ഹൃദയത്തിലേയ്ക്കുള്ള രക്തപ്രവാഹം
ഹൃദയത്തിലേയ്ക്കുള്ള രക്തപ്രവാഹം കുറയുമ്പോള്‍ ഇതേ രീതിയില്‍ നീരുണ്ടാകാറുണ്ട്. ഹൃദയം രക്തം പമ്പ് ചെയ്യാതിരിയ്ക്കുന്ന അവസ്ഥയില്‍ ഇതുണ്ടാകാം. രക്തപ്രവാഹം കുറയുമ്പോള്‍ കാലുകളില്‍ നീരുണ്ടാകും. ഇതു പോലെ തന്നെ കൈകാലുകളിലെ ഞരമ്പുകൡ രക്തം കട്ടി പിടിയ്ക്കുന്ന അവസ്ഥയുണ്ട്. ഇതാണ് ഡീപ് വെയിന്‍ ത്രോംബോസിസ് എന്നു പറയുന്നു. അടിയന്തിരമായി വൈദ്യസഹായം തേടേണ്ടി വരുന്ന ഈ അവസ്ഥയുടെ പ്രധാനപ്പെട്ട ലക്ഷണങ്ങളിലൊന്ന് കണങ്കാലുകളിലുള്ള നീരാണ്.
ഹൈപ്പോതൈറോയ്ഡ്
ഹൈപ്പോതൈറോയ്ഡ് രോഗ ലക്ഷണം കൂടിയാണ് കണങ്കാലില്‍ ഉണ്ടാകുന്ന ഇത്തരം നീര്. തൈറോയ്ഡ് ഗ്രന്ഥി ആവശ്യത്തിന് ഹോര്‍മോണ്‍ ഉല്‍പാദിപ്പിയ്ക്കാത്ത അവസ്ഥയാണ് ഇത്. ഇതിന്റെ പ്രധാന ലക്ഷണങ്ങളില്‍ ഒന്നായി കാലുകളിലെ നീരിനെ പറയാം. ഇതു പോലെ തന്നെ സെല്ലുലൈറ്റിസ് എന്ന ചര്‍മത്തിലുണ്ടാകുന്ന അണുബാധയും ഇത്തരം നീരിന് കാരണമാകാം. കാലുകളില്‍ നീര്, ചര്‍മത്തിന് ചുവന്ന നിറം, പുകച്ചില്‍ തുടങ്ങിയവ ഇതിന്റെ ലക്ഷണങ്ങളാണ്. ആന്റി ബയോട്ടിക്‌സ് ആവശ്യമായി വരുന്ന ഒരു രോഗമാണിത്. മെഡിക്കല്‍ സഹായം വേണ്ട ഒന്ന്.
വൃക്ക
വൃക്കയുടെ പ്രവര്‍ത്തന തകരാറുകള്‍ വരുമ്പോള്‍ കാണുന്ന പ്രധാന ലക്ഷണങ്ങളില്‍ ഒന്നാണ് കണങ്കാലിലെ നീര്. വൃക്കയുടെ പ്രവര്‍ത്തനം മന്ദീഭവിയ്ക്കുന്ന അവസ്ഥയാണിത്. കാലിലെ ഇത്തരം നീര് അസാധാരണമായി കണ്ടാല്‍ വൃക്കയുടെ ആരോഗ്യാവസ്ഥയെ കുറിച്ച് വിശദ പരിശോധന നടത്തണം. ഇതു പോലെ തന്നെ കരള്‍ രോഗ ലക്ഷണം കൂടിയാണിത്. കരള്‍ ഉല്‍പാദിപ്പിയ്ക്കുന്ന ആല്‍ബുമിനാണ് കരളിനേയും വൃക്കകളേയും ആരോഗ്യത്തോടെ സംരക്ഷിയ്ക്കുന്നത്. കരള്‍ പ്രവര്‍ത്തനം തകരാറിലാകുമ്പോള്‍ ആല്‍ബുമിന്‍ ഉല്‍പാദനം കുറയും. ഇത് കാലുകളിലേയ്ക്ക് രക്തധമനികളില്‍ നിന്നുള്ള ദ്രാവകച്ചോര്‍ച്ചയ്ക്ക് ഇടയാക്കും. ഈ ദ്രാവകമാണ് കണങ്കാല്‍ നീരിന് കാരണമാകുന്നത്.
ഗര്‍ഭാവസ്ഥയില്‍
ഗര്‍ഭാവസ്ഥയില്‍ കാല്‍വണ്ണയില്‍ ഇത്തരം നീരുണ്ടാകുന്നത് സാധാരണയാണ്. പ്രീം ക്ലാംസിയ എന്ന അവസ്ഥയുടെ ലക്ഷണം കൂടിയായതിനാല്‍ ഇത് വിട്ടുകളയാന്‍ പറ്റിയ ഒന്നുമല്ല. ബിപി കൂടുന്നതും മൂത്രത്തിലെ പ്രോട്ടീന്‍ ഉയരുന്നതുമെല്ലാം പ്രീ ക്ലാംസിയ എന്ന അവസ്ഥയ്ക്ക് കാരണമാകും. കാലുകളിലെ നീരിന് പുറമേ തലവേദന, കാഴ്ച പ്രശ്‌നം, തൂക്കം വല്ലാതെ കൂടുക എന്നിവയും ഇതിന്റെ ഭാഗമായി ഉണ്ടാകാം. ഇത് അമ്മയുടേയും കുഞ്ഞിന്റെയും ആരോഗ്യത്തെ ഒരുപോലെ ബാധിയ്ക്കുന്ന അവസ്ഥയാണ്. ഇതല്ലാതെ കാലിലെ ഞരമ്പുകള്‍ക്കുണ്ടാകുന്ന ഉളുക്കും ക്ഷതവുമെല്ലാം തന്നെ ഇത്തരം നീരിന് കാരണമാകാം.