മാനസികാരോഗ്യം: കാഴ്ച്ചപ്പാടുകള്‍ ഇനിയും മാറുന്നില്ല

മനുഷ്യനെ ബാധിക്കുന്ന ആരോഗ്യപ്രശ്നങ്ങളില്‍ പത്തില്‍ അഞ്ചും മാനസികാരോഗ്യവുമായി ബന്ധപ്പെട്ടാണിരിക്കുന്നത്. സാമൂഹ്യ, സാമ്പത്തിക അതിര്‍വരമ്പുകളില്ലാതെ ആരേയും എപ്പോഴും അലട്ടാവുന്ന ഒന്നാണ് മാനസിക സമ്മര്‍ദ്ദങ്ങള്‍.തൊഴിലിടങ്ങളിലെ മാനസിക സമ്മര്‍ദ്ദങ്ങളെക്കുറിച്ചുള്ള പഠനങ്ങൾ ഏറി വരികയാണ്. ഏറെപ്പേര്‍ ഇത്തരം സമ്മര്‍ദ്ദങ്ങളെ അതിജീവിക്കാനാവാതെ ഉഴറുന്നത് ഇന്ന് സ്ഥിരം കാഴ്ച്ചയാണ് എന്നതു തന്നെയാണ് കാരണം. വിഷാദം, മദ്യത്തിന്‍റെ ഉപയോഗം വിവിധ തരം സമ്മര്‍ദ്ദങ്ങള്‍, ചൂഷണങ്ങള്‍ എന്നിവയെല്ലാം മാനസിക ആരോഗ്യത്തെ ബാധിക്കുന്ന ചില ഘടകങ്ങള്‍ മാത്രമാണ്.

ലോകത്ത് ജോലി ചെയ്ത് ജീവിക്കുന്നവരില്‍ 15 മുതല്‍ 30 വരെ ശതമാനം ആളുകള്‍ക്ക് ഏതെങ്കിലും വിധത്തിലുള്ള മാനസിക വിഷമങ്ങള്‍ ഉണ്ടെന്നാണ് പഠനങ്ങള്‍ വെളിപ്പെടുത്തുന്നത്. മനസ്സിനെ ബാധിക്കുന്നു എന്ന് വ്യക്തമായി മനസ്സിലാക്കിയാലും വേണ്ട പ്രതിവിധികളോ സഹായങ്ങളോ ചെയ്യാന്‍ ഇന്ത്യന്‍ സമൂഹം തയ്യാറാവുന്നില്ല എന്നാണ് പ്രമുഖ മാനസികാരോഗ്യ വിദഗ്ധര്‍ അഭിപ്രായപ്പെടുന്നത്. മാനസികാരോഗ്യ വിദഗ്ധനെ കാണുന്നത് ഭാന്തുള്ളവരാണ് എന്ന സ്റ്റിഗ്മ ഇനിയും മാറിയിട്ടില്ല.

അമ്പതി മില്യൺ ഇന്ത്യക്കാര്‍ക്കും ഇത്തരത്തില്‍ മാനസിക പ്രശ്നങ്ങളുണ്ടെന്നാണ് കണക്കുകള്‍ വ്യക്തമാക്കുന്നത്. വിഷാദവും ഉത്കണ്ഠ (ആംങ്‍സൈറ്റി)യുമാണ് ഇന്ത്യന്‍ ജനതയെ ഏറ്റവും വലയ്ക്കുന്ന മാനസിക പ്രശ്നങ്ങള്‍. എന്നാല്‍ ഇവയെ ആരംഭത്തിലേ തിരിച്ചറിഞ്ഞ് തക്ക ചികിത്സ നല്‍കിയാല്‍ പൂര്‍ണമായി ഭേദമാക്കാനാവും. എന്നാല്‍ അത്തരം ചികിത്സകള്‍ തേടുന്നത് സമൂഹത്തില്‍ നിലയ്ക്കും വിലയ്ക്കും കോട്ടം വരുത്തുന്ന എന്തോ ആണെന്ന മിഥ്യാധാരണയാണ് ഇവയില്‍ നിന്നും അകന്നു നില്‍ക്കാന്‍ പ്രേരിപ്പിക്കുന്നത്. അത്തരം കാഴ്ച്ചപ്പാടുകള്‍ മാറിയേ പറ്റൂ.


സോഴ്സ്: എക്കണോമിക് ടൈംസ്