നടപ്പിന്റെ പൂര്‍ണ ഗുണം ലഭിയ്ക്കണമെങ്കില്‍
നടപ്പിന്റെ പൂര്‍ണ ഗുണം ലഭിയ്ക്കണമെങ്കില്‍ കൈകള്‍ വീശി നടക്കണം എന്നു പറയുന്നു. നടപ്പ് എന്നത് ലോവര്‍ ബോഡി എക്‌സര്‍സൈസ് മാത്രമല്ല. അപ്പര്‍ ബോഡി എക്‌സര്‍സൈസ് അതായത് ശരീരത്തിന്റെ മുകള്‍ ഭാഗത്തേയ്ക്കുള്ള വ്യായാമം കൂടിയാണ്. എങ്കിലേ നടപ്പിന്റെ പൂര്‍ണ ഗുണം ലഭിയക്കൂ. ഇതിനായി കൈകള്‍ വീശിത്തന്നെ നടക്കണമെന്നത് ഏറെ പ്രധാനമാണ്. ഇതും വെറുതെ വീശി നടന്നാല്‍ പോരാ, 90 ഡിഗ്രി വരെ വരുന്ന രീതിയില്‍ വീശി നടക്കുക. നല്ലതു പോലെ ഉയര്‍ത്തി എന്നര്‍ത്ഥം. ഇതു പോലെ വലതു കാല്‍ മുന്നോട്ടു വയ്ക്കുമ്പോള്‍ ഇടതു കൈ വീശുക, ഇടതു കാല്‍ മുന്നോട്ടു വയ്ക്കുമ്പോള്‍ വലതു കൈ വീശുക എന്ന ക്രമത്തില്‍ വേണം, ഇതു ചെയ്യാന്‍. ഇതിലൂടെ കൈകള്‍ക്കും ഷോള്‍ഡറുകള്‍ക്കും മസിലുകള്‍ക്കുമെല്ലാം വ്യായാമം ലഭിയ്ക്കുന്നു.
ചെറിയ അടികള്‍
നടത്തം നല്ല വ്യായാമ ഗുണം നല്‍കണമെങ്കില്‍ കൂടുതല്‍ അകലത്തിലൂടെ കുറഞ്ഞ എണ്ണം കാലടി എന്നതല്ല, കുറഞ്ഞ അകലത്തിലൂടെ കൂടുതല്‍ കാലടികള്‍ എന്നതാണ് നല്ലത്. കാലുകള്‍ നീട്ടി വച്ചല്ല, ചെറിയ അടികള്‍ വച്ച് കൂടുതല്‍ നടക്കുകയെന്നതാണ് ഗുണകരം. ഇതുപോലെ തന്നെ ചെറിയ കാലടികള്‍ക്കൊപ്പം സ്പീഡ് കൂട്ടുകയും വേണം. ഇതെല്ലാം തന്നെ ഗുണം നല്‍കും. ചെറിയ അടികള്‍ വച്ച് കൈകള്‍ നല്ലതു പോലെ വീശി സ്പീഡില്‍ നടക്കുക.
ഫ്‌ളാറ്റായി അടികള്‍ വയ്ക്കുന്നത്
ഫ്‌ളാറ്റായി അടികള്‍ വയ്ക്കുന്നത് നല്ല വ്യായാമ ഗുണം നല്‍കുന്നില്ല. അതായത് പാദത്തിന്റെ മുന്‍ഭാഗവും ഉപ്പുറ്റിയും ഒരുമിച്ചല്ല, നിലത്തു വയ്‌ക്കേണ്ടത്. ആദ്യം പാദത്തിന്റെ മുന്‍ഭാഗം, പിന്നീട് ഉപ്പുറ്റി എന്നതാകണം, രീതി. ഫ്‌ളാറ്റ് ഫുട്ട് രീതി ഗുണം നല്‍കില്ല. സ്‌പോട്‌സ് ഷൂ പോലുളള ഇട്ടു നടക്കുന്നത് ഈ ഗുണം നല്‍കാന്‍ സഹായിക്കുന്ന ഒന്നാണ്. ആദ്യം അല്‍പം ബുദ്ധിമുട്ടു തോന്നുമെങ്കിലും മേല്‍പ്പറഞ്ഞ രീതിയില്‍ നടക്കുന്നത് ഏറെ നല്ലതാണ്. കാലിന്റെ രണ്ടു ഭാഗങ്ങള്‍ക്കും നാഡികള്‍ക്കുമെല്ലാം വ്യായാമ ഗുണം ലഭിയ്ക്കും.
നടക്കുമ്പോള്‍
നടക്കുമ്പോള്‍ ചേര്‍ന്ന വസ്ത്രങ്ങളും ഷൂസും ധരിയ്ക്കാന്‍ ശ്രദ്ധിയ്ക്കുക. സ്‌പോട്‌സ് ഷൂ പോലുളളവ ഉപയോഗിയ്ക്കുക. വ്യായാമത്തിന് സഹായകമായ, വായു സഞ്ചാരം ലഭിയ്ക്കുന്ന വിധത്തിലെ വസ്ത്രങ്ങള്‍ ധരിയ്ക്കുക. ഇത് അനായാസം നടക്കാന്‍ സഹായിക്കുന്ന ഒന്നു കൂടിയാണ്. ഇതു പോലെ രാവിലെയോ വൈകീട്ടോ നടക്കുന്നതാണ് കൂടുതല്‍ നല്ലതെന്നു പറയാം. നടക്കുമ്പോള്‍ ശ്വാസോച്ഛാസവും നല്ലതു പോലെ ചെയ്യാന്‍ ശ്രമിയ്ക്കുക. അര മണിക്കൂറെങ്കിലും നടക്കുക. നിങ്ങളുടെ ശരീരം വിയര്‍ക്കണം. ഇതാണ് വ്യായാമം ശരീരത്തിലേശി എന്നതിന്റെ തെളിവ്. തടി കുറയ്ക്കാന്‍ വേണ്ടി നടക്കുന്നവരെങ്കിലും ഇത്തരം കാര്യങ്ങള്‍ ശ്രദ്ധിച്ചാല്‍ ഗുണമുണ്ടാകും. Also read: അനാവശ്യ മറുക് കളയാൻ പ്രകൃതിദത്ത പരിഹാരം