എള്ള്
എള്ള് കുതിര്‍ത്ത് കഴിയ്ക്കുന്നതാണ് ആരോഗ്യപരമായ ഗുണങ്ങള്‍ക്ക് നല്ലത്.എള്ള് കുതിര്‍ത്തു കഴിയ്ക്കണം എന്നു പറയുന്നതിന് കാരണമുണ്ട്. എള്ളില്‍ ഫൈറ്റിക് ആസിഡ് അടങ്ങിയിട്ടുണ്ട്. ഇത് ശരീരത്തില്‍ ഇതേ രൂപത്തില്‍ എത്തുന്നത് മറ്റു പോഷകങ്ങള്‍ ആഗിരണം ചെയ്യുന്നതിന് തടസമായി നില്‍ക്കുന്നു. എള്ള് കുതിര്‍ത്തു കഴിയുമ്പോള്‍ ഇതിലെ ഫൈററിക് ആസിഡ് നീങ്ങുന്നു. ഇതാണ് ഇത് കുതിര്‍ത്ത് കഴിയ്ക്കണം എന്നു പറയുന്നതിന്റെ കാര്യം.
ആര്‍ത്തവ സംബന്ധമായ
ആര്‍ത്തവ സംബന്ധമായ പല പ്രശ്‌നങ്ങള്‍ക്കുമുള്ള നല്ലൊരു പരിഹാരമാണ് എള്ള്. ആര്‍ത്തവ സമയത്ത് സ്ത്രീകള്‍ എള്ളിനൊപ്പം ശര്‍ക്കര ചേര്‍ത്ത് കഴിയ്ക്കുന്നത് ഏറെ ഗുണകരമാണ്. സ്ത്രീ ഹോര്‍മോണായ ഈസ്ട്രജന്‍ ഇതില്‍ ധാരാളമുണ്ട്. ഇതാണ് ഗുണകരമാകുന്നത്. സ്ത്രീകളില്‍ സ്തനാര്‍ബുദ സാധ്യത കുറയ്ക്കാന്‍ സഹായിക്കുന്ന ഒന്നു കൂടിയാണ് എള്ള്. ഇത് ഡിഎന്‍എയ്ക്കുണ്ടാകുന്ന ക്രമക്കേടുകള്‍ തടയാനും കോശങ്ങള്‍ക്ക് സംഭവിയ്ക്കുന്ന മാറ്റങ്ങള്‍ തടയാനുമെല്ലാം നല്ലതാണ്.
ചര്‍മത്തിലെ
ചര്‍മത്തിലെ രോഗകാരികളായ സ്റ്റാഫൈലോകോക്കസ്, സ്ട്രെപ്റ്റോകോക്കസ്, സാധാരണ ചർമ്മ ഫംഗസുകൾ എന്നിവ ഒഴിവാക്കാൻ ഇതിന്റെ ആൻറി ബാക്ടീരിയൽ ഗുണങ്ങൾ സഹായിക്കുന്നു. എള്ള് എണ്ണ ചെറുചൂടുള്ള വെള്ളത്തിൽ കലർത്തി ഉപയോഗിച്ചാല്‍ യോനിയിലെ യീസ്റ്റ് അണുബാധ നിയന്ത്രിക്കാം.തിളങ്ങുന്ന ചര്‍മമെന്ന ഗുണം നല്‍കുന്ന ഒന്നു കൂടിയാണിത്. മുഖത്ത് രക്തപ്രസാദമുണ്ടാക്കുന്ന നല്ലൊരു വഴി.രക്തവും പോഷണവും കൊണ്ടുവന്ന് ചര്‍മത്തിന് ഇത് ധാരാളം ഗുണങ്ങൾ നൽകുന്നു. സൂര്യന്റെ ദോഷകരമായ അൾട്രാവയലറ്റ് രശ്മികൾ ചര്‍മത്തെ നശിപ്പിക്കുന്നതിൽ നിന്ന് ഇത് തടയുന്നു, അങ്ങനെ ചുളിവുകളും പിഗ്മെന്റേഷനും ഉണ്ടാകുന്നത് തടയുന്നു.
ഇതില്‍
ഇതില്‍ കാല്‍സ്യവും സിങ്കുമെല്ലാം അടങ്ങിയിട്ടുണ്ട്.ധാരാളം കോപ്പര്‍ അടങ്ങിയ ഒന്നാണ് എള്ള്. ഇതുകൊണ്ടുതന്നെ വാതം പോലുള്ള പ്രശ്‌നങ്ങള്‍ക്കും അത്യുത്തമമാണ്.സ്ത്രീകളില്‍ എല്ലു തേയ്മാനം പോലുളള രോഗങ്ങള്‍ ആര്‍ത്തവ വിരാമ ശേഷം പതിവാണ്. ഇത് ഒഴിവാക്കാന്‍ നല്ലതാണ് എള്ള്. എല്ലിന്റെ ആരോഗ്യത്തിന് ഏറെ ഗുണകരമാണിത്. എല്ലുതേയ്മാനം പോലുള്ള രോഗങ്ങള്‍ വരുന്നതു തടയാന്‍ ഇതേറെ ഗുണം നല്‍കും.