വീട്ടില് നിന്നും പല്ലിയെ തുരത്താന് ഇതാ എളുപ്പവഴികള്
വീട്ടില് പാറ്റ പോലെ തന്നെ, പല്ലിശല്യവും കണ്ടുവരാറുണ്ട്. ഇവ നീക്കം ചെയ്യാന്, വീട്ടില് തന്നെ ചെയ്യാവുന്ന പൊടിക്കൈകള് എന്തെല്ലാമെന്ന് നോക്കാം.
Authored byഅഞ്ജലി എം സി | Samayam Malayalam27 Feb 2023, 3:34 pm
വീടിന്റെ മുക്കിലും മൂലയിലും പല്ലികള് ഓടി നടക്കുന്നത് കാണാം. പ്രത്യേകിച്ച് ചുമരില്, ബാത്ത്റൂമില്, ലൈറ്റുകള്ക്കിടില് എല്ലാം തന്നെ പല്ലികള് ഇരിക്കുന്നത് പലപ്പോഴും ആളുകളുടെ ദേഹത്തേക്ക് വീഴുന്നതിന് കാരണമാകാറുണ്ട്. കുട്ടികള്ക്ക് ഇത്തരത്തില് പല്ലി വീഴുന്നത് വളരെയധികം പേടി ഉണ്ടാക്കുന്ന കാര്യമായിരിക്കും. അതിനാല്, പല്ലിയെ തുരത്താന് നിങ്ങള്ക്ക് ചെയ്യാവുന്ന ചില വഴികള് ഇതാ.
വെളുത്തുള്ളിയും സവാളയും
വെളുത്തുള്ളിയും സവാളയുമെല്ലാം തന്നെ ഒട്ടുമിക്ക വീടുകളിലും ഒരുമിച്ചായിരിക്കും ഇട്ടിരിക്കുന്നത്. ഇവയ്ക്ക് നല്ല സ്ട്രോംഗായിട്ടുള്ള മണം ഉള്ളതിനാല് തന്നെ ഇത് പല്ലികള്ക്ക് അധികം പറ്റുകയില്ല. അതിനാല്, പല്ലികള് പ്രധാനമായും കാണുന്ന സ്ഥലത്തില് വെളുത്തുള്ളി എല്ലെങ്കില് സവാള എന്നിവ തുറന്ന് വെക്കുന്നത് നല്ലതാണ്.
അല്ലെങ്കില് വെളുത്തുള്ളി തൊണ്ടോടുകൂടി ചതച്ച് ഇത് വെള്ളത്തില് മിക്സ് ചെയ്ത് ഒരു സ്പ്രേ ബോട്ടിലില് ആക്കി പല്ലി കാണുന്ന ഭാഗത്ത് സ്പ്രേ ചെയ്യുന്നത് വളരെ നല്ലതാണ്. ഇതും പല്ലിയുടെ ശല്യം ഇല്ലാതാക്കാന് സഹായിക്കും.
വൃത്തിയാക്കാം
വീടിന്റെ മുക്കും മൂലയും നമ്മള് വൃത്തിയാക്കു. എന്നാല് പലപ്പോഴും കബോഡ്സ് വൃത്തിയാക്കി എടുക്കാന് പലരും തുനിയാറില്ല. എന്നാല്, കബോഡ്സ് ആഴ്ച്ചയില് ഒരിക്കല് വൃത്തിയാക്കി എടുക്കുന്നത് വളരെ നല്ലതാണ്. ഇത് പല്ലികള് പെറ്റുപെരുകുന്നത് തടയാന് സഹായിക്കും.
പറ്റുമെങ്കില് ന്യൂസ് പേപ്പര് വിരിച്ചതിന് ശേഷം കബോഡില് സാധനങ്ങള് വിരിക്കുന്നതും വളരെ നല്ലതാണ്. ഇതും പല്ലിശല്യം കുറയ്ക്കാന് സഹായിക്കും.
