പാളയംകോടന്‍ പഴം ഇത്തരക്കാര്‍ കഴിയ്ക്കരുത്, കാരണം

കേരളത്തില്‍ ഇതിന്റെ ലഭ്യതയും ഏറെയാണ്. എന്നാല്‍ ഈ പാളയംകോടന്‍ പഴം എല്ലാവര്‍ക്കും പറ്റുന്നതല്ലെന്നതാണ് വാസ്തവം. ചില പ്രത്യേക ആരോഗ്യാവസ്ഥകളുള്ളവര്‍ക്ക് പ്രത്യേകിച്ചും.

ഇത് പല അസ്വസ്ഥകളും ഇത്തരക്കാര്‍ക്കുണ്ടാക്കും. എതെല്ലാം അവസ്ഥകളിലുള്ളവര്‍ക്കാണ് ഇത് കഴിയ്ക്കുന്നത് ഗുണകരമല്ലെന്നറിയൂ.

വായില്‍ പുണ്ണ് അതായത് മൗത്ത് അള്‍സള്‍ വരുന്നവര്‍ക്ക് ഇത് അത്ര നല്ലതല്ല. ഇത് ഈ പ്രശ്‌നം കൂടുതല്‍ ഗുരുതരമാകാന്‍ കാരണമാകും.

പ്രത്യേകിച്ചും അടിക്കടി മൗത്ത് അള്‍സര്‍ വരുന്നവര്‍. ഇത് മ്യൂകസ് പാളിയ്ക്ക് പ്രശ്‌നമുണ്ടാക്കുന്നതിനാലാണ് ഈ പഴം ഇത്തരക്കാര്‍ക്ക് പ്രശ്‌നമാണെന്ന് പറയുന്നത്.

വായിലെ മ്യൂകസ് പാളിയില്‍ ഉണ്ടാകുന്ന പ്രശ്‌നമാണ് അള്‍സറിന് കാരണമാകുന്നത്. അസിഡിറ്റി ഇത്തരക്കാര്‍ക്ക് നല്ലതുമല്ല. ഈ പഴം പൊതുവേ അല്‍പം അസിഡിക്കാണ്. ഇതാണ് പ്രശ്‌നമുണ്ടാക്കുന്നത്.

ഇതു പോലെ അടിക്കടി തൊണ്ടവേദന വരുന്നവരുണ്ട്. പ്രത്യേകിച്ചും അലര്‍ജിയെങ്കില്‍. അലര്‍ജിക് ടോണ്‍സിലൈറ്റിസ് എന്ന പ്രശ്‌നമുള്ളവുണ്ട്. ഇവര്‍ക്ക് തൊണ്ടയില്‍ അലര്‍ജിയും വേദനയും തൊണ്ടകടിയുമെല്ലാം പതിവാണ്.

ഇത്തരക്കാര്‍ പാളയംകോടന്‍ പഴം കഴിയ്ക്കുന്നത് പ്രശ്‌നം കൂടുതല്‍ വഷളാകാന്‍ ഇടയാക്കും. ഇതു പോലെ തന്നെ ജലദോഷവും കോള്‍ഡുമുള്ളവര്‍ ഇത് കഴിയ്ക്കുന്നത് നല്ലതല്ല. ഇത് പൊതുവേ തണുപ്പ് കൂടുതലുള്ള ഒന്നാണ്. ഇതാണ് ഇത്തരം പ്രശ്‌നം കൂടുതല്‍ വഷളാകാന്‍ ഇടയാക്കുന്നത്.

ഇത്തരക്കാര്‍ ഇത് ഒഴിവാക്കുന്നതാണ് നല്ലത്. പ്രത്യേകിച്ചും അലര്‍ജി പ്രശ്‌നങ്ങളുള്ളവര്‍.

ചിലര്‍ക്ക് ഇത് കുടല്‍ ആരോഗ്യത്തിന് നല്ലതല്ല. പലരും ഇത് നല്ല ശോധന നല്‍കുന്നുവെന്ന കാരണത്താല്‍ കൂടുതല്‍ കഴിയ്ക്കുന്ന ഒന്നാണ്. ഇത് കുടലിന് അസ്വസ്ഥതയുണ്ടാക്കുന്നു. അടിയവര്‍ വേദന, കീഴ്‌വായു ശല്യം ഇതുണ്ടാക്കും. ഇത് പൊതുവേ പൈല്‍സ് രോഗികള്‍ക്കും നല്ലതല്ല. ഇത് വിട്ടുമാറാത്ത നെഞ്ചെരിച്ചില്‍, പുളിച്ചു തികട്ടല്‍ പ്രശ്‌നമുണ്ടാക്കുന്ന ഒന്നാണ്. ഇത്തരക്കാരും ഇത് കഴിയ്ക്കാതിരിയ്ക്കുന്നതാണ് നല്ലത്.

ഇതിന്റെ അസിഡിറ്റിയാണ് ഈ പ്രശ്‌നത്തിന് വഴിയൊരുക്കുന്നത്. വയററില്‍ ദഹന സംബന്ധമായ അസ്വസ്ഥതകള്‍ ഉള്ളവര്‍ക്ക് ഇത് അത്ര നല്ലതല്ലെന്നതാണ് വാസ്തവം.

Disclaimer: ഇതില്‍ പറഞ്ഞിരിയ്ക്കുന്ന കാര്യങ്ങള്‍ പൊതുവായ അറിവിലേയ്ക്കാണ്. കൂടുതല്‍ അറിയണമെങ്കില്‍ ആരോഗ്യ വിദഗ്ധനെ സമീപിയ്ക്കുക.