Sesame Seeds: ഒരു സ്പൂണ്‍ എള്ള് ദിവസവും കുതിര്‍ത്തു കഴിയ്ക്കാം, ഗുണം

എള്ള് കുതിര്‍ത്തു കഴിയ്ക്കണം എന്നു പറയുന്നതിന് കാരണമുണ്ട്. എള്ളില്‍ ഫൈറ്റിക് ആസിഡ് അടങ്ങിയിട്ടുണ്ട്. ഇത് ശരീരത്തില്‍ ഇതേ രൂപത്തില്‍ എത്തുന്നത് മറ്റു പോഷകങ്ങള്‍ ആഗിരണം ചെയ്യുന്നതിന് തടസമായി നില്‍ക്കുന്നു. എള്ള് കുതിര്‍ത്തു കഴിയുമ്പോള്‍ ഇതിലെ ഫൈററിക് ആസിഡ് നീങ്ങുന്നു. ഇതാണ് ഇത് കുതിര്‍ത്ത് കഴിയ്ക്കണം എന്നു പറയുന്നതിന്റെ കാര്യം.ഇതില്‍ ധാരാളം കാല്‍സ്യം, ഫോസ്ഫറസ്, മഗ്നീഷ്യം എന്നിവ അടങ്ങിയിട്ടുണ്ട്.

എല്ലിന്റെ ആരോഗ്യത്തിന് ഏറെ ഗുണകരമാണിത്. എല്ലുതേയ്മാനം പോലുള്ള രോഗങ്ങള്‍ വരുന്നതു തടയാന്‍ ഇതേറെ ഗുണം നല്‍കും. ഇതില്‍ കാല്‍സ്യവും സിങ്കുമെല്ലാം അടങ്ങിയിട്ടുണ്ട്.ധാരാളം കോപ്പര്‍ അടങ്ങിയ ഒന്നാണ് എള്ള്. ഇതുകൊണ്ടുതന്നെ വാതം പോലുള്ള പ്രശ്‌നങ്ങള്‍ക്കും അത്യുത്തമമാണ്.സ്ത്രീകളില്‍ എല്ലു തേയ്മാനം പോലുളള രോഗങ്ങള്‍ ആര്‍ത്തവ വിരാമ ശേഷം പതിവാണ്. ഇത് ഒഴിവാക്കാന്‍ നല്ലതാണ് എള്ള്.

എള്ളില്‍ ആന്റിഓക്‌സിന്റുകള്‍ ധാരാളമുണ്ട്. ഇത് ഓക്‌സിഡേറ്റീവ് നാശം കുറയ്ക്കാന്‍ സഹായിക്കും. ഇതുവഴി ലിവറിന്റെ ആരോഗ്യത്തിനും ഉത്തമമാണ്.എള്ളില്‍ അയേണ്‍ അംശം ധാരാളമുണ്ട്. ഇതുകൊണ്ടുതന്നെ ഇത് വിളര്‍ച്ച പോലുള്ള പ്രശ്‌നങ്ങള്‍ക്കുള്ള സ്വാഭാവിക പരിഹാരവുമാണ്. ദിവസവും ഒരു ടേബിള്‍സ്പൂണ്‍ എള്ള് കുതിര്‍ത്തോ മുളപ്പിച്ചോ കഴിയ്ക്കുന്നതും നല്ലതാണ്. അനീമിയ പോലുളള പ്രശ്‌നങ്ങളെങ്കില്‍ ഇത് കഴിയ്ക്കുന്നത് ഗുണം നല്‍കും. ദഹനേന്ദ്രിയ ആരോഗ്യത്തിനും ഇതേറെ നല്ലതാണ്.

സ്ത്രീകള്‍ക്ക് എള്ള് ഏറെ നല്ലതാണ്. പ്രത്യേകിച്ചും ആര്‍ത്തവ സമയത്ത്. ഇതിലെ അയേണ്‍ രക്തനഷ്ടം കാരണമുള്ള വിളര്‍ച്ച തടയുന്നു. ആര്‍ത്തവ ക്രമക്കേടുകള്‍ക്ക് ഇത് നല്ലതാണ്. ഇതിലെ ഈസ്ട്രജനാണ് ഗുണം നല്‍കുന്നത്. ഇത് പെട്ടെന്ന് ആര്‍ത്തവം വരാന്‍ സഹായിക്കുന്നു. ആര്‍ത്തവ സമയത്ത് സ്ത്രീകള്‍ എള്ളിനൊപ്പം ശര്‍ക്കര ചേര്‍ത്ത് കഴിയ്ക്കുന്നത് ഏറെ ഗുണകരമാണ്. സ്ത്രീകളില്‍ സ്തനാര്‍ബുദ സാധ്യത കുറയ്ക്കാന്‍ സഹായിക്കുന്ന ഒന്നു കൂടിയാണ് എള്ള്. ഇത് ഡിഎന്‍എയ്ക്കുണ്ടാകുന്ന ക്രമക്കേടുകള്‍ തടാനും കോശങ്ങള്‍ക്ക് സംഭവിയ്ക്കുന്ന മാറ്റങ്ങള്‍ തടയാനുമെല്ലാം നല്ലതാണ്.

എള്ള് ആന്റിഓക്‌സിഡന്റുകളാൽ സമ്പുഷ്ടമാണ്, ആൻറി ബാക്ടീരിയൽ, ആൻറിവൈറൽ ഗുണങ്ങൾ ഉണ്ട്. രക്തവും പോഷണവും കൊണ്ടുവന്ന് ചര്‍മത്തിന് ഇത് ധാരാളം ഗുണങ്ങൾ നൽകുന്നു. എള്ളില്‍ ഒമേഗ -6, കാൽസ്യം, മഗ്നീഷ്യം, ഫോസ്ഫറസ്, ഇരുമ്പ്, വിറ്റാമിൻ ബി, ഇ എന്നിവ അടങ്ങിയിട്ടുണ്ട്. സൂര്യന്റെ ദോഷകരമായ അൾട്രാവയലറ്റ് രശ്മികൾ ചര്‍മത്തെ നശിപ്പിക്കുന്നതിൽ നിന്ന് ഇത് തടയുന്നു, അങ്ങനെ ചുളിവുകളും പിഗ്മെന്റേഷനും ഉണ്ടാകുന്നത് തടയുന്നു. ഒട്ടും ചെലവില്ലാതെ മുഖം മിനുക്കാം, ഐസ് ക്യൂബ് മസ്സാജ് ചെയ്തോളൂ