മൂത്രത്തിലെ പതയും കുമിളയും കിഡ്‌നി രോഗത്തിന്റെ സൂചന

മൂത്രത്തിന്റെ നിറം കിഡ്‌നി പ്രശ്‌നങ്ങളുടെ സൂചന നല്‍കുന്ന ഒന്നാണ്. കടുത്ത നിറത്തിലെ മൂത്രം, മൂത്രമൊഴിയ്ക്കുവാന്‍ പ്രയാസം , മൂത്രം നേര്‍ത്തു കട്ടി കുറഞ്ഞ് പോകുക, കട്ടി കൂടിയ മൂത്രംകുറച്ചു മാത്രം പല തവണയായി പോകുക, മൂത്രത്തിന് കട്ടന്‍ ചായയെ പോലെ കടുത്ത നിറം, മൂത്രത്തില്‍ രക്തം കാണുക എന്നിവയെല്ലാം ഇതില്‍ പെടും. മൂത്രത്തില്‍ പത വരികയോ കുമിളകള്‍ ഉണ്ടാകുകയോ ചെയ്യുമ്പോഴും ശ്രദ്ധിയ്ക്കുക. കിഡ്‌നിയില്‍ കൂടുതല്‍ പ്രോട്ടീന്‍ വരുന്നത് പ്രോട്ടിന്യൂറിയ എന്ന അവസ്ഥയെ സൂചിപ്പിയ്ക്കുന്നു. ഇതാണ് മൂത്രത്തില്‍ പതയും കുമിളകളും വരാനുളള ഒരു കാരണം. മൂത്രമൊഴിക്കുമ്പോൾ, മൂത്രത്തിൽ അമിതമായ കുമിളകളുണ്ടെങ്കിൽ, അത് ടോയിലറ്റിൽ നിന്ന് പോകാനായി പലതവണ ഫ്ലഷ്‌ ചെയ്യേണ്ടതുണ്ടെങ്കിൽ, ഇത് വൃക്കരോഗത്തിന്റെ ലക്ഷണമാണ്, കാരണം ഇത് മൂത്രത്തിലെ പ്രോട്ടീനിനെ ആണ് സൂചിപ്പിക്കുന്നത്. ഇതു പോലെ രാത്രിയില്‍ അടിക്കടി മൂത്രം പോകുന്നതിന് പല കാരണങ്ങളുമുണ്ടെങ്കിലും കിഡ്‌നി പ്രശ്‌നവും ഒരു കാരണമാണ്.

ശരീരത്തില്‍ വിവിധയിടങ്ങളില്‍ കാണുന്ന നീര് മറ്റൊരു കിഡ്‌നി പ്രശ്‌ന ലക്ഷണം കൂടിയാണ്. ശരീരത്തില്‍ വാട്ടന്‍ റിട്ടെന്‍ഷന്‍, അതായത് വെള്ളം കെട്ടി നില്‍ക്കുന്ന അവസ്ഥയുണ്ടാകുമ്പോഴാണ് ഇതുണ്ടാകുന്നത്. വൃക്ക തകരാറിലെങ്കില്‍ ശരീരത്തില്‍ നിന്നും വെള്ളം പുറന്തള്ളുവാന്‍ വൃക്കയ്ക്കു കഴിയാതെ വരുന്നതാണ് ഇതിനു കാരണമായി പറയുന്നത്. കണ്ണിനു താഴെ നീര്,കാലുകളിലും മുഖത്തും നീര്തുടങ്ങിയവ കിഡ്‌നിയുടെ കൂടി പ്രശ്‌നമെന്നതിനാല്‍ വരുന്നതു കൂടിയാണ്. മൂത്രത്തിലൂടെ ധാരാളം പ്രോട്ടീൻ പുറത്തേക്ക് കളയുമ്പോൾ, നിങ്ങളുടെ കണ്ണുകൾക്ക് ചുറ്റും വീക്കം കാണപ്പെടുന്നു.

വരണ്ടതും, ചൊറിച്ചിൽ അനുഭവപ്പെടുന്നതുമായ ചർമ്മം വൃക്ക സംബന്ധമായ അസുഖത്തിന്റെ പ്രധാന ലക്ഷണങ്ങളിലൊന്നാണ്. കിഡ്‌നിയ്ക്ക് ശരീരത്തില്‍ നിന്നും ടോക്‌സിനുകള്‍ പുറന്തള്ളാന്‍ സാധിയ്ക്കാതെ വരുന്നതാണ് പ്രധാനപ്പെട്ട കാരണമായി പറയാവുന്നത്. ഇത്തരം ടോക്‌സിനുകളാണ് ചര്‍മത്തിന് ചൊറിച്ചിലുണ്ടാക്കുന്നത്. വൃക്കയിലെ അനുചിതമായ ശുദ്ധീകരണം കാരണം, രക്തത്തിൽ പ്രധാനപ്പെട്ട പോഷകങ്ങൾ ഇല്ലാതാവുകയും, ഇത് ചർമ്മത്തെ വരണ്ടതും ചൊറിച്ചിലുള്ളതുമാക്കി മാറ്റുകയും ചെയ്യുന്നു

കിഡ്‌നി പ്രശ്‌നമാകുമ്പോള്‍ രക്താണുക്കളുടെ പ്രവര്‍ത്തനത്തെ ഇതു ബാധിയ്ക്കും. ഇത് ഓക്‌സിജന്‍ ശരീരത്തിന്റെ വിവിധ ഭാഗങ്ങളിലേയ്ക്കു പ്രവഹിയ്ക്കുന്നതില്‍ ബുദ്ധിമുട്ടുണ്ടാക്കും. കോശങ്ങള്‍ക്ക് ആവശ്യത്തിന് ഓക്‌സിജന്‍ ലഭിയ്ക്കാതെ വരുമ്പോള്‍ ക്ഷീണം തോന്നുന്നതു സ്വാഭാവികമാണ്. ഇത് ആളുകളെ ക്ഷീണിതരാക്കുകയും ഊർജ്ജക്കുറവിന് കാരണമാകുകയും ചെയ്യുന്നു. മാത്രമല്ല, അവർക്ക് അവരുടെ ജോലിയിൽ ശ്രദ്ധ കേന്ദ്രീകരിക്കാനും കഴിയില്ല. ഇതോടൊപ്പം, വിളർച്ചയ്ക്കും ഇത് കാരണമാകാം,