കാര്യങ്ങൾ എളുപ്പമായി, മിക്സിയിൽ തേങ്ങ ചിരകാം

തേങ്ങയില്ലാത്ത കറികൾ മലയാളികൾ കഴിക്കുന്നത് ചുരുക്കമാണ്. തേങ്ങ ചേർക്കുന്ന മീൻ കറിയും പ്രഭാതഭക്ഷണവും ഒക്കെ കഴിച്ചിട്ടുള്ളവർക്കറിയാം അതിൻ്റെ രുചി ഒന്ന് വേറെ തന്നെയെന്ന്. എന്നാൽ തേങ്ങ ചുരണ്ടുന്നത് തന്നെ ഒരു വലിയ ജോലിയുമാണ്. ജോലിയും അടുക്കള ജോലിയും മൂലം കഷ്ടപ്പെടുന്നവർക്ക് അനുഗ്രഹമാവുകയാണ് എന്തായാലും തേങ്ങ എളുപ്പത്തിൽ ചിരകാനുള്ള സംവിധാനം. തേങ്ങ ചിരകുന്ന ഇലക്ട്രോണിക് ഉപകരണങ്ങൾ വിപണിയിൽ ധാരാളമുണ്ട്.

എന്നാൽ ഇനി തേങ്ങ ചിരകാൻ മിക്സി മതി. ചിരവജാർ അതിനായി ഉപയോഗിക്കാം. ചിരവജാർ നമുക്ക് നമ്മുടെ കൈയിൽ ഉള്ള ഏത് മിക്സിയിലും ഘടിപ്പിക്കാവുന്ന ഒന്നാണ്.

ഈ ചിരവജാർ ആണ് ഇപ്പോൾ വിപണിയിൽ ഹിറ്റായിക്കൊണ്ടിരിക്കുന്നത്.. ടു ഇൻ വൺ ജാർ ആയതു കൊണ്ട് തേങ്ങ ചിരകൽ കഴിഞ്ഞാൽ ഒരു സിട്രിക് ജ്യൂസർ ആയും സംഗതി ഉപയോഗിക്കാം. 2500 രൂപയോളം വിലയുണ്ട് ചിരവജാറിന്