ഇതില്
ഇതില് ധാരാളം നാരുകളുണ്ട്. ഇതാണു പ്രധാന ഗുണം. ഇതില് എല് ആര്ജിനൈന് എന്ന അമിനോ ആസിഡുണ്ട്. ഇത് കൊഴുപ്പു കത്തിച്ചു കളയാന് ഏറെ നല്ലതാണ്. ഇതു പോലെ കാര്ബോഹൈഡ്രേറ്റുകള് കത്തിച്ചു കളയാനും. ഇത് കുതിര്ത്തി രാവിലെ വെറും വയറ്റില് കഴിയ്ക്കുന്നതാണ് തടി കുറയ്ക്കാന് പറ്റിയ ഒരു രീതി. മറ്റൊന്ന് രാവിലെ 11 മണിയോടെ കഴിയ്ക്കുകയെന്നതാണ്. ഇതിന് കാരണമുണ്ട്.
ഇടവേള
പ്രാതലിനും ഉച്ചഭക്ഷണത്തിനും ഇടയിലെ സമയമാണിത്. ഇടവേള എന്നു പറയാം. ഈ സമയത്ത് വിശക്കുമ്പോള് സ്നാക്സ് കഴിയ്ക്കുന്ന ശീലം പലര്ക്കുമുണ്ട്. പലരും വറുത്തതും പൊരിച്ചതുമായവയോ ബിസ്ക്കറ്റ് പോലുള്ളവയോ കഴിയ്ക്കുന്നു. ഇത് അനാരോഗ്യകരമാണെന്ന് മാത്രമല്ല, തടി കൂടാന് ഇടയാക്കുകയും ചെയ്യുന്നു. എന്നാല് ബദാം ഈ സമയത്ത് കഴിയ്ക്കുമ്പോള് വിശപ്പു മാറുന്നു. ആരോഗ്യകരമായ സ്നാക്സ് കൂടിയാണ് ഇത്. മാത്രമല്ല, ഇതിലെ നാരുകള് അമിതമായ വിശപ്പ് തടഞ്ഞു നിര്ത്തുന്നതിനാല് തന്നെ ഉച്ചഭക്ഷണം വിശപ്പിന്റെ പേരില് അമിതമായി കഴിയ്ക്കുന്നത് ഒഴിവാക്കുകയും ചെയ്യാം.
വെറും വയറ്റില് കഴിയ്ക്കുന്നതും
വെറും വയറ്റില് കഴിയ്ക്കുന്നതും തടി കുറയ്ക്കാന് നല്ലതാണ്. വെറും വയറ്റില് എന്ത് വസ്തുക്കള് കഴിച്ചാലും കുടിച്ചാലും ശരീരത്തില് പെട്ടെന്ന് തന്നെ പിടിയ്ക്കുന്നു. ഇതാണ് വെറും വയറ്റില് കഴിയ്ക്കുന്നത് തടി കുറയ്ക്കാന് സഹായിക്കുന്നുവെന്ന് പറയുന്നത്. ഇതിലെ നാരുകള് തന്നെയാണ് സഹായിക്കുന്നത്. രാവിലെ ഇത് കഴിയ്ക്കുന്നത് നല്ല ശോധനയ്ക്കും ഗുണകരമാണ്. ആവശ്യമായ അളവിൽ ഫൈബർ അടങ്ങിയിട്ടുള്ളതിനാൽ, ഇത് ദഹനത്തെ സഹായിക്കുകയും വായുകോപം, അസിഡിറ്റി തുടങ്ങിയ പ്രശ്നങ്ങൾ ഒഴിവാക്കുകയും ചെയ്യും.
കഴിയ്ക്കുന്ന രീതിയും
കഴിയ്ക്കുന്ന രീതിയും പ്രധാനമാണ്. ഇത് വെള്ളത്തിലിട്ട് കുതിര്ത്തി കഴിയ്ക്കുന്നതാണ് നല്ലത്. ഇതിലെ ഫൈറ്റിക് ആസിഡ് നീക്കം ചെയ്യാനാണ് കുതിര്ത്തുന്നത്. ഫൈറ്റിക് ആസിഡ് ദഹന പ്രശ്നങ്ങള്ക്ക് കാരണമാകും. മാത്രമല്ല, പോഷകങ്ങള് ശരീരം വലിച്ചെടുക്കുന്നതിന് തടസമാകുകയും ചെയ്യും. ഇത് കുതിര്ത്തി കഴിഞ്ഞാല് പിന്നെ തൊലി നീക്കേണ്ട കാര്യമില്ല. തൊലിയ്ക്കടിയാണ് ഇതിന്റെ ആരോഗ്യകരമായ പല പോഷകങ്ങളും അടങ്ങിയിരിയ്ക്കുന്നത്. ഇതുപോലെ ഇവ ഉപ്പു ചേര്ത്തോ എണ്ണ ചേര്ത്തോ വറുത്തു കഴിയ്ക്കുന്നത് ഗുണം നല്കില്ലെന്ന് കൂടി ഓര്ക്കുക.