക് ഇടയാക്കുന്നു. ഉറക്കക്കുറവ്, വ്യായാമക്കുറവ് എന്നത് ബിപി കൂടാനുള്ള ഒരു പ്രധാന കാരണമാണ്. സോഡിയം ഉപയോഗം മറ്റൊരു കാരണമാണ്. അതായത് ഉപ്പ്. ഭക്ഷണത്തിൽ നാം ചേർക്കുന്ന ഉപ്പ് മാത്രമല്ല, നാം വാങ്ങുന്ന പല ഭക്ഷണങ്ങളിലും സോഡിയം ധാരാളമുണ്ട്. ഇതെല്ലാം രക്തക്കുഴലുകൾക്ക് മർദമേൽപ്പിയ്ക്കുന്ന കാര്യങ്ങളാണ്.
വൈറ്റമിൻ ഡി
രക്തസമ്മർദം കുറയ്ക്കാനുള്ള പല വഴികളുമുണ്ട്. ഇതിന് ചില പ്രത്യേക വഴികളുമുണ്ട്. ഇതിൽ ചില വൈറ്റമിനുകളും ഉൾപ്പെടുന്നു. ഡോക്ടർ നിർദേശിയ്ക്കുന്ന മരുന്നുകൾക്കും ജീവിത, വ്യായാമ ചിട്ടകൾക്കും ഒപ്പം ഇത്തരം ചില വൈറ്റമിനുകൾ ചേർക്കുന്നത് ഏറെ ഗുണം നൽകും. ഇത്തരത്തിലെ ഒരു വൈറ്റമിനാണ് വൈറ്റമിൻ ഡി3 എന്നത്. സൂര്യപ്രകാശത്തിൽ നിന്നും ലഭിയ്ക്കുന്ന ഒന്നാണ് വൈറ്റമിൻ ഡി. ഇത് എല്ലിന്റെ ആരോഗ്യത്തിനും മറ്റും മാത്രമല്ല, ബിപി നിയന്ത്രിയ്ക്കാനും ഇത് നല്ലതാണ്. ഇത് സ്ട്രെസ് ഹോർമോണായ കോർട്ടിസോളിനെ നിയന്ത്രിയ്ക്കുന്നു. കോർട്ടിസോൾ സ്ഥിരമായി രക്തത്തിൽ ഉയർന്ന് നിൽക്കുന്നത് ഹൃദയത്തിലേയ്ക്ക് രക്തം പമ്പ് ചെയ്യുന്ന രക്തക്കുഴലുകൾക്ക് കൂടുതൽ മർദം നൽകുന്നു. കോർട്ടിസോൾ തോത് കുറയ്ക്കാൻ വൈറ്റമിൻ ഡി സഹായിക്കുന്നു. ഇതു പോലെ ഇത് രക്തക്കുഴലുകളുടെ ഇലാസ്റ്റിസിറ്റി വർദ്ധിപ്പിയ്ക്കുന്നു. ഇതും ബിപി കുറയ്ക്കാൻ നല്ലതാണ്. ഹൃദയത്തിലെ ഭിത്തികൾക്ക് കട്ടി കൂടുന്നത് കുറയ്ക്കാൻ സഹായിക്കുന്നു.
വൈറ്റമിൻ ബി3
ഇതിനുള്ള അടുത്ത വൈറ്റമിൻ നിയാസിൻ അഥവാ വൈറ്റമിൻ ബി3 ആണ്. ഇത് ബി കോംപ്ലക്സ് വൈറ്റമിനാണ്. ഇത് രക്തക്കുഴലുകൾ ചുരുങ്ങിപ്പോകുന്നത് തടയാൻ സഹായിക്കുന്നു. ഇത് രക്തക്കുഴലുകളുടെ ഇലാസ്റ്റിസിറ്റി വർദ്ധിപ്പിയ്ക്കാൻ സഹായിക്കുന്നു ഇതു പോലെ രക്തക്കുഴലുകൾ ചുരുങ്ങിപ്പോകുന്നത് തടയാൻ ഇത് നല്ലതാണ്. രക്തക്കുഴലുകളുടെ ഉൾവശം വൃത്തിയാക്കുന്നതിനും ഇൻഫ്ളമേഷൻ കുറയ്ക്കുന്നതിനും ഇത് സഹായിക്കുന്നു. മീൻ, ചിക്കൻ, തവിടുള്ള അരി, നട്സ്, സീഡുകൾ, ഏത്തപ്പഴം എന്നിവയിൽ ഇതുണ്ട്.
പൊട്ടാസ്യം, മഗ്നീഷ്യം
പൊട്ടാസ്യം, മഗ്നീഷ്യം എന്നിവയാണ് അടുത്ത വൈറ്റമിനുകൾ. പൊട്ടാസ്യം ശരീരത്തിലെ കൂടുതൽ വരുന്ന സോഡിയം ശരീരത്തിൽ നിന്നും തള്ളിക്കളയുന്നു. ഇത് സ്ട്രെസ് ഹോർമോൺ കുറയ്ക്കാനും സഹായിക്കുന്നു. ഇതെല്ലാം ബിപി കുറയ്ക്കാൻ സഹായിക്കുന്നു. ഇതു പോലെ തന്നെ പൊട്ടാസ്യം അടങ്ങിയ ഭക്ഷണം കഴിയ്ക്കുമ്പോൾ സോഡിയം മൂത്രത്തിലൂടെ പുറന്തള്ളപ്പെടുന്നു. പൊട്ടാസ്യം ഹൃദയത്തിന് കൃത്യമായ മിടിപ്പ് നൽകുന്ന ഇല്ക്ട്രോഡുകളുടെ പ്രവർത്തനത്തെ സഹായിക്കുന്നു. എത്തപ്പഴം, ചീര, ബ്രൊക്കോളി, അവോക്കാഡോ, കരിക്ക്, നട്സ് എന്നിവയിൽ ഇതുണ്ട്.
വൈറ്റമിൻ ഇ
വൈറ്റമിൻ ഇ ആണ് അടുത്ത വൈറ്റമിൻ. ഇത് രക്തക്കുഴലിന്റെ ആരോഗ്യം നന്നാക്കുന്നു. ഇതിലെ വീക്കം കുറയ്ക്കുന്നു, ഇലാസ്റ്റിസിറ്റി വർദ്ധിപ്പിയ്ക്കുന്നു. ഇതെല്ലാം തന്നെ ബിപി നിയന്ത്രണത്തിന് സഹായിക്കുന്നു. ഇത് ഫാറ്റ് സോലുബിൾ വൈറ്റമിനുകളാണ്. ഇത് പല ഭക്ഷണങ്ങളിൽ നിന്നും ലഭിയ്ക്കുന്നു. ഇത് ചാള,ചൂര പോലുളളവയിലുണ്ട്. സീഡ്സ്, നട്സ്, ഒലീവ് ഒായിൽ, നട്സ്, ബദാം, കപ്പലണ്ടി എന്നിവയിലെല്ലാം ഇത് അടങ്ങിയിട്ടുണ്ട്. ഇതെല്ലാം കഴിയ്ക്കുന്നത് ബിപി നിയന്ത്രിയ്ക്കാൻ സഹായിക്കുന്ന കാര്യങ്ങളാണ്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.