സ്മൂത്തീസ്
രാവിലെ തന്നെ സ്മൂത്തീസ് കഴിക്കുന്നത് വളരെ നല്ലതാണ്. നിങ്ങള്‍ക്ക് പലവിധത്തില്‍ പല രുചിയില്‍ സ്മൂത്തീസ് തയ്യാറാക്കാവുന്നതാണ്. പ്രത്യേകിച്ച് പഴങ്ങളും അതുപോലെ തന്നെ ഹെല്‍ത്തി നട്‌സ് മില്‍ക്കും ചേര്‍ത്ത് നിങ്ങള്‍ക്ക് സ്മൂത്തീസ് തയ്യാറാക്കാം. അതില്‍ തന്നെ ഓട്‌സ് ചേര്‍ത്ത് സ്മൂത്തീസ് തയ്യാറാക്കാവുന്നതാണ്. ഇതില്‍ പഴങ്ങള്‍, നട്‌സ്, ബെറീസ് എന്നിവയെല്ലാം നിങ്ങള്‍ക്ക് ചേര്‍ക്കാവുന്നതാണ്. ഇത് രാവിലെ തന്നെ നിങ്ങള്‍ക്ക് നല്ല എനര്‍ജി നല്‍കാനും അതുപോലെ തന്നെ നിങ്ങള്‍ക്ക് വേണ്ട പോഷകങ്ങള്‍ ലഭിക്കാനും ഇത് സഹായിക്കുന്നുണ്ട്. കൂടാതെ, വിശപ്പ് കുറയ്ക്കാനും അതിലൂടെ ശരീരത്തിലെ ഫാറ്റ് കുറയ്ക്കാനും ഇത് സഹായിക്കുന്നു.
മുട്ട
നിരവധി പോഷകങ്ങളുടെ കലവറയാണ് മുട്ട. മുട്ടയില്‍ ധാരാളം പ്രോട്ടീന്‍ അടങ്ങിയിരിക്കുന്നതിനാല്‍ തന്നെ മുട്ട കഴിച്ച് കഴിയുമ്പോള്‍ അത് നിങ്ങളുടെ വയര്‍ വേഗത്തില്‍ നിറയ്ക്കാന്‍ സഹായിക്കുന്നുണ്ട്. അതുപോലെ, നിങ്ങള്‍ക്ക് ഒരു ദിവസം പ്രവര്‍ത്തിക്കാന്‍ വേണ്ടത്ര എനര്‍ജി നല്‍കാനും ഇത് സഹായിക്കുന്നു. കൂടാതെ, ഇത് നിങ്ങളുടെ ശരീരഭാരം കുറയ്ക്കാനും സഹായിക്കുന്നുണ്ട്. അതിനാല്‍ എന്നും രാവിലെ രണ്ട് പുഴുങ്ങിയ മുട്ട കഴിക്കുന്നത് ആരോഗ്യത്തിന് വളരെ നല്ലതാണ്.
കോട്ടേജ് ചീസ്
രാവിലെ പ്രഭാത ഭക്ഷണത്തില്‍ ഉള്‍പ്പെടുത്താന്‍ പറ്റുന്നതും ഹെല്‍ത്തിയുമായിട്ടുള്ള ഒരു വിഭവമാണ് ചീസ്. ചീസില്‍ ഫാറ്റ് വളരെ കുറവാണ്. എന്നാല്‍, പ്രോട്ടീന്‍ നല്ലപോലെ അടങ്ങിയിരിക്കുന്നതിനാല്‍ തന്നെ ഇത് രാവിലെ പ്രഭാത ഭക്ഷണമായി കഴിക്കുന്നത് വളരെ നല്ലതാണ്. ഇത് നിങ്ങളുടെ വയര്‍ വേഗത്തില്‍ നിറയ്ക്കാന്‍ സഹായിക്കുന്നു. അതുപോലെ തന്നെ അമിതമായി ആഹാരം കഴിക്കാനുള്ള ത്വരയും കുറയ്ക്കുന്നു. ഇതെല്ലാം തന്നെ ശരീരഭാരം കുറയ്ക്കാന്‍ സഹായിക്കുന്നു.
ഫ്രൂട് സാലഡ്
രാവിലെ തന്നെ നല്ല ഫ്രൂട്‌സ് സാലഡ് നിങ്ങളുടെ ആഹാരത്തിന്റെ ഭാഗമാക്കുന്നത് നല്ലതാണ്. ഇത് നിങ്ങളുടെ ശരീരത്തിലേയ്ക്ക് പഴങ്ങളുടെ ഗുണങ്ങള്‍ എത്തിക്കാന്‍ വളരെയധികം സഹായിക്കുന്നുണ്ട്. അതുപോലെ തന്നെ, ഇതില്‍ നാരുകള്‍ അടങ്ങിയിരിക്കുന്നതിനാല്‍ നിങ്ങളുടെ വയര്‍ വേഗത്തില്‍ നിറഞ്ഞ അനുഭൂതി ഉണ്ടാക്കാനും ഇത് സഹായിക്കുന്നു. അതുപോലെ തന്നെ, രാവിലെ നല്ല ഹെല്‍ത്തിയായിരിക്കാനും ഇത് സഹായിക്കുന്നു.
ഓട്‌സ്
ശരീരഭാരം കുറയ്ക്കാന്‍ പലരും ഇന്ന് കഴിക്കുന്ന പ്രധാന വിഭവങ്ങളില്‍ ഒന്നാണ് ഓട്‌സ്. ഓട്‌സില്‍ ധാരാളം നാരുകള്‍ അടങ്ങിയിരിക്കുന്നതിനാല്‍ തന്നെ ഇത് വേഗത്തില്‍ വയര്‍ നിറഞ്ഞ അനുഭൂതി സൃഷ്ടിക്കുന്നു. അതുപോലെ തന്നെ അമിതമായി ആഹാരം കഴിക്കുന്നത് കുറയ്ക്കാനും ഇത് സഹായിക്കുന്നുണ്ട്.
