Sambhar tips സാമ്പാറിൽ ശർക്കര ചേർക്കാറുണ്ടോ?

മലയാളികളുടെ പ്രിയപ്പെട്ട വിഭവമാണ് സാമ്പാർ. സാമ്പാർ സദ്യയിലെ പ്രമുഖനുമാണ്. വിവിധ ജില്ലകളിൽ സാമ്പാറിന് വിവിധ ശൈലികളാണ്. പരിപ്പ് ഒഴിവാക്കി വരെ സാമ്പാർ വെക്കാവുന്നതാണ്. തീൻ മേശയിൽ സാമ്പാർ ഉണ്ടെങ്കിൽ കറികൾ ധാരാളമുള്ളതായി തോന്നും. സാമ്പാർ രുചികരമാക്കാൻ ചില പൊടിക്കൈകളുണ്ട്. അവ ഏതെന്ന് നോക്കാം

പല പരിപ്പുകൾ സാമ്പാറിൽ ഇടുമെങ്കിലും ഏറ്റവും യോജിച്ചത് തുവരപരിപ്പാണ്. ഇനി ചെറുപയർ പരിപ്പാണ് ഉപയോഗിക്കുന്നതെങ്കിൽ പരിപ്പ് വറുത്ത് പച്ചപ്പ്‌ മാറിയതിന് ശേഷം ഉപയോഗിക്കുക. സാമ്പാറിന് കറുത്ത പുളിയാണ് രുചികരം. ഇഡ്ഢലി സാമ്പാറിന് പുളി ഒഴിവാക്കി തക്കാളി മാത്രം ഉപയോഗിക്കുക.

സാമ്പാർ പൊടി അൽപ്പം വെള്ളത്തിൽ കലക്കി ഒഴിക്കുക. സാമ്പാറിന് കൊഴുപ്പ് കിട്ടാൻ ഗോതമ്പ് മാവോ കടല മാവോ കലക്കി ഒഴിക്കുക. കുറച്ചു ശർക്കര ചേർക്കുന്നതും രുചി കൂട്ടാൻ നല്ലതാണ്. വെണ്ടയ്ക്ക വേവ് കുറവായതിനാൽ അവസാനം ചേർക്കുക.

പാചകത്തിന് അര മണിക്കുർ മുമ്പ് പരിപ്പ് കുതിർക്കാനിടുക. കുക്കറിൽ വേവിക്കുന്നതാണ് നല്ലത്. ഒരു വിസിൽ മതിയാകും. ഒരു കപ്പ് പരിപ്പിന് മൂന്ന് കപ്പ് വെള്ളം എന്നാണ് കണക്ക്. പരിപ്പ് നന്നായി വൃത്തിയാക്കിയിരിക്കണം. പരിപ്പിൻ്റെ കൂടെ ഒരു നുള്ള് ഉലുവ ഇട്ടാൽ സാമ്പാർ പെട്ടെന്ന് വളിക്കില്ല . പരിപ്പ് തിളയ്ക്കാറാകുമ്പോൾ അതിന് മുകളിൽ പത പോലെ വരുന്നത് കോരി കളയണം