എന്തുകൊണ്ട് വാതില്‍ പിടികള്‍ പിച്ചള ഉപയോഗിച്ച് നിര്‍മ്മിക്കുന്നു?

വ്യത്യസ്‍തമായ ആക‍ൃതികളിലും അലങ്കാര രിതികളിലും വാതില്‍ പിടികള്‍ നാം കണ്ടിട്ടുണ്ട്. കൈയ്യിലെ ചിലറയുടെ അളവനുസരിച്ച് പല വാതില്‍ പിടികളും തിരഞ്ഞെടുക്കാറുണ്ട്. ഇവ പിച്ചള, ക്രോമിയം, പ്ലാസ്റ്റിക്, സ്റ്റീല്‍ എന്നിവ ഉപയോഗിച്ചാണ് നിര്‍മ്മിക്കുന്നത്. ആരോഗ്യപ്രശ്നങ്ങള്‍ ഉണ്ടാക്കാന്‍ സാധ്യതയുള്ളവയാണ് വാതില്‍ പിടികള്‍. ഇവയുടെ ശാസ്ത്രീയ വശത്തെ കുറിച്ച് നിങ്ങള്‍ ചിന്തിച്ചിട്ടുണ്ടോ?

രാവിലെ വീട്ടില്‍ നിന്ന് ഇറങ്ങുന്ന വ്യക്തി അദ്ദേഹത്തിന്‍റെ ആവശ്യങ്ങള്‍ക്കായി വ്യത്യസ്തമായ സ്ഥലങ്ങളിലൂടെ സഞ്ചരിക്കുന്നു.ഇദ്ദേഹത്തോടൊപ്പം സഞ്ചാരത്തിന് ധാരാളം അണുക്കളും കൂടുന്നു. വീട്ടിലേക്ക് തിരിച്ചെത്തുമ്പോള്‍ നമ്മള്‍ വാതില്‍ പിടികളില്‍ നിരവധി തവണ സ്പര്‍ശിക്കുന്നതോടെ അണുക്കള്‍ വാതില്‍ പിടിയിലേക്കും കടക്കുന്നു. ഇതോടെ കുടുംബത്തിലെ എല്ലാവരിലേക്കും അണുക്കള്‍ കടന്നുചെല്ലാനുള്ള സാധ്യത കൂടുകയാണ്. ചെമ്പും അതിന്‍റെ ലോഹസങ്കരങ്ങളില്‍ ഒന്നായ പിച്ചളയും അണുനാശിനിയായി പ്രവര്‍ത്തിക്കുന്നവയാണ്. പിച്ചള ഉപയോഗിച്ച് നിര്‍മ്മിക്കുന്ന വാതില്‍ പിടികള്‍ക്ക് അണുക്കളെ നശിപ്പിക്കാനാവും. ഇതോടെ അണുക്കളുടെ വളര്‍ച്ചക്ക് ഇത് തടസമാകും.

വിദഗ്ധരുടെ പഠനത്തിന്‍റെ അടിസ്ഥാനത്തില്‍ സ്റ്റീല്‍ ഉപയോഗിച്ച് നിര്‍മ്മിക്കുന്ന വാതില്‍ പിടികളില്‍ അണുക്കള്‍ക്ക് ധാരാളം ദിവസം നിലനില്‍ക്കാന്‍ സാധിക്കും. എന്നാല്‍ പിച്ചള ഉപയോഗിച്ച് നിര്‍മ്മിക്കുന്ന വാതില്‍ പിടികളിലുള്ള അണുക്കള്‍ക്ക് വേഗത്തില്‍ നാശം സംഭവിക്കുന്നു.