എനര്‍ജി
കോളീന്‍ അടങ്ങിയ ഒന്നാണ് ഓംലറ്റ്. ഇത് ബ്രെയിന്‍ ആരോഗ്യത്തിന് ഏറെ ഉത്തമമാണ്. ഇതിനാല്‍ തന്നെ രാവിലെ ഇത് കഴിയ്ക്കുന്നത് ഏറെ ഗുണകരം. പ്രത്യേകിച്ചും പഠിയ്ക്കുന്ന കുട്ടികള്‍ക്ക്. തലച്ചോറിലെ നെര്‍വുകള്‍ക്കും മറ്റും ഏറെ ഗുണകരമാണ് ഇത്. ഇതു പോലെ ഏറെ ഊര്‍ജം ന്ല്‍കാന്‍ സാധിയ്ക്കുന്ന ഒന്നു കൂടിയാണിത്. ഇതിലെ പ്രോട്ടീനുകള്‍ മസിലുകള്‍, ടിഷ്യൂ എന്നിവയ്ക്ക് ഏറെ നല്ലതാണ്. ഏറെ നേരത്തെ ഇടവേളയ്ക്കു ശേഷം ശരീരത്തിന് ആവശ്യമായ എനര്‍ജിയും ശക്തിയും കൊടുക്കാന്‍ ഓംലറ്റ് പ്രാതലിന് കഴിയ്ക്കുന്നതിലൂടെ സാധിയ്ക്കും. ശരീരത്തിന് എനര്‍ജി ലഭിയ്ക്കാന്‍ ഓംലറ്റ്പ്രാതല്‍ വിഭവമാക്കുന്നത് ഏറെ നല്ലതാണ്.ഒരു ദിവസത്തേയ്ക്കു വേണ്ട മുഴുവന്‍ എനര്‍ജിയും ഇതില്‍ നിന്നും ലഭ്യമാകും.
പ്രതിരോധശേഷി
ഓംലറ്റ് ശരീരത്തിന് ആരോഗ്യം നല്‍കും, പ്രതിരോധശേഷിയും. മുട്ടയിലെ പ്രോട്ടീനുകളും മറ്റു വൈറ്റമിനുകളുമെല്ലാം നല്‍കുന്ന ഗുണമാണിത്. എല്ലിന്റെ ആരോഗ്യത്തിന് ഇതിലെ കാല്‍സ്യം, വൈറ്റമിന്‍ ഡി എന്നിവ സഹായിക്കുന്നു.അനീമിയയ്ക്കുള്ള നല്ലൊരു പ്രതിവിധിയാണ് ഓംലറ്റ് പ്രാതലിന് ഉള്‍പ്പെടുത്തുന്നത്. ഓംലറ്റ് പ്രാതലിന്കഴിക്കുന്നതിലൂടെ ശരീരത്തില്‍ കാത്സ്യത്തിന്റെ അളവ് വര്‍ധിക്കാന്‍ സഹായകമാണ്. വിറ്റാമിന്‍ ഡി ധാരാളം അടങ്ങിയിട്ടുള്ള ഒന്നാണ് മുട്ട. കാത്സ്യത്തിന്റെ അളവ് ശരീരത്തില്‍ വര്‍ധിക്കുന്നതോടെ എല്ലുകള്‍ക്കും പല്ലുകള്‍ക്കും ആരോഗ്യം ലഭിക്കും.
തടി കുറയ്ക്കാന്‍
തടി കുറയ്ക്കാന്‍ നോക്കുന്നവര്‍ക്ക് പറ്റിയ ഏറ്റവും നല്ല പ്രാതലാണിത്. ഇതില്‍ ധാരാളം പച്ചക്കറികള്‍, കുരുമുളക്, ആരോഗ്യകരമായ കുറവ് എണ്ണ എന്ന ചേര്‍ത്ത് പാകം ചെയ്യുക. ഇത് ഏറെ ഗുണം നല്‍കും. പ്രോ്ട്ടീന്‍ സമ്പുഷ്ടമായ ഇത് വയര്‍ പെട്ടെന്നു നിറയാന്‍ സഹായിക്കും. അതേ സമയം ശരീരത്തിന് ആവശ്യമായ പോഷകങ്ങള്‍ ലഭിയ്ക്കുകയും ചെയ്യും. ഇതില്‍ കുരുമുളകിനൊപ്പം ജീരകം, ചുവന്ന മുളക് പൊടി എന്നിവ ചേര്‍ത്ത് തയ്യാറാക്കുന്നത് തടി കുറയ്ക്കാന്‍ ഏറെ നല്ലതാണ്. ഇത് ഒലീവ് ഓയില്‍, കടുകെണ്ണ, വെളിച്ചെണ്ണ എന്നിങ്ങനെയുള്ള ഓയിലുകളില്‍ പാകം ചെയ്യന്നതാണ് തടി കുറയ്ക്കാന്‍ സഹായിക്കുന്നത്.
കണ്ണിന്റെ ആരോഗ്യത്തിന്
കണ്ണിന്റെ ആരോഗ്യത്തിന് ഏറ്റവും നല്ല മാര്‍ഗമാണ് ഭക്ഷണ ക്രമീകരണത്തില്‍ ഓംലറ്റ് കൂടി ഉള്‍പ്പെടുത്തുക എന്നത്. കണ്ണിന്റെ കാഴ്ച ശക്തി വര്‍ധിപ്പിക്കാന്‍ മുട്ട സഹായിക്കും. മുട്ടയില്‍ അടങ്ങിയിട്ടുള്ള വിറ്റാമിന്‍ എ യാണ് ഇതിന് പിന്നില്‍. കൂടാതെ മുട്ടയില്‍ അടങ്ങിയിട്ടുള്ള ലൂട്ടെയ്ന്‍ കണ്ണിന്റെ ആരോഗ്യത്തെ വളരെ അധികം സഹായിക്കും. ഇത് ഇരുട്ടത്തും കാഴ്ച ശക്തി വര്‍ധിപ്പിക്കാന്‍ സഹായിക്കുന്നു.പ്രമേഹത്തിന്റെ അളവ് കൃത്യമാക്കാന്‍ മുട്ട സഹായിക്കുന്നു എന്നാണ് ആരോഗ്യ വിദഗ്ദര്‍ പറയുന്നത്. ദിവസവും മുട്ട കഴിക്കുന്നതിലൂടെ പ്രമേഹത്തിന്റെ അളവ് പെട്ടെന്ന് തന്നെ കുറച്ച് കൃത്യമാക്കാന്‍ സഹായിക്കുന്നു.