നാഫ്ത്താലിന് ബോള്
പല്ലിയെ തുരത്താന് നിങ്ങള്ക്ക് പ്രയോഗിക്കാവുന്ന മറ്റൊരു മാര്ഗ്ഗമാണ് നാഫ്ത്താലിന് ബോള്. ഇത് ഉപയോഗിച്ചാല് പല്ലിയെ മാത്രമല്ല, പാറ്റകളേയും വീട്ടില് നിന്നും ഓടിക്കാന് സാധിക്കും. ഇത് വാഷിംഗ് ബേയ്സനിലും ബാത്ത്റൂമിലും ഇത് ഇടുക. ഇതിന്റെ മണം പല്ലിശല്യം കുറയ്ക്കാന് സഹായിക്കും.
ഇത് ഇടുമ്പോള് കുട്ടികള് ഉള്ള വീട് ആണെങ്കില് അവരുടെ കയ്യില് ഇത് എത്തിപ്പെടാത്ത വിധത്തില് വേണം സൂക്ഷിക്കാന്. അപകടകാരിയാണ് ഇത്.
പെപ്പര് സ്പ്രേ
പെപ്പര് സ്പ്രേ ഉപയോഗിക്കുന്നത് പല്ലി ശല്യം കുറയ്ക്കാന് സഹായിക്കുന്നതാണ്. ഇതിനായി പെപ്പര് സ്പ്രേ നിങ്ങള്ക്ക് വീട്ടില് തന്നെ തയ്യാറാക്കി എടുക്കാവുന്നതാണ്. ഇതിനായി പെപ്പര് പൊടി എടുത്ത്, ഇത് വെള്ളത്തില് മിക്സ് ചെയ്ത് സ്പ്രേ ബോട്ടിലില് ആക്കി എടുക്കാവുന്നതാണ്.
കുരുമളകിന്റെ പുകച്ചില് പല്ലികളുടെ ശരീരത്തില് പൊള്ളല് ഉണ്ടാക്കുന്നതിനാല് പല്ലികളുടെ എണ്ണം കുറയാന് തുടങ്ങും.
മുട്ടയുടെ തോട്
മുട്ടയുടെ തോട് പല്ലിയുള്ള സ്ഥലങ്ങളില് വെക്കുന്നത് പല്ലിശല്യം കുറയ്ക്കാന് സഹായിക്കുന്നുണ്ട്. കാരണം, മുട്ടയുടെ മണം പല്ലികള്ക്ക് പറ്റുകയില്ല. അതിനാല് തന്നെ, മുട്ടയുടെ തോടുകള് വീട്ടില് പല്ലിശല്യം അമിതമായിട്ടുള്ള സ്ഥലങ്ങളില് വെക്കാവുന്നതാണ്. ഇതും നല്ല ഫലപ്രദമായിട്ടുള്ള മാര്ഗ്ഗമാണ്.
വേയ്സ്റ്റ് നീക്കം ചെയ്യാം
വീട്ടില് നിന്നും കൃത്യമായി വേയ്സ്റ്റ് നീക്കം ചെയ്യേണ്ടത് അനിവാര്യമാണ്. ഇവ കുന്നുകൂടി കിടക്കുന്നത്, പ്രത്യേകിച്ച് ഭക്ഷ്യവസ്തുക്കള് കുന്നുകൂടി കിടക്കുന്നത് പാറ്റയും പല്ലിയും പെരുകുന്നതിന് കാരണമാണ്. അതിനാല്, കൃത്യമായി ഇവ വൃത്തിയാക്കി എടുക്കാന് മറക്കരുത്
പത്ര പ്രവര്ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്കൂള് കാലഘട്ടം മുതല് സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന് പ്രേരിപ്പിച്ചത്. മാധ്യമ മേഖലയില് മൂന്ന് വര്ഷത്തെ പ്രവര്ത്തി പരിചയമുള്ള അഞ്ജലി ലൈഫ്സ്റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.