ദോഷങ്ങള്‍ എന്തെല്ലാം
ഒരു സ്ത്രീ ഗര്‍ഭിണിയായിരിക്കുമ്പോഴാണ് തന്റെ ആരോഗ്യം ഏറ്റവും കൂടുതല്‍ ശ്രദ്ധിക്കേണ്ടത്. പ്രത്യേകിച്ച്, രക്തസമ്മര്‍ദ്ദം കൂടുകയാണെങ്കില്‍ അതിനനുസരിച്ചുള്ള പ്രതിരോധങ്ങള്‍ തീര്‍ക്കേണ്ടതും അനിവാര്യമാണ്. ഇത്തരത്തില്‍ ചെയ്യാതിരുന്നാല്‍അത് അമ്മയ്ക്ക് മാത്രമല്ല, കുട്ടിയുടെ ആരോഗ്യത്തിനും പലതരത്തിലുള്ള പ്രശ്‌നങ്ങള്‍ ഉണ്ടാക്കിയെടുക്കുന്നുണ്ട്. അത്തരത്തില്‍ എന്തെല്ലാം പ്രശ്‌നങ്ങളാണ് നേരിടേണ്ടി വരുന്നതെന്നും എന്തെല്ലാം ശ്രദ്ധിക്കണമെന്നും ഭദ്രവട്ടി നയന ഹോസ്പിറ്റലിലെ ഗൈനക്കോളജിസ്റ്റ് ഡോ. വീണ ഭട്ട് പറയുന്നത് നോക്കാം.
1. മറുപിള്ളിയിലേയ്ക്കുള്ള രക്തപ്രവാഹം കുറയുന്നു
ഗര്‍ഭിണിയായിരിക്കുന്ന അവസ്ഥയില്‍ ഉയര്‍ന്ന രക്ത സമ്മര്‍ദ്ദമുണ്ടെങ്കില്‍ ഇത് മറുപിള്ളിയിലേയ്ക്ക് രക്തം ഒഴുകുന്നത് കുറയുന്നതിന് കാരണമാകുന്നു. ഇത്തരത്തില്‍ രക്തപ്രവാഹം കുറയുന്നത് കുട്ടിയുടെ ആരോഗ്യത്തെ ബാധിക്കും. കുട്ടിക്ക് വേണ്ട ഓക്‌സിജനും ന്യൂട്രീഷനും ലഭിക്കാതിരിക്കുകയും ഇത് കുട്ടിയുടെ വളര്‍ച്ചയേയും കാര്യമായി ബാധിക്കും. ഇത്തരം അവസ്ഥയുണ്ടാകുമ്പോള്‍ മാസംതികയുന്നതിനു മുന്‍പേ പ്രസവിക്കുവാനുമുള്ള സാധ്യതയും കൂടുതലാണ്. ഇത് കുട്ടിയുടെ ജീവനും അമ്മയുടെ ആരോഗ്യത്തിനും ദോഷമായി ഭവിക്കും.
2. ഹൈപ്പര്‍ടെന്‍ഷനിലേയ്ക്ക് നയിക്കുന്നു
സാധാരണഗതിയില്‍ 20 ആഴ്ച്ചകള്‍ക്കുശേഷം മാത്രമാണ് ഗര്‍ഭിണികളില്‍ഹൈപ്പര്‍ടെന്‍ഷന്‍ കണ്ടുവരുന്നത്. ഇത്തരത്തില്‍ ഗര്‍ഭിണികളില്‍ ഹൈപ്പര്‍ടെന്‍ഷന്‍ ഉണ്ടായാല്‍ പ്രസവ സമയത്ത് മറുപിള്ള പുറത്ത് വരുന്നതിന് ബുദ്ധിമുട്ടനുഭവപ്പെടും. ഇത് അമിതമായ രക്തപ്രവാഹത്തിനു കാരണമാകും. ഇത്തരത്തില്‍ രക്തം പോകുന്നത് അമ്മയുടെ ജീവനും കുട്ടിയുടെ ജീവനും ആപത്താണ്.
