എന്നാല്‍ തൈര് കഴിയ്ക്കുന്ന കാര്യത്തിലും പ്രത്യേക ശ്രദ്ധ വേണം ഇത് ആരോഗ്യകരമായ രീതിയില്‍ കഴിയ്ക്കാന്‍ ചില വഴികളുണ്ട്. തൈര് ഉപയോഗിയ്ക്കുമ്പോള്‍ ഇത് അനാരോഗ്യകരമാകുന്ന വഴികളുമുണ്ട്.
വേനല്‍ക്കാലത്ത്
വേനല്‍ക്കാലത്ത് തൈരിന് പ്രധാന്യമേറും. കാരണം വേനല്‍ച്ചൂടില്‍ ശരീരം തണുപ്പയ്ക്കാന്‍ ഇതേറെ നല്ലതാണ്. ദഹന പ്രശ്‌നങ്ങള്‍ വേനലില്‍ സാധാരണയാണ്. ഇതിനുള്ള നല്ലൊരു പരിഹാരം കൂടിയാണ് തൈര് എന്നത്.
തൈര് വയറും കുടലുമെല്ലാം തണുപ്പിയ്ക്കുന്ന ഒന്നാണ്. എന്നാല്‍ ഇത് കൂടുതല്‍ ഗുണം നല്‍കാന്‍ വേണ്ടി കഴിയ്‌ക്കേണ്ട ചില രീതികളുണ്ട്. ഇതില്‍ ചെറുപയര്‍, തേന്‍, നെയ്യ്, നെല്ലിക്ക, അല്‍പം പഞ്ചസാര എന്നിവ ചേര്‍ത്ത് കഴിയ്ക്കുന്നത് നല്ലതാണ്.
ഉപ്പ് ചേര്‍ത്ത്
പഞ്ചസാര ആരോഗ്യത്തിന് പൊതുവേ ദോഷമാണെങ്കിലും ചൂടുകാലത്ത് ലസ്സിയായി കഴിയ്ക്കുന്നത് ഗുണം നല്‍കും. മിതമായി മാത്രം ചേര്‍ക്കണമെന്നു മാത്രം. ഇതു പോലെ ഉപ്പ് ചേര്‍ത്ത് യാതൊരു കാരണവശാലും ഉപ്പ് ചേര്‍ത്ത് തൈര് കഴിയ്ക്കരുത്. ഇത് ശരീരത്തെ കൂടുതല്‍ ചൂടാക്കുന്നതാണ് കാരണം. പല ചര്‍മ പ്രശ്‌നങ്ങളും മുടിയുടെ അനാരോഗ്യത്തിനുമെല്ലാം ഇത് ഇടയാക്കും. അകാലനരയ്ക്കും മുടി കൊഴിച്ചിലിനും ഇടയാക്കുന്ന ഒന്നാണ് തൈരില്‍ ഉപ്പ് ചേര്‍ത്ത് കഴിയ്ക്കുന്നത്.
ഉപ്പ് പൊതുവേ പഞ്ചസാരയുടെ പോലെ തന്നെ അനാരോഗ്യകരമായ ഒന്നാണ്. തൈരിന്റെ ആരോഗ്യ ഗുണം കളയുന്ന ഒന്നാണ് ഉപ്പ് ചേര്‍ക്കുന്നത്. ബിപി സാധ്യതകള്‍ വര്‍ദ്ധിപ്പിയ്ക്കുന്ന ഒന്നു കൂടിയാണിത്.
രാത്രിയില്‍ തൈര്
രാത്രിയില്‍ തൈര് കഴിയ്ക്കരുതെന്നും ആയുര്‍വേദം പറയുന്നു. ഇത് കഫ ശല്യം വര്‍ദ്ധിപ്പിയ്ക്കുമൈന്നതാണ് കാരണമായി പറയുന്നത്.
രാത്രിയില്‍ തൈര് കഴിയ്ക്കണമെന്ന് നിര്‍ബന്ധമെങ്കില്‍ ഇതില്‍ അല്‍പം മധുരവും കുരുമുളക് പൊടിയും ചേര്‍ക്കുന്നത് നല്ലതാണ്. ഇതല്ലെങ്കില്‍ മോരായി കുടിയ്ക്കാം. വേനലില്‍ ചോറില്‍ തൈര് ചേര്‍ത്ത് കഴിയ്ക്കുന്നതും തൈര് സാദം പോലുള്ളവ കഴിയ്ക്കുന്നതുമെല്ലാം തന്നെ വയറിന്റെ ആരോഗ്യത്തിന് ഉത്തമമാണ്.
സംഭാരം
തടി കൂടുമെന്ന് ഭയമുള്ളവര്‍ കൊഴുപ്പ് കളഞ്ഞ തൈരുല്‍പ്പന്നങ്ങള്‍ കഴിയ്ക്കുന്നതാണ് നല്ലത്. ഇതു പോലെ വേനല്‍ക്കാലത്ത് സംഭാരം പോലുള്ളവ കഴിയ്ക്കുന്നതും നല്ലതാണ്. എല്ലുകളുടെ ബലത്തിന്, തലച്ചോറിന്റെ ആരോഗ്യത്തിന്, കുടല്‍ ആരോഗ്യത്തിന് എല്ലാം മികച്ചതാണ് തൈര്.