Also Read: രക്തസമ്മര്‍ദ്ദം കുറയ്ക്കാന്‍ ആയുര്‍വേദ പരിഹാരം
3. ശരീരത്തിലെ മറ്റു അവയവങ്ങനെ അപകടത്തിലാക്കുന്നു
പ്രസവ സമയത്ത് ശരീരം വളരെ ദുര്‍ബലമായിരിക്കും. അതുകൊണ്ടുതന്നെ ഉയര്‍ന്ന രക്തസമ്മര്‍ദ്ദമുണ്ടെങ്കില്‍ അത് ശരീരത്തിലെ മറ്റ് അവയവങ്ങള്‍ക്ക് ക്ഷതമേല്‍പ്പിക്കുന്നു. അതേപോലെതന്നെ തലച്ചോര്‍, ശ്വാസകോശം, വൃക്ക, കരള്‍ എന്നവയ്‌ക്കെല്ലാം ക്ഷതമുണ്ടാകുന്നതിനും ഇത് കാരണമാകാം.
4. ഭാവിയില്‍ പല ബുദ്ധിമുട്ടുകളുണ്ടാകാം
ആദ്യപ്രസവ സമയത്ത് ഉയര്‍ന്ന രക്തസമ്മര്‍ദ്ദ മുണ്ടായവര്‍ക്ക് രണ്ടാമത്തെ പ്രസവ സമയത്തും ഉയര്‍ന്ന രക്ത സമ്മര്‍ദ്ദമുണ്ടാകുവാനുള്ള സാധ്യതകളേറെയാണ്. അതുകൊണ്ടുതന്നെ ആദ്യം ഉണ്ടായ സമയത്തുതന്നെ ഇതിനുവേണ്ടത്ര ചികിത്സ നല്‍കിയില്ലെങ്കില്‍ പ്രശ്‌നം കൂടുതല്‍ ഗുരുതരമാകും.
5. കുട്ടിയേയും ബാധിക്കാം
ഗര്‍ഭിണിയായിരിക്കുമ്പോള്‍ ഉയര്‍ന്ന രക്തസമ്മര്‍ദ്ദമുണ്ടെങ്കില്‍ കുട്ടിക്ക് 37 ആഴ്ച്ചയാകുമ്പോഴേയ്ക്കും പ്രസവിക്കുവാനുള്ള സാധ്യത കൂടുതലാണ്. മാത്രവുമല്ല കുട്ടിക്ക് വളര്‍ച്ചയും കുറവായിരിക്കും. പ്രയത്തിനൊത്ത തുക്കവും കുറവായിരിക്കും. നിങ്ങള്‍ക്ക് നല്ല രീതിയില്‍ ഹൈപ്പര്‍ ടെന്‍ഷന്‍ ഉണ്ടെങ്കില്‍ ഗര്‍ഭപാത്രത്തില്‍വെച്ചുതന്നെ കുട്ടി മരിച്ചുപോകുവാനുള്ള സാധ്യതയുമുണ്ട്. ചിലപ്പോള്‍ പ്രസവിച്ചാലും 28 ദിവസത്തിനുള്ളില്‍ തന്നെ കുട്ടി മരിക്കുവാനും സാധ്യത ഏറെയാണ്.
അതുകൊണ്ടുതന്നെ ഗര്‍ഭിണികളില്‍ ഉയര്‍ന്ന രക്തസമ്മര്‍ദ്ദമുണ്ടെങ്കില്‍ ചികിത്സിക്കേണ്ടത് അനിവാര്യമാണ്. ഗര്‍ഭിണിയാണെന്നറിയുന്നതുമുതല്‍ കൃത്യമായി ഡോക്ടറെ കണ്ട് വേണ്ട മരുന്നും സുരക്ഷിതത്വവും ഉറപ്പാക്കണം.